2 ቆሮ 4:7 - ኦራ ጫ̈ቃ ማጻ̈ፋ

⁷ ዎቲናካሬ ዪ̈ ዎይፖ̇ ሺዝ ዎልቃ̈ዲ ጾ̈ሳ̇ዳይዶኬ ኑዪ ጊዳካ̇ዮን ኤሪታምፔ̈ኒ ዪና̇ ቦንች ባዚንዳ ሳ̈ዝባር ኮቺ̇ንቲ̇ኖ ኢቃ ማይጺዛን ኑ ጋርታ ዎ።

2 ቆሮ 4:7 ပူးပေါင်းရင်းမြစ်များ

ማ̈ቶ̈ሳ 13:44

“ጾ̈ሳ̇̇ ካ̈ቲቲንዳ̇ ዎት ጋድ ጋርታ̇ ኣ̈ቺ̇ንቲ̇ኖ ቆሊንን ማይጻ̈ሬ። ፔቲ̇ ኣሲ ዪኖ̇ ቆሊንን ዲጛሪ ማሂ ቤስ̇ ኢና ኣ̈ቺ̇ዴ። ኢ ዎይሊን ኡፋይቲ̇ኖኮታ̇ቦ ሉካ̇ሪ ፌ̈ብ ዎ ባዝ ዎይ ኤ̈ጚ ዎጛር ዪኖ̇ ዎት ጋዲን ፌ̈ብ ዎጚ ኤኪ̇ዴ።

ማ̈ቶ̈ሳ 13:52

ኢያር ኢንታ̇ኮ “ዪ̈ኮታ̇ቦ ጾ̈ሳ̇̇ ካ̈ቲቲ̈ኮ ሚስጢራ ኮሺንቺ̇ ኤሪዝ ሂጋ̇ ኣስታማ̈ሪ፥ ፌ̈ብ ዎ ቆሊንን ሺሺ̇ ጋዲ̇ዝ ኬ̈ን ጋርታ̇ፖ ኦራ ማ̈ቂ̇ኖንዲኬ ሲላ ማ̈ቂ̇ኖን ኬሲ̇ ኤሄይዝ ቆሊን ባ̈ባ̈ ማይጺ̈ሬ” ጌይዴ።

ዋ̈ኒ̇ሳ 16:33

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

1 ቆሮ 1:28

ጾ̈ሲ ዓኒ ኣላሚን ጋልዳ ዎ ጌዪ ኤሪንቲ̇ኖ ባዮ̇̈ዲፌ̈ን ማሃንዳ̇ቦ ኣላሚን ጋልዳ ኣሳ ኣፊታ ቤንታ̇ካዮ ዬ̈ልቃ̇ርኬ ሌቂንታ̇ር ዎ ኣሳን ማራ̇ጺዴ።

2 ቆሮ 10:10

ፔቲ̇ ፔቲ̇ ኣሳን “ጳውሎ̈ሲ ጻ̈ፊኖ ኪታ̇ን ዴ̈ጺ ዋ̈ይሬ፤ ኢ ፌ ቆሚ̇ን ኑባር ዎዶሪ ሊ̈ቄ፤ ኢ ሶ̈ላዳሬ ፋባሴ” ጌይሬ።

2 ቆሮ 13:4

ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።

2 ቆሮ 4:1

ጾ̈ሲ ፌ ማ̈ሪቲምባራ ዓና̇ ኦ̈ሲን ኑ̈ብ ኢሚ̇ኖኮታ̇ቦ ኑ̈ኒ ቦስባ̈ዳ።

2 ቆሮ 5:1

ዓና̇ ዉዳፌ̈ኖ ሜናብ ዶኣባሶ ኑ ኣይሺ̇ንዳ ዓይቃ̇ር ዬጌዪን ኣሳ ኩሽባር ጊዳካይዶን ጾ̈ሳ̇ ኩሽባር ኬ̈ጺንቲ̇ኖ ሜናብ ዶኢዝ ኬ̈ ኑብ ኣፋ ዎን ኑ ኤሪ̈ሬ።

2 ቆሮ 6:10

ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

ኤፍ 2:5

ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ቆላ̈ሳ̈ሳ 2:12

ዪንቲ̇ ጻማ̇ቂንቲ̇ኖንባራ ክርስቶ̈ስባራ ዱ̈ኪንቲ̇ኔ፤ ክርስቶ̈ሳ ዓይቃ ጋርታፖ̇ ዲንኖ ጾ̈ሳ̇ ዎልቂ̈ን ዪንቲ̇ ኣማ̇ኒኖኮታ̇ቦ ኢባራ ዓይቃ ጋርታ̇ፖ ዲንዲ̇ኔ።

ቆላ̈ሳ̈ሳ 2:3

ጾ̈ሲ ኣ̈ቻ̇ር ጋዲ̇ኖ ጴች̇ ኤራኬ ኤጪቲ ዱርቲ ዎይ ክርስቶ̈ሳክ ዎ።

1 ታሳ 1:5

ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ።

1 ታሳ 4:4

ኣሲ ዎይ ፌ̈ ጋሊ̇ንዶ ጌ̈ሺቲባርኬ ቦንችባር ና̈ጋዚን ኤሮጋ̈ቤ።

2 ጢማ̈ 2:20

ዱራ ኣሳ ኣ̈ል ጋርታ ዎርቃ̇ባርኬ ቢራባር ኮቺ̇ንቲኖ ኢቃሙታ̇ ጊዳካ̇ይዶን ሚባርኬ ቶቅላባር ኮቺ̇ኖ ኢቃር ዎ፤ ዪን ኢቃን ጋርታ̇ፖ ዶካ̇ን ቦንቺ̇ንቲኖ ኦ̈ሳብ ፌ̈ሽኪ̇ን ዶካን ቦንቺ ባዮ̇ ኦ̈ሳብ ፌ̈ሽኪ̇̈ሬ።