2 ቆሮ 5:8 - ኦራ ጫ̈ቃ ማጻ̈ፋ

⁸ ኑ̈ኒ ሳ̈ዝ ጋልዶ ኑ ኣይሺ̇ን ጋልዳፖ̇ ፋጊንታ̇ሪ ጎዳ̈ባር ዶኣንዳ̇ቦ ኢኒ̇ቲ̈ሬ፤ ዪ̈ኮታ̈ቦ ኑ̈ኒ ኣማ̇ኒንታ̇ር ዶኢ̈ሬ።

အခန်းကိုကြည့်ပါ။ ကော်ပီ

2 ቆሮ 5:8
22 ပူးပေါင်းရင်းမြစ်များ

“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።

“ኢ ላ̈̈ዲ ኢ̈ኮ ‘ዎይኣ! ኔ̈ኒ ኣማ̇ኒንቲኖ ኮሻ̇ ኣሽካራ። ኔ̈ኒ ጊላ̇ ባዛቦ ኣማ̇ኒንቲ̇ኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ፤ ዓይ ዬ̈ራ ኔ ላ̈ባር ዎልኣ ኡፋይታንዳብ ዓይ ጌላቤ!’ ጌይዴ።

“ጎዳ̈ዶ! ኔ ታ̈ብ ሶ̈ሊኖ ቃ̈ሊን ፎቲንታ̇ዴ፤ ዪዚ ዓት ኮሽባር ታ̈ና ኔ̈ክ ኤካ̇ቤ።

ታ̈ብ ኦንዳብ ኮይዝ ኣሲ ዎኮ ቴ ዎሂን ዬጋ̈ቤ፤ ታ̈ብ ኦ̈ዝ ና̈ሳዲ ቴ ዎ ቤሲ̇ን ኢና ዶኢ̈ሬ፤ ታ̈ብ ኦ̈ዛ̈ዳ ቴ ባ̈ባ ኢያ ቦንቺ̇̈ሬ።

ቴ ሉካ̇ራ ቤሲ̇ ጊ̈ጊ̇ሲኖፖ̇ ዓኒ ዪንታ̇ክ ማ̈ቃ̇ ዬ̈ንዳ̇፤ ማ̈ቃ̇ ዬ̈ራ ዪንቲ̇ ታባር ዎልኣ ዶኣምፔ̈ኒ ቴ ዎ ቤሲ̇ን ዪንታ̇ ኤካ̇ ሉካ̇ንዳ̇።

“ቴ ባ̈ባ̈ዶ! ዓን ኔ ታ̈ብ ኢሚ̇ኖ ኣሳን ቴ ዎ ቤስ̇ ኢንቲ ዬ̈ምፔ̈ንኬ፥ ዓና ሳ̈ዚን ኮቺ̇ንታካይዶን ኔ ታ̈ና ካኖኮታ̇ቦ ታ̈ብ ኢሚ̇ኖ ቦንቺ̇ን ቤቃምፔ̈ን ኮያ̈ሬ።

ዎቲናካሬ ጳውሎ̈ሲ ኢንታ̇ኮ “ዪንቲ ዓ̈ፌ̈ን ዬ̈ኪ̇ሙታ̇ ታ̈ና ኣባብ ኣዛን̈ራ? ታ̈ኒ ጎዳ ዬሱ̈ሳ ጊሻ̇ቦ ዬሩሳ̈ላም ጋዳ̇ ቃቺንቲ̇ዛ ሙታ̇ ጊዳካ̇ይዶን ዓይቃ̇ንዳብ ጊ̈ጊንቲ̇ኔ” ጋ̈ሪ ማሂዴ።

ኑ ኣይሺ̇ንባር ዓይቃካ̇ይ ዎ ኬል̇ባር ኑ̈ኒ ጎዳ ጋልዳፖ̇ ጎታ̇ር ዎን ኤሪናካሬ ዎይ ጋላስ ኑ ኢባር ኣማ̇ኒንቲ̇̈ሬ።

ዓና̇ ሳ̈ዶ ኑ ኣይሺ̇ንባራ ኑ ዶኢናር ዎይ ኢዝ ጋልዳፖ̇ ፋጊንቲናካሬ ኑ̈ኒ ጎዳ ኡፋይሳ̇ንዳብ ሙታ̇ ቆፒ̈̇ሬ።

ታ ላጋ̇ን! ኑ̈ኒ ዓት ጾ̈ሳ̇ ናኤ። ዓኒ̇ፖ ጌዳ ኑ̈ኒ ኣብዝ ማ̈ቂ̇̈ርኮ ኤሪንታካ̇ዬ፤ ዎቲናካሬ ክርስቶ̈ሲ ዬ̈ዚምባራ ኑ̈ኒ ኢ ማ̈ልኪ̈ን ኢዞ ቤ̈ቂ̇ዛኮታ̈ቦ ኑ̈ናር ኢያ ማይጻዚን ኑ ኤሪ̈ሬ።

ዪዚ ዓኒ̇ፖ ጌዳ ኣባካር ባ̈ዲ ዶኢባ̈ሴ፤ ጾ̈ሳ̇ዳኬ ዶራ̈ ዙፋ̈ናዲ ካታሚን ጋርታ ዶኢ̈ሬ፥ ኢ ኦ̈ሽካራንር ኢ̈ብ ኦ̈ሬ።

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ