2 ቆሮ 7:1 - ኦራ ጫ̈ቃ ማጻ̈ፋ

¹ ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

2 ቆሮ 7:1 ပူးပေါင်းရင်းမြစ်များ

ማ̈ቶ̈ሳ 12:33

ዬሱ̈ሲ ኢንታ̇ኮ “ሚ ዎይ ፌ ካጻ̇ዝ ኣ̈ፊ̈ምባር ኤሪንቲ̇ዛኮታ̇ቦ ኮሽ ሚ ዪንታ̇ብ ዎኮ ዪንቲ̇ ኮሽ ኣ̈ፍ ዲጚ̈ሬ፤ ኢ̈ት ሚ ዪንታ̇ብ ዶኤጌይን ዪንቲ̇ ኢ̈ት ኣ̈ፍ ዲጚ̈ሬ።

ማ̈ቶ̈ሳ 5:48

ዪ̈ኮታ̇ቦ ኣፎ ዪንታ̇ ባ̈ባ̈ዲ ዉርሲ ማዛ ኢ ጋልዳ ባዮ̇ንዲፌ̈ኒ፥ ዪንታ̇ሬ ዉርሲ ዪንታ ̇ጋልዳ ማዛ ባዮ̇ ኣስ ማ̈ቂ̇ብቴ።

ማ̈ቶ̈ሳ 5:8

ቡ̈ዳ ጌ̈ሽ ማ̈ቂ̇ኖን፥ ኢንቲ̇ ጾ̈ሳ̇̇ ቤቂ̇ዛኮታ̇ቦ ኣንጂንቲኖን።

ሃዋ̈ራታን ኦ̈ሳ 9:31

ዪና̇ ኢዝባራ ይሁዳ፣ ጋሊላኬ ሳማ̈ራ ዎ ኣማ̇ኒኖ ኣሳን ሳሪቲ ዲጚዴ፤ ሚ̈ጚዴ፤ ማ ጾ̈ሳ̇̇̈ቦ ኢ̈ጪ̇ሙታ̇ ጾ̈ሳ̇ ቦንቺ̇ ጌ̈ሻ̇ ኣያ̇ናባር ሚ̈ጚሙታ̇ ኣሳር ኢንታ ጋልዳ ጉጂንቲ̇ሙታ̇ ዬይዴ።

ሮሜ 5:20

ናጋራ ዎይላምፔ̈ኒ ሂጋ̇ ዬይዴ፤ ዎቲናካሬ ናጋራ ዎይሊሙታ ሉካ̇ምባራ ጾ̈ሳ̇ ካን ኢዝፖ ሺ ዎይሊዴ።

1 ቆሮ 6:20

ኢ ዪንታ̇ ዋጋ ጪጋ̇ሪ ዎጚኔ፤ ዪ̈ኮታ̇ቦ ዪንታ̇ ኣሲቲንባራ ጾ̈ሳ̇ ቦንቺ̇ብቴ።

2 ቆሮ 1:20

ጾ̈ሲ ኑ̈ብ ኢሚ̇ኖ ታስፋ ቃ̈ላ ዎይ “ኣዓ” ማ̈ቃ̇ዚንዳ ክርስቶ̈ሳ ጎይባራ፤ ኑ̈ናሬ ጾ̈ሳ̇ ቦንቻ̇ብ ክርስቶ̈ሳ ሱምባር “ኣሚንኤ” ጋ̈ዚንዳ ዪኒ̇ኮታ̇ቦ።

ኤፍ 2:3

ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

1 ታሳ 4:7

ጾ̈ሲ ኑ̈ና ጼይጊ̈ኖዲ ኑ̈ኒ ጌ̈ሺቲባር ዶኣንፔ̈ንዶኬ ና̈ጋራ ኦ̈ሙታ ዶኣምፔ̈ን ጊዳካ̇ዬ።

1 ታሳ 5:23

ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ።

ኢብ 12:23

ኢንታ ሱ̈ምን ኣፋ ጻ̈ፊንቲኖን ዎል ፔቲ̇ ቤስ̇ ሺ̈ቂኖ ኡስ̇ ናኣን ሺ̈ቂንኮ፥ ማ ዎይ ፊርዲዛ ጾ̈ሳ̇̈ኬኬ ኢንታ ጋልዳ ማዛ ባዮ̇ ኣፋ ዎ ጌ̈ሽ ኣሳንኮ ኡኪ̇ኔ።

ኢብ 12:28

ዪዚ ኑ̈ኒ ኤንኢባሶ ካ̈ቲቲን ኤኪዛኮታቦ ጾ̈ሳ̇̈ ጋላቲስቶ፤ ኢያ ኡፋይሲዝ ጎይባራ ኢያ ቦንቺሙታ ኢ̈ችባር ኢ̈ብ ኦ̈ስቶ።

ኢብ 4:1

ዪ̈ኮታ̇ቦ ኢ ኑ̈ብ ኢማ̇ንዳ ጌይኖ ሼምፓ̇ዝ ቤሲ̇ን ጋርታ ኑ ጌላዚን ኤሪንቲ̇ኖባዝ ማ̈ቂ̇ኖኮታ̇ቦ ዪንታ ጋርታፖ ኦ̈ናካር ቤስ̇ ኢና ጌላካ̇ይ ኣታካ̇ይፌ̈ን ኑ ኑ̈ና ና̈ጊስቶ።

ኢብ 6:9

ቴ ላጋ̇ን! ኑ̈ኒ ዪኒ̇ፌ̈ኒ ዪንታ̇ክ ሶ̈ሊናካሬ ዪንታ̇ ፋቲምቦ ማ̈ቂ̇ዝ ጴች ባዝ ዪንታ̇ብ ዎን ኑ ኤሪ̈ሬ።

ዓይ 4:8

ዪንቲ̇ ጾ̈ሳ̇̇̈ኮ ኡኪ̇ብቴ̇፤ ኢያሬ̈ ዪንታ̇ኮ ኡኪ̇̈ሬ። ናጋራንቻ̇ን! ዪንቲ̇ ናጋራ ኦ̈ዚን ኣሺ̇ብቴ̇። ናምኢ ቆፊባር ጌዳክ ዓኒክ ጌይዛን! ዪንታ̇ ቡ̈ዲ̇ን ጾ̈ሳ̇̇̈ክ ማ̈ሂብቴ̇።

1 ጴጥ 1:15

ዪንታ̇ ጼይጊኖ ጾ̈ሳ̇ ጌ̈ሽ̇ ማ̈ቂ̇ኖንዲፌ̈ኒ ዪንታ̇̈ሬ ዪንታ̇ ዶኢንባራ ዎይ ጌ̈ሽ̇ ኣስ ማ̈ቂ̇ብቴ፤

1 ጴጥ 1:17

ኦ̈ናካር ሾኪ̇ ዪርኪ̇ ዎታካ̇ይ ዎይንቦ ኢንታ ኦ̈ሲንዲፌ̈ን ኢሚ̇ዝ ጾ̈ሳ̇ “ኑ ባ̈ባ” ጌይ ጼይጊ̈ርኮ ዓኒ̇ ኣላሚን ጋ̈ልዳ ዛቃ̇ኬ ቤት ማ̈ቃ̇ሪ ዶኢ̈ርዶሪ ኢ̈ብ ኢ̈ጫ̇ር ዶኢብቴ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።

1 ጴጥ 2:11

ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

1 ዋ̈ኒ̇ 1:9

ኑ̈ኒ ኑ ናጋሪን ቡ̈ጼጌይን ኢ ኣማን̇ቲኖ̈ድኬ ጺ̈ላ ማ̈ቂ̇ኖኮታቦ ኑ ና̈ጋሪን ዎይ ኑ̈ቦ ኣቶ̈ ጌ̈ዪሬ፤ ኑ ባሊንዳር ኑ ጋልዳፖ ሜጫ̇ር ጌሺ̇̈ሬ።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።