2 ቆሮ 8:9 - ኦራ ጫ̈ቃ ማጻ̈ፋ

⁹ ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

2 ቆሮ 8:9 ပူးပေါင်းရင်းမြစ်များ

ማ̈ቶ̈ሳ 17:27

“ማ̈ቂ̇ናካሬ ኑ ኢንታ̇ብ ፊ ማ̈ቃ̇ካ̇ይፌ̈ኒ ኔ ሉካ̇ራ ኔ ማንጻቂን ባሃ̈ሪን ጋርታ̇ ሚሻቤ፤ ቲ̈ኒታር ኤ̈̇ኖ ሞሊን ኖ̈ኒን ዓ̈ኪሳቤ፥ ኔ ኢናፖ̇ ሚ̈ሺ̇ ዲጛ̈ሬ። ኢዞ ኤካ̇ራ ታ̈ብኬ ኔ̈ባክ ጪጋ̇ቤ” ጌይዴ።

ማ̈ቶ̈ሳ 20:28

ታ ኣሳ ናኣ̈ዳሬ ኣስ ማ̈ዳ̇ንዳብኬ ዎይሊንን ፋንዳቦ ኢንታኮታ̇ብ ቴ ሼምፒ̇ን ኣ̈ ኢማ̇ንዳብ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ቴ ዬ̈ካ̇ዬ” ጌይዴ።

ማ̈ቶ̈ሳ 8:20

ዬሱ̈ሳር ኢ̈ኮ “ዶ̈ባ̇ንቦ ጌላር ኣቂዝ ዶ̈ቺ̇ ኢንታ̇ብ ዎ፤ ኣፋ ፋሪዝ ካፋንባሬ ኢንቲ̇ ዶኢዝ ኬ̈ ኢንታ̇ብ ዎዶኒ፥ ቴ ኣሳ ናኣ̈ቦ ጌላር ሼምፒ̇ዝ ኬ̈ ታ̈ብ ባዬ̇” ጌይዴ።

ማ̈ርቆ̈ሳ 6:3

ዪ ና̈ሳ ሚ ማሲ̈ዛ̈ዳ ባያ? ኢ ማ̈ራሚ ናኣ፤ ዓይቆ̈ባ፣ ዮ̈ሴ̈ፋ፣ ዪሁዳ፣ ሲሞ̈ና ኢሻ̈ዳ ባያ? ኢ ኢና̇ኣን ማጫ̇ናኣንሬ ዓይ ኑ̈ክ ዎ ባያ? ዪዝ ጋ̈ር ሌቃ̇ሪ ኢ ሶ̈ላዚን ኤካካ̇ይ ኣቲ̇ዴ።

ሉቃ̈ሳ 16:11

ዪዚ ዪንቲ̇ ዓኒ̇ ኣላሚን ጋልዳ̇ ዎ ቆሊንባር ኣማ̇ኒንታ̇ካ̇ዮ̈ ኪን ቆሊንን ኦ ዪንታ̇ብ ዓዳራ ጌዪ ኢሚ̇̈ራ?

ሉቃ̈ሳ 8:3

ካ̈ታ ሄሮዶ̈ስ ኣ̈ሊምቦ ኣላቃ ማ̈ቂ̇ኖ ና̈ሳ ኩ̈ዛ ጌይዛ ማጪ̇ን ዮሃ̈ኖ፣ ሶ̈ሲኖ፣ ሜላሬ ዎይሊን ማጫ̇ን ዎ። ዪን ማጫ̇ን ፌ ሚ̈ሻ̇ባራ ዬሱ̈ሳኬ ኢ ታማ̈ራንኬ ማ̈ዲ̇̈ሬ።

ሉቃ̈ሳ 9:58

ዬሱ̈ሲ ኢ̈ኮ “ዶ̈ባ̇ንቦ ጌላር ኣቂዝ ዶ̈ቺ̇ ኢንታ̇ብ ዎ፤ ካፋንባር ኢንቲ̇ ዶኢዝ ኬ̈ ዎዶኒ ቴ ኣሳ ናኣ̈ቦ ሜላ ኣቲ̇ን ጌላር ሼምፒ̇ዝ ኬ̈ ታ̈ብ ባዬ̇” ጌይዴ።

ዋ̈ኒ̇ሳ 1:10

ኢ ኣላሚን ዓኒ ጋርታ̇ ዎ። ኣላሚን ዓኖ̇ ኮቺ̇ኖ̈ዳር ኢያዶ̈ን ዓኒ̇ ኣላሚን ጋልዶ ኣሳን ኢያ ኤራካ̇ይ ኣቲ̇ዴ።

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ዋ̈ኒ̇ሳ 1:17

ጾ̈ሳ̇̇ ሂጊ̇ን ሙ̈ሳ ጎይባራ ኢሚ̇ንቲ̇ንዶ̈ን፥ ማ̈ሪቲኬ ኪንቲ ዬሱ̈ሳ ጎይስባር ዬይኔ።

ዋ̈ኒ̇ሳ 12:30

ዬሱ̈ሳር ኢንታ̇ኮ “ዪና̇ ጊርሲን ዪንታ̇ ማ̈ዳ̇ንዳብ ዬይንዶኬ ታ̈ብ ዬ̈ካ̇ዬ።

ዋ̈ኒ̇ሳ 16:15

ቴ ባ̈ባ ባዝ ማ̈ቂኖን ዎይ ቴ ባዜ፤ ዪዚ ዪኒ̇ኮታ̇ቦ ታ̈ኒ ‘ኢ ታ̈ፖ̇ ኤካ̇ር ዪንታ̇ብ ሶ̈ሊሬ’ ጋ̈ር ቴ ዪንታ̇ብ ሶ̈ሊኖንዳ̇።

ዋ̈ኒ̇ሳ 17:19

ኢንቲ̇ ፌ ኣሲቲን ዉርሲ ኔ̈ዪ ማ̈ሳምፔ̈ኒ ታ̈ናር ታ ኣሲቲንዶ ዉርሳ ኔ̈ብ ኢሚ̇ኔ።

ሮሜ 11:12

ኣይሁዳን ኢሲ̇ኖንዳ ኣላሚን ጋልዳ ዎይሊን ኣንጃ̇ ቤይሲኔ፤ ኢንታ ኬዲንዳ ኣይሁድ ባዮ̇ ኣሳንቦ ኣንጃ̇ ማ̈ቂ̇ኔ፤ ዪዶኮ ፋጻንዳብ ዎን ዎይ ፋጼጌይን ዎዛርፌ̈ን ዎይሊን ኣንጃ̇ ማ̈ቂ̇̈ርዶ̈ኔ!

ሮሜ 15:3

ኣጊሻ̇ቦ ጌይን ክርስቶ̈ሳር ፌ̈ና ኡፋይሳ̇ካዬ፤ ጌ̈ሻ̇ ማጻ̈ፋ ጋልዳ “ኔ̈ና ቆ̈ኖ ኣሳን ታ̈ና ቆ̈ኔ” ጋ̈ር ጻ̈ፊንቲ̇ኖን ኢያ ዬላ̇ዴ።

ሮሜ 5:8

ዎቲናካሬ ኑ̈ኒ ናጋራንቻ̇ን ማ̈ቃ̇ሪ ዎዶ̈ን ክርስቶ̈ሲ ኑ ጊሻ̇ብ ዓይቂ̇ዴ፤ ዪ̈ዳሬ ጾ̈ሳ̇̇̈ዲ ኑ̈ና ዎዛርፌ̈ን ጴች ካ̈ርኮ ቤይሲ̈ሬ።

ሮሜ 8:32

ጾ̈ሲ ፌ ናኣ ፔታ̇ና ኢ̈ብ ሚጪንታ̇ካይዶር ኑ ዎይንኮታ̇ቦ ኢያ ኣ̈ ኢሚ̇ኖ̈ዲ ሜላ ባዝ ዎይ ዎዛርፌ̈ን ሜላ̇ ኑ̈ብ ኢሚ̇ባ̈ሳ?

1 ቆሮ 1:4

ጾ̈ሳ̇ዲ ዬሱ̈ስ ክርስቶ̈ሳ ጎዪባራ ዪንታ̇̇ብ ኢሚ̇ኖ ኣያ̇ና ኪልሲንኮታ̇ቦ ታ̈ኒ ዎይ ጋላስ ጾ̈ሳ̇̇ ጋላታ̈ሬ።

1 ቆሮ 15:47

ቲ̈ኖ ና̈ሳ ኮቺ̇ንቲኖንዳ ሳ̈ዝ ጋልዳፖ̇ ማ̈ቂ̇ኖኮታ̇ቦ ኢ ሳ̈ዝ ጋልዶ ኣሴ። ዎሃ ዬይኖ ና̈ሳዲ ኣፋፖ̇ ዬይኔ።

2 ቆሮ 13:14

ጎዳ ዬሱ̈ስ ክርስቶ̈ሳ ኮሺ̇ቲ፣ ጾ̈ሳ̇ ካን፣ ጌ̈ሻ̇ ኣያ̇ና ጋልዳፖ̇ ቤንቲ̇ዝ ፔቲ̇ቲ ዪንቲ̇ ዎይንባር ማ̈ቆ̇ጋ̈ቤ።

2 ቆሮ 6:10

ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

ኤፍ 2:7

ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ።

ኤፍ 3:19

ኣሲ ክርስቶ̈ሳ ካንን ፎቲ ኤራንዳብ ዳንዳኢባ̈ስካሬ ዪንቲ ኢዞ ኤራምፔ̈ንኬ ማ ዪንቲ ጾ̈ሳ̇̇̈ ማይጻምፔ̈ን ቴ ዪንታ̇ብ ዎ̈ሳ̇̈ሬ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

1 ጢማ̈ 6:18

ማ ኢንቲ ኮሽ ኦ̈ሳ ኦ̈ምፔ̈ን፥ ኮሽ ኦ̈ሳባር ዱር ማ̈ቃ̇ምፔ̈ኒ፥ ኢንታብ ዎ ባዝ ሜላንቦ ፋጋ̇ር ኢማ̇ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

ኢብ 1:2

ዎቲናካሬ ዓት ዓና̇ ውርሲ ኬሊ̇ን ጋልዳ ዎይ ባዝ ኢ̈ብ ኢሚ̇ዛ ማ ዓና̇ ኣላሚንዳሬ ኢ ጎይባር ኮቺ̇ኖ ፌ ናኣ̈ ጎይባር ማ̈ቃ̇ር ኑ̈ብ ሶ̈ሊኔ።

ዓይ 2:5

ዶሲንቲ̇ኖ ቴ ኢሺንታ̇ን! ዪኖ̇ ሲስኪብቴ̇፤ ጾ̈ሲ̇ ፌ̈ና ካዝ ኣሳንቦ̈ ኢማ̇ንዳ ጌይኖ̈ ካ̈ቲቲን ኤካ̇ምፔ̈ንኬ፥ ኣማ̇ናባር ዱር ማ̈ቃ̇ምፔ̈ኒ፥ ዓኒ̇ ኣላሚን ጋልዳ ዎ ዎርባያን ማራጻካያ?

ሳጻ 2:9

ኔ ሜቲንዲ̇ኬ ኔ ዎርባዪቲን ታ̈ኒ ኤራ̈ሬ፤ ማ̈ቂ̇ናካሬ ኔ ዱሬ፤ ኣይሁዳ ዜር ባዪዶሪ ፌ̈ና ኣይሁዳ ዜር ጌይዛን፥ ሴ̈ጣናባር ማ̈ባራ ማ̈ቃ̇ር ዎን ኔ ሱምን ኢ̈ሲ̇ኖን ቴ ኤራ̈ሬ።

ሳጻ 21:7

ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤

ሳጻ 3:18

ኔ̈ኒ ዱር ማ̈ቃ̇ንዳብ ኮያዶኮ ታማ ጋርታ ጌላር ኬስኪ̇ኖ ዎርቂን ታ ጋልዳፖ ዎጛንዳቦ፥ ጾ̈ሲ ኮቺ̇ኖ ካሊ̇ን ካጛንዳቦ፥ ቦ̈ርስ ኣፊላ ማኣንዳቦ፥ ኔ ኣ̈ፊንዳር ቤቃ̇ንዳ̇ብ ዳንዳኣምፔ̈ን ኣ̈ፋ ጋ̈ላ ታ ጋልዳፖ ዎጛራ ኔ ኣ̈ፊን ዲርካ̇ምፔ̈ን ቴ ኔ̈ና ዞራ̈ሬ።