2 ቆሮ 8:1 - ኦራ ጫ̈ቃ ማጻ̈ፋ

¹ ኑ ኢሺንታ̇ን! ሜቂዶ̈ና ጋዳ̇ ዎ ዎ̈ሳ ኬ̈ንቦ ጾ̈ሲ̇ ፌ ኮሺ̇ቲባር ኦ̈ኖ ኦ̈ሲን ዪንቲ̇ ኤራምፔ̈ን ኑ ኮዪ̈ሬ።

2 ቆሮ 8:1 ပူးပေါင်းရင်းမြစ်များ

ማ̈ቶ̈ሳ 25:22

“ናምኢ ሙኩላ ቢራ ኤኪ̇ኖ ና̈ሳ ዬ̈ሪ ‘ላ̈! ናምኢ ሙኩላ ቢራ ኔ ታ̈ብ ኢሚ̇ኔ፥ ዓት ዓ̈ዲሼ ሜላ ናምኢ ሙኩላ ቢራ ታ̈ኒ ቲርፍሲኔ!’ ጌይዴ።

ሃዋ̈ራታን ኦ̈ሳ 11:23

ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።

ሃዋ̈ራታን ኦ̈ሳ 16:9

ኢና ቃም̇ ጊዲ̇ቢላ ጳውሎ̈ሲ ሳጻባራ ማቂዶ̈ና ጋዶ̇ ፔቲ̇ ኣስዶ̈ሪ ኤቃ̇ሪ “ዓይ ማቂዶ̈ና ዬ̈ራ ኑ̈ና ማ̈ዲ̇ሼ” ጋ̈ሪ ኢያ ጌሻምባር ጳውሎ̈ሲ ሳጻባር ቤቂ̇ዴ።

ሃዋ̈ራታን ኦ̈ሳ 24:17

“ቴ ዬሩሳ̈ላማፖ ኬስኪ̇ን ዎይሊን ላይ ኣ̈ኖፖ ዓኒ ቴ ዎርዣቦ ማ̈ቂ̇ዝ ማ̈ዲ ሚ̈ሽኬ ጾ̈ሳ̇̈ቦ ማባ ሚ̈ሽ ኤ̈ራ ዬ̈ዴ።

ሮሜ 15:26

ዪ̈ዳሬ ሜቅዶ̈ናኬ ኣካ̇ያ ጋዳ̇ ዎ ኣማ̇ኒዝ ኣሳን ዬሩሳ̈ላማ ካታማ ጋርታ ዎ ኣማ̇ኒዝ ዎርባያን ሚ̈ሻ̇ባር ማ̈ዳ̇ንዳቦ ኮዪኖ ጊሼ̇።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

2 ቆሮ 11:9

ቴ ዪንታ̇̇ባር ዎዶን ታ̈ና ጊላ̇ ሜቲንዶ̈ን ሜቂዶ̈ናፖ ዬይኖ ቴ ኢሺንታን ታ̈ብ ኮሺ̇̈ዝ ባዝ ዎይባራ ታ̈ና ማዲ̇ኖኮታ̇ቦ ቴ ኦ̈ናካር ዋ̈ዪካ̇ዬ፤ ዓኖ̇ ዬላ̇ር ዪንታ̇ ኣባካባር ዋዪካዬ ዓት ዎሃባር ዪንታ̇ ዋ̈ይንዳባዬ̇።

2 ቆሮ 9:12

ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ኣማ̇ኒዝ ኣሳን ኢንታ̇ ሜቲን ጋርታ̇ፖ̇ ኢንታ̇ ኬሲ̇ዛ ሙታ ጊዳካ̇ይዶን ኣሳን ጾ̈ሳ̇ቦ ዎይሊን ጋላታ ሺሻ̈ምፔ̈ን ዎታ̈ሬ።

2 ቆሮ 9:2

ዪንቲ ማ̈ዳ̇ንዳብ ኢና̇ ዪንታ̇̇ብ ዎን ቴ ቤቂ̇ኔ ዪ̈ኮታ̇ቦ “ኣካ̇̈ዮ ኣሳን ሚ̈ሻ̈̇ባር ማ̈ዳ̇ንዳቦ ዚኔቤራፖ ኤ̈ር ጊ̈ጊንታ̇ር ዎ” ጋ̈ራ ሜቂዶ̈ና ኣሳንኮ ዪንታ̇ ባዝ ቴ ኬርፊኔ፤ ዪንቲ̇ ኣስ ማ̈ዳ̇ንዳብ ዎ ኢኒ̇ንዳ ዎይሊንን ዲንኔ።

2 ቆሮ 9:4

ሜቂዶ̈ና ካታሚን ጋርቶ ኣሳን ታባር ዎልኣ ዪንታ̇ክ ዬ̈ዚምባራ ዪንቲ̇ ጊ̈ጊንታካ̇ዮ ኣስ ማ̈ቃ̇ር ዎኮ ኑ ዪንታ̇̇ባር ኦቲርቂኖን ሜላ̇ ዓሪ ማ̈ቂ̇ን ኑ̈ናር ዪንታ̇̇ር ዎይ ዬ̈ልቂ̈ሬ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ቆላ̈ሳ̈ሳ 1:29

ታ̈ናር ዪኖ̇ ኦ̈ር ፎታንዳቦ ታባር ማ̈ቃ̇ር ኦ̈ዛ ክርስቶ̈ሲ ታ̈ብ ኢማ̇ዝ ዎልቂንባር ዋ̈ያ ዳ̈ቡራ̈ሬ።

1 ታሳ 4:10

ዪንቲ ማ̈ቂዶ̈ና ጋዳ̇ ዎ ኣሳን ዎይ ካሬ፤ ዎቲናካር ቴ ኢሺንታ̇ን! ኑ ዓት ዪንታ̇ ዞራዚንዳ ቲ̈ኖምፖ̇ ኣ̈ሪ ዪንቲ̇ ኢንታ̇ ካምፔ̈ኔ።