3 ፌ̈ብ ዳንዳኢንቲ̇ኖንዲፌ̈ንኬ ማ ኢዝፓር ሺ ዶሳር ኢሚ̇ኖምቦ ታ̈ኒ ኢንታ̇ብ ማርካ።
ኢዛ ፌ ዳንዳኢኖዲፌ̈ኒ ታ̈ብ ዎቲኔ። ቴ ዱ̈ፊምቦ̇ ማ̈ቃምፔ̈ኒ ቲ̈ኒታር ታ̈ና ሺታ̇ ቆቲሲኔ።
ኣንጾ̈ካ ዎ ኣማ̇ኒዝ ኣሳን “ኑ̈ብ ዳንዳኢንቲ̇ኖ̈ንዲፌ̈ኒ ሚ̈ሺ̇ ኬሳ̇ሪ ይሁዳ ዎ ኣማ̇ናን ማ̈ዲ̇ስቶ” ጋ̈ሪ ሶ̈ሊንቲ̇ዴ።
ጾ̈ሳ̇̇̈ቦ ኦ̈ንዳቦ ጴች ኢና̇ ኢንታ̇ብ ዎን ቴ ቴ ቆሚ̇ን ኢንታ̇ብ ማርኪ̇ታ̈ሬ ዎቲናካሬ ኢንታ̇ ኢኒ̇ንዳ ኪንን ኤራሪ ጊዳካ̇ዬ።
ቴ ዪንታ̇̇ክ ኢና ዬይን ዪንቲ̇ ሚ̈ሺ̇ ሺ̈ሻ̇ናፖ ዎይ ጋላስ ሳ̈ሚንታባር ዎጊ̇ ዎጊ̇ ጋላስ ኣሲ ዎይ ፌ ዲጛዚንዲፌ̈ን ኬሳ̇ሪ ዱማ ጋዳ̇ጋቤ።
ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇።
ዓኒ̇ፖ ቲ̈ን ዪንታ̇ብ ዎ ኡፋይሳ ዎይ ዎይዲ ሉኬ̇? ዪንታ̇ብ ዳንዳኢንቲ̇ዝ ባዝፌ̈ንኮ ሜላ ኣቲ̇ን ዪንቲ̇ ዪንታ̇ ኣ̈ፊን ኬሳ̇ር ታ̈ብ ኢሚ̇̈ርካርዶ̈ን ዪንቲ̇ ኢጺባ̈ሶን ታ ዪንታ̇ብ ማርኪ̇ታ̈ሬ።
ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።
ኢ ዪንታ̇ቦ ማ ሎዶ̈ቃ ጋዳ̇ ዎ ኣንብኬ ሂራ̈ፖ̇ሊስ ካታማ̈ን ጋርታ ዎ ኣሳንቦ ጴች ዋ̈ያዚን ቴ ኢ̈ቦ ማርኪ̇ታ̈ሬ።
ዪኒፖ ሺ ኑ ዪንታ̇ ዎይሊን ካዛኮታ̇ቦ ዪንታ̇ብ ጾ̈ሳ̇ ዎጛላ ሳባ̇ኪዛ ሙታ̇ ጊዳካ̇ይዶን ኑ ሼምፒ̇ንዳር ዪንታ̇ጊሽ̇ ኣ̈ር ኢማ̈ንዳቦ ጊ̈ጊንቲ̇ኖን።
ዎቲናካር ኔ ታ̈ብ ኦ̈ዝ ኮሽ̇ ኦ̈ሲንዳ ዎልቃባር ጊዳካ̇ይዶን ዶሳባር ማ̈ቃ̇ምፔ̈ን ቴ ኮዪኖኮታ̇ቦ ኔ̈ና ኦይጫካ̇ይዶራ ኣባካር ዎታንዳቦ ቴ ኮያካ̇ዬ።
ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።
ዪንታ̇ቦ ዓዳራባር ኢሚ̇ኖን ጾ̈ሳ̇ ዎርዣ ና̈ጊብቴ፤ ዪንቲ̇ ኢንታ̇ ና̈ጋዚንዳ ዎልቃባር ጊዳካ̇ይዶን ጾ̈ሳ̇ ኮዪዝ ጎይባራ ዶሳባር ማ̈ቆ̇፤ ሚ̈ሻ̇ብ ጋንዲሙታ̇ ጊዳካ̇ይዶን ኦ̈ሲምቦ ጋ̈ሪ ኦ̈ብቴ።
