2 ቆሮ 7:8 - ኦራ ጫ̈ቃ ማጻ̈ፋ

⁸ ዓኒፖ̇ ቲ̈ን ቴ ዪንታ̇ብ ጻ̈ፊኖ ኪቲ̇ን ዪንታ̇ ኣዛ̇ንሲኔካሬ “ቴ ዪኖ̇ ኣባቦ ጻ̈ፋዶ̇ኔ?” ጋ̈ራ ኣዛ̇ናባሴ። ቴ ኣዛ̇ኒናካሬ ታ̈ና ኣዛንኖንዳ ቴ ዪንታ̇̇ብ ጻ̈ፊኖ ኪ̈ቲንዳ ጊላ̇ ጊዛብ ዪንታ̇̇ ኣዛንኖኮታ̇ቦ።

2 ቆሮ 7:8 ပူးပေါင်းရင်းမြစ်များ

ዋ̈ኒ̇ሳ 16:6

ዓት ዪኖ̇ ቴ ዪንታ̇ብ ሶ̈ሊኖኮታ̇ቦ ዪንታ̇ ቡ̈ዳ ጋርታ̇ ዪንቲ̇ ዎይሊን ሙዲዲኔ።

ዋ̈ኒ̇ሳ 21:17

ዓይዚ̈ ቶህ ዬሱ̈ሲ ኢ̈ኮ “ዋ̈ኒ̇ሳ ናኣ ሲሞ̈ኖ! ኔ ታ̈ና ካራ?” ጌይዴ። ጴ̈ጥሮ̈ሳር ዓይዚ̇ ቶህ ዬሱ̈ሲ ኢ̈ኮ “ኔ ታ̈ና ካ̈ራ” ጋ̈ሪ ኦይጪ̇ኖኮታ̇ቦ ፌ ቡ̈ዲንባር ኣዛ̇ናሪ ኢ̈ኮ “ጎዳ̈ዶ! ኔ ዎይ ባዝ ኤራ̈ሬ፤ ቴ ኔ̈ና ካዚን ኔ ኤራ̈ሬ” ጌይዴ። ዬሱ̈ሳር ኢ̈ኮ “ቴ ዶራን ዬ̈ጛቤ” ጌይዴ።

2 ቆሮ 7:11

ዪና ጾ̈ሲ ቆፊፌ̈ን ዪንታ̇ ዬሊ̇ኖ ኣዛኒንዳ ዎዛርፌ̈ኖ ሚ̈ንቲ፣ ዎዛርፌ̈ኖ ሶ̈ላር ኣማ̇ንንዳብ ማ̈ቂ̇ዝ ኤራ፣ ዎዛርፌ̈ኖ ጎይል፣ ዎዛርፌ̈ኖ ኢች፣ ዎዛርፌ̈ኖ ሹ̈ና፣ ዎዛርፌ̈ኖ ኮሻ ቂናታ̇፣ ናጋራ ጋልዳ ጾ̈ሲ ፊርዲን ቤቃ̇ንዳቦ ዎዛርፌ̈ኖ ኢና̇ ዪንታ̇̇ብ ኤሄይኖኮ ዪንቲ̇ ቤቂ̇ብቴ፤ ዪንቲ̇ ዪኒ̇ ጎይባራ ጌ̈ሻ̇ን ማ̈ቂ̇ኖን ዎይ ጎይባራ ዪንቲ̇ ማርኪሲኔ።

2 ቆሮ 7:12

ዪ̈ኮታ̇ቦ ቴ ዪንታ̇̇ብ ጻ̈ፊናካሬ ቴ ጻ̈ፊኖንዳ ዪንቲ̇ ኑ̈ና ዎዛርፌ̈ን ካ̈ርኮ ጾ̈ሳ̇ ቲ̈ን ዪንታ̇̇ብ ቤንታምፔ̈ን ጋ̈ርዶኬ ቴ ኢ̈ት ኦ̈ኔ ጋ̈ራ ዎይ ኢ ጋልዳ ኢ̈ት ኦ̈ንቲ̇ኖ ና̈ሳ̈ቦ ጋ̈ር ጊዳካ̇ዬ።

2 ቆሮ 7:6

ዎቲናካሬ ኣዛኒኖን ሚ̈ንዝ ጾ̈ሲ ቲ̈ታ ኑ̈ክ ዬይኖ ጎባራ ኑ̈ና ሚ̈ንዴ።

2 ቆሮ 7:7

ኑ ሚ̈ጚንቲ̇ኖንዳሬ ኢ ዬንቲ̇ምባር ሙታ̇ ጊዳካ̇ይዶን ዪንቲ̇ ኢያ ሚ̈ንኖን ኑ ሲስኪ̇ኖንቦ፤ ዪንቲ̇ ታ̈ና ሹኒቲኖንዲኬ ታ̈ብ ዎይሊን ኣዛ̇ኒ ቆፒ̇ሙታ ዎን ኢ ታ̈ብ ሶ̈ሊን ሲስካ̈ራ ቲ̈ኖምፖ̇ ሺ ጴች ኡፋይታ̇ዴ።

2 ቆሮ 7:9

ዓት ዎቲናካሬ ቴ ኡፋይቲ̇ኔ። ቴ ኡፋይቲ̇ኖንዳ ቴ ዪንታ̇̇ ኣዛንኖን ጊሻ̇ብ ጊዳካ̇ይዶን ኣዛኒንዳ ዪንቲ̇ ማ̈ሪቲ ጌላሪ ላ̈ሚንታ̇ምፔ̈ን ዎቲኖንኮታ̇ቦ። ዪዚ ዪንታ̇ ኣዛኒ̇ንዳ ጾ̈ሳ̇ ቆፊፌ̈ን ማ̈ቂ̇ኖኮታ̇ቦ ኑ̈ኒ ዪንታ̇ ባላካ̇ዬ።

ሳጻ 3:19

ታ̈ኒ ቴ ዶሲዝ ናኣን ዎይ ጎይላ̈ሬ፤ ዓጋ̇̈ሬ፤ ዪ̈ኮታ̇ቦ ኔ̈ኒ ሚ̈ጛቤ፥ ማ̈ሪቲ ጌላቤ።