2 ቆሮ 7:7 - ኦራ ጫ̈ቃ ማጻ̈ፋ

⁷ ኑ ሚ̈ጚንቲ̇ኖንዳሬ ኢ ዬንቲ̇ምባር ሙታ̇ ጊዳካ̇ይዶን ዪንቲ̇ ኢያ ሚ̈ንኖን ኑ ሲስኪ̇ኖንቦ፤ ዪንቲ̇ ታ̈ና ሹኒቲኖንዲኬ ታ̈ብ ዎይሊን ኣዛ̇ኒ ቆፒ̇ሙታ ዎን ኢ ታ̈ብ ሶ̈ሊን ሲስካ̈ራ ቲ̈ኖምፖ̇ ሺ ጴች ኡፋይታ̇ዴ።

2 ቆሮ 7:7 ပူးပေါင်းရင်းမြစ်များ

ማ̈ቶ̈ሳ 26:75

ጴ̈ጥሮ̈ሳሬ ዬሱ̈ሲ ኢ̈ኮ “ኩቶ ኦ̈ላ̇ካ̇ይዶ̈ን ዓይዚ̇ ቶህ ኔ ታ̈ና ካ̈ዳዝዳ” ጌይኖን ኢ̈ክ ኤልቅ ጋ̈ዴ። ኢናፖ̇ ዛ̈ና ኬ̈ስካ̇ሪ ሲክ̇ ሲክ̇ ጌዪ ዬ̈ኪ̇ዴ።

ማ̈ቶ̈ሳ 5:4

ኣዛ̇ኒዛን ጾ̈ሳ̇̇ ኢንታ̇ ሚን̈ዛኮታ̇ቦ፥ ኢንቲ̇ ኣንጂንቲኖን።

ሉቃ̈ሳ 22:44

ኢ ዎይሊን ጫናቂንታ̇ሪ ሚ̈ጛር ዎ̈ሲ̇ዴ። ዪና̇ ኢዝባራ ኢ ጫዊንዳ̇ ሱ̈ፌ̈ን ሳ̈ዳ̇ ጾኪ ኤ̈̇ዴ።]

ሃዋ̈ራታን ኦ̈ሳ 11:23

ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።

ሮሜ 1:12

ዪና̇ ታ̈ኒ ጋ̈ዚንዳ ታ̈ኒ ዪንታ̇ ኣማ̇ኒንባራ ዪንታ̇ር ታ ኣማ̇ኒንባራ ዎልዎልኣ ሚ̈ንምፔ̈ኔ።

1 ቆሮ 5:2

ዪዚ ዪንታ̇ ጊዳ̇ ዓ̈ፌን ኣስ ዬሊ̇ዝ ባዚ ዶኣምባራ ዪንታ̇ ኦቲርሳ̇ዚን ኣብዛ? ዓኒ̇ፌ̈ኖ ባዚምቦ ዪንቲ̇ ሙርማ̇ንዳ̇ብ ኮሺ̇̈ባ̈ሳ? ዪኒ̇ፌኖ ኦ̈ሲን ኦ̈ኖ ና̈ሳ ዪንታ̇ ጊዳ̇ፖ̇ ኢያ ኣባቦ ኬሲ ፋይካ̇ይ ኣቲ̇ቴ?

2 ቆሮ 1:4

ኑ̈ኒ ጾ̈ሲ ኑ̈ብ ኢማ̇ዝ ሚ̈ንምባራ ሜታ ጋርታ ዎን ዎይ ሚ̈ንምፔን ጾ̈ሲ ኑና ኑ ሜቲን ዎይምባራ ሚ̈ንሬ።

2 ቆሮ 2:9

ቴ ዪንታ̇̇ብ ጻ̈ፊኖንዳ ዪንቲ̇ ዎይ ባዝባራ ኤኤ ጋ̈ር ኪ̈ቲንቲ̇ዝ ኣስ ማ̈ቂ̇ኖን ማላ̇ር ቤቃ̇ንዳቦ።

2 ቆሮ 5:2

ኑ̈ኒ ጾ̈ሲ ኢማ̇ዝ ኣፎ ጋሊ̇ን ማኣንዳቦ ሹ̈ናባር ዳ̈ቡራር ና̈ጊ ዎ።

2 ቆሮ 7:6

ዎቲናካሬ ኣዛኒኖን ሚ̈ንዝ ጾ̈ሲ ቲ̈ታ ኑ̈ክ ዬይኖ ጎባራ ኑ̈ና ሚ̈ንዴ።

2 ቆሮ 7:8

ዓኒፖ̇ ቲ̈ን ቴ ዪንታ̇ብ ጻ̈ፊኖ ኪቲ̇ን ዪንታ̇ ኣዛ̇ንሲኔካሬ “ቴ ዪኖ̇ ኣባቦ ጻ̈ፋዶ̇ኔ?” ጋ̈ራ ኣዛ̇ናባሴ። ቴ ኣዛ̇ኒናካሬ ታ̈ና ኣዛንኖንዳ ቴ ዪንታ̇̇ብ ጻ̈ፊኖ ኪ̈ቲንዳ ጊላ̇ ጊዛብ ዪንታ̇̇ ኣዛንኖኮታ̇ቦ።

2 ቆሮ 8:16

ቴ ዪንታ̇̇ብ ቆፓ̇ዚንዲፌ̈ኒ ቲ̈ታ̇ሬ ዪንታ̇̇ብ ፌ ቡ̈ዳ ጋርታፖ̇ ቆፓ̇ምፔ̈ን ዎቲኖ ጾ̈ሳ̇̇̈ቦ ጋላቲ ዬሎ̇።

ፊል 1:20

ታ̈ኒ ውርሳ ዬልቃባሴ ጌያ ታስፋ̈ ጋዳ̇ር ና̈ጋ̈ሬ፤ ዎቲናካሬ ክርስቶ̈ሲ ዓኒ̇ፖ ቲ̈ን ታ ኣሲቲን ጋልዳ ቦንቺንቲ̇ኖንዲፌ̈ኒ ዓታ̇ር ማ̈ቂ̇ን ቴ ሼምፓባር ዶኢናር ዓይቂ̇ናካር ኢ ታጋልዳ ቦንቺንቲ̈ሬ ጌያ ኢ̈ጫካይ ሶ̈ላ̈ሬ።

ቆላ̈ሳ̈ሳ 2:5

ታ̈ኒ ዓት ዪንታ̇ ጋርታ̇ ኢና ዪንታ̇ባር ባዪካሬ ቆፊባር ዪንታ̇ባር ዎ፤ ዪንቲ ጾ̈ሳ̇̇ ቃ̈ሊን ኪ̈ታ̇ዚንዲፌ̈ኒ ዎቲሙታ̇ኬ ክርስቶ̈ሳባር ዪንታ̇ብ ዎ ኣማ̇ኒንባር ሚ̈ጛር ኤቂ̇ኖን ቤቃ̇ራ ታ̈ኒ ኡፋይቲ̇ኔ።

1 ታሳ 3:6

ዎቲናካር ዓት̇ ጢማ̈ቶ̈ሲ ዪንታ̇ካፖ ማ̈ቂ̇ ዬ̈ሪ ዪንታ̇ ኣማ̇ኒን ጎይኬ ዪንታ̇ ካን ጎይ ኑ̈ና ኡፋይሲ̇ዝ ባዝ ኑ̈ብ ሶ̈ሊኔ፤ ማ ዎይ ጋ̈ላስ ኑ̈ና ኮሽባር ቆፓ̇ዚንዲኬ ኑ ዪንታ̇ ቤቃ̇ንዳቦ ሹ̈ኒታዚንዲፌ̈ኒ ዪንታ̇ር ኑ̈ና ቤቃ̇ንዳብ ሹ̈ኒታዚንዶ ኢ ኑ̈ብ ሶ̈ሊኔ።

1 ታሳ 3:8

ዪንቲ ጎዳ̈ ዬሱሳባር ሚ̈ጛር ዎኮታ̇ቦ ኑ̈ናር ሼምፓባር ዎ።

ኢብ 2:1

ዪ̈ኮታ̈ቦ ኑ ሲስኪ̇ኖ ኪን ቲሚርቲ̇ን ጋልዳፖ ሾርት ጋ̈ር ኬዳካ̇ዮ̈ዲፌ̈ን ኑ ሲስኪ̇ኖ ባዛን ኮሺንቻ̇ር ና̈ጋንዳብ ኮሺ̇̈ሬ።

ዓይ 5:17

ኤላ̈ሲ ኑፌ̈ን ኣስዶሪ፥ ኢሪ ኬዳካ̇ይፌ̈ኒ ሚ̈ጛር ዎ̈ሲ̇ን ሳ̈ዝ ጋልዳ ኢሪ ኬዳካ̇ይሙታ̇ ዓይዚ̇ ላይኬ̈ ባጋ̇ክ ዶኢኔ።

2 ዋ̈ኒ̇ 1:4

ኔ ናኣን ጋርታፖ ፔታ̇ን ፔታ̇ናን ጾ̈ሳ̇ ኑ̈ና ኪ̈ቲ̇ኖንዲፌ̈ኒ ኪን ጎይንባር ዬሙታ ዎኮታ̇ቦ ታ̈ና ች ኡፋይሲ̇ኔ።

ዪሁ 1:3

ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።