2 ጴጥ 1:10 - ኦራ ጫ̈ቃ ማጻ̈ፋ

¹⁰ ዪ̈ኮታ̇ቦ ቴ ኢሺንታ̇ንሶ! ዪንቲ̇ ጼይጊንቲ̇ኖንዴኬ ማራጺንቲ̇ኖን ሚ̈ንንዳቦ ቲ̈ኖንፖ ሺ ሚ̈ጚብቴ̇፤ ዪንቲ̇ ዪኖ̇ ዎቴጌይንዶ ዉ̈ርሲ ዪንታ̇ ኣማ̇ኒን ጋልዳፖ ኬዲ̇ባ̈ሴ።

2 ጴጥ 1:10 ပူးပေါင်းရင်းမြစ်များ

ማ̈ቶ̈ሳ 22:14

“ጼይጊንቲ̇ኖ ኣሳን ዎይሊን፤ ማራ̇ጺንቲ̇ኖ ኣሳን ጊላ̇” ጌይዴ።

ሮሜ 11:29

ጾ̈ሲ̈ ፌ ካንን ኢሚ̇ኖፖ̇ ዓኒኬ ዶሳር ማ̈ራጺ̈ኖፖ ዓኒ “ቴ ዓኖ̇ ኣባቦ ዎቴ” ጌዪባ̈ሴ።

2 ጢማ̈ 2:19

ዎቲናካር “ጎዳ̈ዲ ፌዪ ማ̈ቂ̇ኖን ኤሪ̈ሬ፤” ማ “ጎዳ ሱምን ጼይጊዝ ኣሲ ዎይ ኢ̈ት ባዝ ጋልዳፖ ጎቶ̇” ጌይዝ ማይታማ ኢዝ ጋልዳ ጋዲ̇ኖ ጾ̈ሲ ቶሊኖ ቱ̈ሲን ኤንኣባሴ።

ኢብ 6:11

ዪንቲ ዎይን ታስፋባር ና̈ጋዝ ባዚን ዪንታ̇ ኩሽታ ኣዝ ዲራስ ዪንቲ ቲ̈ናፖ ኦ̈ሙታ ዎን ዓታ̇ር ሚ̈ጋር ኦ̈ምፔ̈ኒ ኑ ኢኒ̇ቲ̈ሬ።

ኢብ 6:19

ዪና̇ ታስፊንዳ ኑ ሼምፒምቦ ኤንኣባሶ ሚ̈ን ቱ̈ሳፌ̈ኔ፤ ኑ̈ብ ዬሱ̈ሳ ጋልዳ ዎ ታስፊንዳ ማጋራጂን ኣ̈ራ ጾ̈ሳ̇̈ ኬ̈ን ጋርታ ዎ ጊዶ̇ ኪፊሊን ጋርታ ጌላ̈ሬ።

ዓይ 2:10

ኣባ ጌይን ጾ̈ሳ̇̇ ሂጊ̇ን ዎይ̈ንቦ ኪ̈ቲንታ̇ሪ̈፥ ፔታ̇ኒምቦ̇ ኪ̈ቲንታ̇ካ̇ይ ኣቴ̇ጌይንዶ ዎይንቦ ኪ̈ቲንታካ̇ዮ̈ዲፌ̈ን ፋይዲቲ̈̇ሬ።

1 ጴጥ 1:5

ዪንታ̇ሬ ዉ̈ርሲ ቃሚ̇ንባር ቤንታ̇ዝ ፋቲምቦ ኣማ̇ና ጎይባራ ጾ̈ሳ̇ ዎልቃ̈ባር ና̈ጊንቲ̇ኔ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

2 ጴጥ 1:5

ዪኒ̇ኮታ̇ቦ ዪንታ̇ ኣማ̇ኒን ጋልዳ ኮሺ̇ቲ፣ ኮሽቲ̇ን ጋ̈ልዳ ኤራ፣

2 ጴጥ 3:14

ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

2 ጴጥ 3:17

ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።

ዪሁ 1:24

ዪንቲ ብሲንታ̇ር ኬዳካ̇ዮ̈ዲፌ̈ን ዪንታ̇ ና̈ጊሙታዶ̈ሪ ኡፋይስባራ ፌ ቦንቺ̇ን ቲ̈ን ዪንታ̇ ሺ̈ሻ̇ንዳቦ ዳ̈ንዳኢዛ̈ቦ፥

ሳጻ 22:14

ሼምፓ ኢሚ̇ዝ ሚን ጋልዳፖ ኣ̈ፍ ሞ̈ንዳብኬ ኢዝ ካሪምባራ ካታሚን ጋርታ ጌላንዳቦ ዳንዳኣምፔ̈ኒ ፌ ኣፊሊን ሜ̈ጪዛን ኢንቲ̇ ኣንጂ̇ንቲ̇ኖን።