2 ቆሮ 7:4 - ኦራ ጫ̈ቃ ማጻ̈ፋ

⁴ ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።

2 ቆሮ 7:4 ပူးပေါင်းရင်းမြစ်များ

ሃዋ̈ራታን ኦ̈ሳ 5:41

ሃዋ̈ራታንሬ ዬሱ̈ሳ ሱምባራ ሜታ ኤካ̇ምፔ̈ኒ ጾ̈ሲ̇ ኢንታ̇ ማራ̇ጺኖኮታ̇ቦ ኡፋይቲ̇ሙታ̇ዶ̈ር ኣሳ ሺ̈ቂኖ ቤሳፖ̇ ኬስኪ ሉኪ̇ዴ።

ሮሜ 5:3

ዪ̈ባር ሙታ̇ ጊዳካይዶን ኑ̈ና ዬላ̇ዝ ሜቲንባራር ኡፋይቲ̇̈ሬ፥ ኣባ ጌይን ሜታ ጋርታ̇ፖ ጋርዢቺ̇ ቤንታ̇ዚንዶ ኑ̈ኒ ኤሪ̈ሬ፤

1 ቆሮ 1:4

ጾ̈ሳ̇ዲ ዬሱ̈ስ ክርስቶ̈ሳ ጎዪባራ ዪንታ̇̇ብ ኢሚ̇ኖ ኣያ̇ና ኪልሲንኮታ̇ቦ ታ̈ኒ ዎይ ጋላስ ጾ̈ሳ̇̇ ጋላታ̈ሬ።

2 ቆሮ 1:4

ኑ̈ኒ ጾ̈ሲ ኑ̈ብ ኢማ̇ዝ ሚ̈ንምባራ ሜታ ጋርታ ዎን ዎይ ሚ̈ንምፔን ጾ̈ሲ ኑና ኑ ሜቲን ዎይምባራ ሚ̈ንሬ።

2 ቆሮ 10:8

ጎዳ ኑ̈ብ ኢሚ̇ኖ ሲልጣ̈ኒምቦ ዎይሊን ኬርፌጌይናሬ ታ̈ና ዬ̈ሊ̇ባሴ፤ ዪና̇ ሲልጣ̈ኒንዳ ኑ̈ብ ኢሚ̇ንቲ̇ኖንዳ ዪንታ̇ ሚ̈ንንዳብዶኬ ዪንታ̇ ላ̈ላ̇ንዳብ ጊዳካ̇ዬ።

2 ቆሮ 11:21

ታ̈ና ዬ̈ሊ̇ዝ ባዝ ማ̈ቄ̇ጌይናሬ ቴ ዪንታ̇̇ብ ሶ̈ላዚንዳ፥ ዪን ባዛን ኦ̈ንዳቦ ኑ̈ኒ ዳንዳኢዝ ኣስ ጊዳካ̇ዬ። ኦ̈ናካሬ ኬርፋንዳቦ ኮዬ̈ጌይን ታ̈ናር ኢፌ̈ን ዬ̈ልቃካ̇ይ ኬርፋንዳ፤ ዪና ታ ጋዚንዳ ዓታ̇ር ቦዛፌ̈ን ማ̈ቃ̇ር ሶ̈ላ̈ሬ።

2 ቆሮ 2:14

ዎቲናካሬ ኑ̈ና ዎይ ጋላስ ክርስቶ̈ሳባር ጋሚዝ ኣስ ማሃር ቲ̈ኒዛ̈ብኬ ኮሽ ሳዉቂ̇ዝ ሺታ̇ፌ̈ን ክርስቶ̈ሳ ባዝ ኑ ኤራዚን ዎይ ዎይ ቤስ̇ ዬልምፔ̈ን ኑ̈ና ማ̈ዲ̇ዝ ጾ̈ሳ̇̇̈ቦ ጋላቲ ዬሎ̇።

2 ቆሮ 3:12

ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ።

2 ቆሮ 7:14

ቴ ዪንታ̇̇ባር ኬርፋሙታ̇ ዎን ቴ ቲ̈ታ̇ብ ሶ̈ሊኔ፤ ዪንታ̇ር ታ̈ና ዬ̈ሊ̇ካዬ፤ ዎይ ጋላስ ኑ ዪንታ̇̇ብ ኪንን ሶ̈ሊ̈ሬ ዪ̈ዳሬ ኑ ዪንታ̇ ባዝ ቲ̈ታ̇ብ ሶ̈ሊኖ ኬራፊንዳ ኪን ማ̈ቂ̇ኖን ኤሪንቲ̇ኔ።

2 ቆሮ 8:24

ዪ̈ኮታ̇ቦ ዪንታ̇ ካንን ኢንታ̇ብ ቤይሲብቴ፤ ዪኒባራ ዪንታ̇ ካንዲኬ ኑ ዪንታ̇ ጋልዳ ኦቲርቃዚን ሜላ̇ ባይ ማ̈ቂ̇ኖን ዎ̈ሳ ኬ̈ን ኤርሲብቴ።

ፊል 1:14

ታ̈ኒ ቃ̈ቺንቲኖን ጎይባራ ዬሱ̈ሳ ኣማ̇ኒኖ ኣሳን ጋርታ̇ፖ ዎይሊንን ዎጛሊን ኢ̈ጫካ̇ይ ሶ̈ላንዳቦ ቲ̈ኖንፖ ሺ ሚ̈ጚንቲ̇ኔ።

ፊል 1:20

ታ̈ኒ ውርሳ ዬልቃባሴ ጌያ ታስፋ̈ ጋዳ̇ር ና̈ጋ̈ሬ፤ ዎቲናካሬ ክርስቶ̈ሲ ዓኒ̇ፖ ቲ̈ን ታ ኣሲቲን ጋልዳ ቦንቺንቲ̇ኖንዲፌ̈ኒ ዓታ̇ር ማ̈ቂ̇ን ቴ ሼምፓባር ዶኢናር ዓይቂ̇ናካር ኢ ታጋልዳ ቦንቺንቲ̈ሬ ጌያ ኢ̈ጫካይ ሶ̈ላ̈ሬ።

ፊል 1:26

ታ̈ኒ ዪንታ̇ክ ማ̈ቃ̇ራ ሉኪ̇ኖ ጋላሲ ቴ ጊሻ̇ቦ ዪንታ̇ ኡፋይሲ̇ንዳ ዬሱ̈ስ ክርስቶ̈ሳባራ ዎይላ̈ሬ።

ፊል 2:17

ዪንቲ ኣማ̇ኒኖኮታ̇ቦ ጾ̈ሳ̇̇̈ቦ ሺሻ̈ዝ ዣ̈ርሺን ጋልዳኬ ዪንቲ̇ ኢ̈ብ ኦ̈ዝ ኦ̈ሲን ጋ̈ልዳ ቴ ሼምፒ̇ንዳሬ ጉ̈ጂንታር ዣ̈ርሻ ማ̈ቃ̇ርካሬ ቴ ዪንቲ ዎይንባራ ዎልኣ ኡፋይታ̇̈ሬ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

1 ታሳ 2:19

ዪዚ ኑ ታስፋን ዎይ ኑ ኡፋይሳ̇ን ዎይ ክርስቶ̈ሲ ዬይኖ ቃም ኢ ቲ̈ንን ጋርታ ኑ̈ ቦንቻን ኦ̈ኖ? ዪንቲ ጊዳካ̇ያ?

1 ታሳ 2:2

ዪንቲ ኤራዚንድፌ̈ኒን ዓኒ̇ፖ ቲ̈ን ኑ̈ኒ ፊልጲሶ̈ሳ ካታሚን ጋርታ ዎ ኬሊ̇ንባራ ዎይሊን ሜታኬ ቆ̈ሳክ ኑ̈ና ዬሊ̇ኔ፤ ጴች ዳሲ̇ ኑ̈ና ዬሊ̇ናካሬ ታሳሎንቃ ሉካ̇ሪ ጾ̈ሳ̇ ዎጛሊን ዪንታ̇ብ ማርኪታምፔ̈ኒ ጾ̈ሳ̇̇ ኑ ቡ̈ዲን ሚ̈ንኔ።

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

ፊልሞ̈ና 1:7

ቴ ኢሻዶ! ኔ̈ኒ ኣማ̇ኒኖ ኣሳንሲ ኡፋይሲ̇ኖኮታ̇ቦ ኔ ካንንዳ ታ̈ቦ ጴ̈ች ኡፋይስኬ ሚ̈ንቲ ኢሚ̇ኔ።

ዓይ 1:2

ቴ ኢሺንታ̇ን! ዪንታ̇ ኣማ̇ኒ̇ን ፋ̈ጪ̇ ቤቃ̇ንዳ ጋ̈ሪ̈ ዱማ ዱማ ሜታኬ̈ ኢ̈ት ባዝ ዪንታ̇ ጋልዳ ዬ̈ምባራ̈ ኢዞ ኡፋይስባር ኤኪ̇ብቴ̈።