7 ኑ ዶኣዚን ኣማ̇ባርዶኬ ኣ̈ፍባር ቤቃ̇ር ጊዳካ̇ዬ።
ዓት ኑ̈ኒ ዲል̇ ጌይኖ ማስቶ̈ታ ጋርታ ኑ ኑ̈ና ቤቃ̇ዚንዲፌ̈ን ቤቂ̈̇ሬ። ዎቲናካሬ ጊዳክ ዪና̇ ኢዝባራ ፋላ̇ጋል ቤቂ̇̈ሬ፤ ቴ ዓት ኤራዚንዳ ዶኪ̇ን ሙታ፤ ዎቲናካር ጊዳን ጾ̈ሲ ታ̈ና ኤሪኖንዲፌ̈ን ማ̈ቂ̇ኖ ኩም ኤራ ታ̈ብ ዶኢ̈ሬ።
ዪንቲ̇ ሚ̈ጛር ኤቃ̇ዚንዳ ኣማ̇ናባራ ማ̈ቂ̇ኖኮታ̇ቦ፥ ዪንታ̇ ኡፋይሳ̇ምፔ̈ን ኑ ዪንታ̇̇ባር ዎልኣ ኦ̈ንዳብዶኬ፥ ዪንታ̇ ኣማ̇ኒን ጋልዳ ኑ ኣላቃ ማ̈ቃ̇ንዳብ ጊዳካ̇ዬ።
ኑ ና̈ጋዚንዳ ቤንታ̇ባሶ ባዚንዶዶኬ ቤንታ̇ዝ ባዚን ጊዳካ̇ዬ። ቤንታ̇ዝ ባዚንዳ ዓት̇ ዪንዳ ኢና ጊላ̇ ጊዛብ ማ̈ቃ̇ዝ ባዜ ዎቲናካር ቤንታ̇ባሶንዳ ሜናብ ዶኢዝ ባዜ።
ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።
ቴዪ ማ̇ቂኖ ጺላ ኣሲ ዎቲናካሬ ኣማ̇ናባራ ሼምፓ ዲጚ̈ሬ፤ ኢ ጋስ ዴጪዝ ባዝ ማ̈ቄጌይን ቴ ኢባር፤ ኡፋይታ̇ባሴ” ጋ̈ሪ ጻ̈ፊንቲ̇ኔ።
ዪንቲ̇ ዬሱ̈ስ ክርስቶ̈ሳ ኣ̈ፍባር ቤቃካ̇ዮ ኣስ ማ̈ቂ̇ናካሬ ኢያ ካሬ፤ ዓት ዪንቲ̇ ቤቃካ̇ይ ማ̈ቂ̇ናካሬ ኢያ ኣማ̇ኒ̈ሬ፤ ኣሲ ኖ̈ናባር ሶ̈ላር ዳንዳኢባ̈ሶ ጴች ኡፋይስባር ኡፋይቲ̇̈ሬ።
ኣላሚን ጋልዳ ዎይ ዎ ኢሺንታ̇ን ዪኒፌ̈ኖ ሜቲን ኤኪ̇ሙታ ዎን ኤራሪ ዪንታ̇ ኣማ̇ኒንባር ሚ̈ጛር ኢያ ቆዳ̇ር ጎቲ̇ሲብቴ።
