2 ቆሮ 7:10 - ኦራ ጫ̈ቃ ማጻ̈ፋ

¹⁰ ጾ̈ሳ̇ፖ̇ ማ̈ቂ̇ኖ ኣዛኒ ፋቲ ጎይ ዬልዝ ማ̈ሪቲብ ዬል̈ሬ፤ ኢዝ ጋርታ “ዓና ኣባብ ማ̈ቃ̇ዶ̇ኔ?” ጌይዝ ኣዛ̇ኒ ዶኢባ̈ሴ። ጾ̈ሳ̇̇̈ፖ ማ̈ቃካ̇ዮ ኣዛ̇ኖ ዓይቃ ኤሄይሬ።

2 ቆሮ 7:10 ပူးပေါင်းရင်းမြစ်များ

ማ̈ቶ̈ሳ 26:75

ጴ̈ጥሮ̈ሳሬ ዬሱ̈ሲ ኢ̈ኮ “ኩቶ ኦ̈ላ̇ካ̇ይዶ̈ን ዓይዚ̇ ቶህ ኔ ታ̈ና ካ̈ዳዝዳ” ጌይኖን ኢ̈ክ ኤልቅ ጋ̈ዴ። ኢናፖ̇ ዛ̈ና ኬ̈ስካ̇ሪ ሲክ̇ ሲክ̇ ጌዪ ዬ̈ኪ̇ዴ።

ሉቃ̈ሳ 15:10

ዪና̇ ኢዝፌ̈ኒ ፔቲ̇ ናጋራንቻ ኣሲ ማ̈ሪቲ ጌሌጌይን ጾ̈ሳ̇̇ ኪ̈ታንቻን ቲ̈ን ኡፋስ̇ ማቂ̇̈̇̈ሬ” ጌይዴ።

ሉቃ̈ሳ 18:13

ቃራጻ ቃጺሲዛ̈ዲ ፋራሳ̈ዋፖ̇ ጌዳ ጎት ኤቃ̇ሪ ሜላ ኣቲ̇ን ፉዳ ኣፋ ሾክ ጋ̈ር ቤቃ̇ንዳብ ኢ̈ጫ̇ሪ ፌ ቲሪን ቆጺ̇ ሙታ̇ዶ̈ሪ ‘ጾ̈ሶ̇! ታ̈ና ናጋራንቻ̇ ኔ ማ̈ራቤ’ ጌይዴ።

ሃዋ̈ራታን ኦ̈ሳ 11:18

ዪኖ̇ ሲስኪ̇ኖፖ̇ ዓኒ ኢንታ ጌይዝ ባዚ ዪን ዚም ጌይዴ “ዪዚ ጾ̈ሲ ኣይሁድ ባዮ̇ንባሬ ኦራ ሼምፓብ ዬልዝ ማ̈ሪቲ ኢሚ̇ኔ” ጋ̈ሪ ጾ̈ሳ̇ ጋላቲዴ።

ሃዋ̈ራታን ኦ̈ሳ 3:19

ዪዚ ዪንታ̇ ናጋራ̈ ዪንታ̇ቦ̈ ኣቶ̇ ጌዪንታ̇ምፔ̇̈ንኬ ጎዳ ዪንታ̇ ማ̈ዲ̇ዝ ላይ ዬ̈ምፔ̈ኒ ማ̈ሪቲ ጌላር ጎዳ̈ክ ማ̈ቂ̇ብቴ።

2 ቆሮ 12:21

ማ̈ቃ̇ር ቴ ዪንታ̇̇ክ ዬ̈ዚምባ̇ራ ቴ ጾ̈ሳ̇ዲ ዪንታ̇ ቲ̈ን ታ̈ና ዬ̈ሊ̇ንዳዶ̈ኔ ጌያ ኢጫ̇̈ሬ፤ ዓኒፖ̇ ቲ̈ን ናጋራ ኦ̈ሪ ዪና̇ ፌ ኦ̈ኖ ቄ ባዚምቦ፣ ኦሎ̇ሊንቤኬ ዲርጊሲምቦ ማ̈ሪቲ ጌላካ̇ዮ ዎይሊን ኣሳን ጊሽ̇ ታ̈ና ኣዛንዝዳ ጌያ ኢ̈ጫ̇̈ሬ።

2 ቆሮ 7:9

ዓት ዎቲናካሬ ቴ ኡፋይቲ̇ኔ። ቴ ኡፋይቲ̇ኖንዳ ቴ ዪንታ̇̇ ኣዛንኖን ጊሻ̇ብ ጊዳካ̇ይዶን ኣዛኒንዳ ዪንቲ̇ ማ̈ሪቲ ጌላሪ ላ̈ሚንታ̇ምፔ̈ን ዎቲኖንኮታ̇ቦ። ዪዚ ዪንታ̇ ኣዛኒ̇ንዳ ጾ̈ሳ̇ ቆፊፌ̈ን ማ̈ቂ̇ኖኮታ̇ቦ ኑ̈ኒ ዪንታ̇ ባላካ̇ዬ።

ኢብ 12:17

ዎሃ ማ̈ቃ̈ሪ ኤ̈ሶ ኣንጃ ኤካ̇ንዳ ኮዪን ካዪንቲ̇ኖን ዪንቲ ኤሪ̈ሬ፤ ዬኪ̇ሙታዶሪ ኮዪናር ዲጛንዳብ ዳንዳኣካዬ፤ ማ̈ሪቲ̇ር ጌላንዳብ ኢ̈ብ ማ̈ቃካ̇ይዬ።