2 ቆሮ 4:6 - ኦራ ጫ̈ቃ ማጻ̈ፋ

⁶ “ፎኢን ም ጋርታ ፎኦ!” ጋ̈ሪ ሶ̈ሊኖ ጾ̈ሳ̇̇̈ዲ ክርስቶ̈ሳ ዴ̈ሚን ጋልዳ ፎ̈ኢዛ ጾ̈ሳ̇ ቦንቺ̇ን ኤራምፔ̈ን ዎቲዝ ፎኢን ኑ̈ብ ኢማ̇ንዳቦ ፌ ፎኢንን ኑ ቡ̈ዲን ጋርታ ፎ̈ኣምፔን ዎቲዴ።

2 ቆሮ 4:6 ပူးပေါင်းရင်းမြစ်များ

ሉቃ̈ሳ 10:22

“ዎይ ባዚ ቴ ባ̈ባ ጋልዳፖ̇ ታ̈ቦ ኢሚንቲ̇ኔ። ማ ናኣ ኢ ኦ̈ናኮ ባ̈ባ̈ፖ̇ ኣቲ̇ን ሜላ ኤሪዝ ኣሲ ባዬ̇። ማ ባ̈ባ̈ ኦ̈ናኮ ናኣ̈ፖ̇ ኣቲ̇ን ዎይ ናኣ ቤይሳንዳ̇ብ ኮዪኖ ኣሳፖ̇ ኣቲን ሜላ ኤሪዝ ኣሲ ኦ̈ናካር ባዬ̇” ጌይዴ።

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ዋ̈ኒ̇ሳ 11:40

ዬሱ̈ሳሬ ኢዝኮ̇ “ኣማ̇ኔጌይንዶ ኔ ጾ̈ሳ̇̇ ቦንቻ̇ ቤቃ̇̈ሬ ጌያ ቴ ኔ̈ብ ሶ̈ላካ̇?” ጌይዴ።

ዋ̈ኒ̇ሳ 12:41

ኢሳ̈ሲ ዬሱ̈ሳ ቦንቺ̇ን ቤቂ̇ኖኮታ̇ቦ ዪኖ̇ ኢ ባዝ ሶ̈ሊዴ።

ሃዋ̈ራታን ኦ̈ሳ 26:18

ኢንታ ኣፊን ኔ ኢንታ̇ብ ፊርቃምፔ̈ንኬ ም ጋርታፖ ፎኢን ጋልዳ ኢንታ ኬሳ̇ምፔ̈ኒ፤ ሴ̈ጣና ዎልቃ ጋርታፖ ጾ̈ሳ̇̈ኮ ማሃምፔ̈ን ዎታንዳ፤ ኢንታ̇ሬ ታ̈ና ኣማ̇ኒኖኮታ̇ቦ ፌ ናጋሪን ጋርታፖ ማ̈ሪቲ ዲጚሬ፤ ማ ማራ̇ጺንቲ̇ኖን ጊዳ̇ ቤሲ̇ ዲጚ̈ሬ’ ጌይዴ።”

1 ቆሮ 12:8

ጌ̈ሻ̇ ኣያ̇ና̈ዲ ፔቲ̇ ኣሳቦ ኤጪቲባር ሶ̈ሊዝ ኪልስ ኢሚ̇ሬ። ማ ሜላ̈ቦ ዪ̈ ኣያና̈ዲ ኤራባር ሶ̈ሊዝ ኪልስ ኢሚ̇ሬ።

2 ቆሮ 2:10

ዪንቲ̇ ኢ̈ብ ኣቶ̇ ጌይዝ ና̈ሳዲ ታ̈ናር ኢ̈ብ ኣቶ̇ ጋ̈ንዳ፤ ኪን ቴ ኢ̈ብ ኣቶ̇ ጋምፔ̈ኖ ባዚ̇ ዎኮ ክርስቶሳ ቲ̈ን ዪንታ̇ ጊሻ̇ቦ ጋ̈ራ ቴ ኢ̈ብ ኣቶ̇ ጋ̈ሬ።

2 ቆሮ 3:18

ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።

2 ቆሮ 4:4

ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።

ኤፍ 1:17

ኑ ጎዳ ዬሱ̈ስ ክርስቶ̈ሳብ ጾ̈ስ ማ̈ቂ̇ኖ ቦንቺንቲ̇ኖ ጾ̈ሳ̇ ሺ ዪንቲ ኢያ ኤራምፔ̈ን ዪንታ̇ቦ ኤጪቲኬ ኣ̈ቺንቲ̇ኖ ባዝ ቤይሲዝ ኣያ̇ና ኢሚ̇ንታምፔ̈ን ቴ ዪንታ̇ብ ዎሳ̇̈ሬ።

ኤፍ 1:18

ኢ ዪንታ̇ብ ኢማ̇ንዳ ጋ̈ሪ ዪንታ̇ ፌ̈ክ ጼይጊኖ ታስፊን ኣብዝኮ፥ ማ ጾ̈ሳ̇ ዎርዣን ጊዳክ ኤካ̇ዝ ቦንች ቤሲ̇ን ዎዛርፌ̈ን ጴችኮ ዪንቲ ኤራምፔ̈ን ጾ̈ሲ ዪንታ̇ ቡ̈ዲን ፊርቃምፔ̈ኒ፣

ኤፍ 5:8

ዪንቲ̇ ዓኒ̇ፖ̇ ቲ̈ን ም ጋርታ̇ ዎ፥ ዓት ዪንቲ̇ ጎዳ̈ባር ፔታ̇ን ማ̈ቂ̇ኖኮታ̇ቦ ፎኢን ጋርታ ዎ። ዪ̈ኮታ̇ቦ ፎኢን ጋርታ̇ ዎ ኣሳንፌ̈ን ማ̈ቃ̇ር ዶኢብቴ።

ፊል 2:6

ዬሱ̈ስ ክርስቶ̈ሲ ኢ ፌ ቆሚ̇ን ጾ̈ስዶሪ፥ ዪኖ̇ ኢ ጾ̈ሳ̇ባራ ዎልፌ̈ን ዎንዶ “ታ̈ኒ ኣሻ̇ንዳብ ኮሻ̇ባሴ” ጋ̈ሪ ቆፓካዬ።

ቆላ̈ሳ̈ሳ 1:15

ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

ኢብ 1:3

ጾ̈ሳ̇̈ ቦንቺ̇ን ዎዛርፌ̈ን ጴችኮ ቤይሲዛ ኢያ፤ ማ ኢ ዎይ ባዝባራ ጾ̈ሳ̇ ባ̈ባ ማይጺ̈ሬ፤ ኢ ዎልቃባሮ ፌ ቃ̈ላባራ ኣላሚን ሚ̈ንር ኤ̈ኔ፤ ኢ ኣሳ ናጋራ ዎይ ጌ̈ሺ̇̈ኖፖ ዓኒ ጴቻ̈ ጾ̈ሳ̇̈ቦ ኡሻች ጎይ ዶኢኔ።

ኢብ 6:4

ዓኒ̇ፖ ቲ̈ን ኪን ማ̈ቂ̇ኖ ጾ̈ሳ̇ ቃ̈ሊን ኤራሪ፤ ጾ̈ሳ̇ ኪልሲንዳር ኤኪ̇ ቤቃ̇ሪ፤ ኣማ̇ኒኖ ኣሳንባር ዎልኣ ጌ̈ሻ̈ ኣያ̇ና ኤካ̇ሪ፤

1 ጴጥ 1:12

ዪን ናባን ዪኖ̇ ሶ̈ሊኖንዳ ዪንታ̇ብዶኬ ኢንታ ኬሊ̇ንባር ማ̈ቃ̇ባሶን ኢንታ̇ብ ኤሪንቲ̇ኔ፤ ኢንቲ̇ ሶ̈ሊኖንዳ ኣፋፖ ዬይኖ ጌ̈ሻ̇ ኣያ̇ና ጎይባራ ዓት ዪንታ̇ብ ዎጛላ ሳባኪ̇ኖ ኣሳን ሶ̈ሊኖን ኢዞ ሚን ሶ̈ሊኔ፤ ባዚን ዪኖ̇ ኣፎ ኪ̈ታንቻ̇ንር ቤቃ̇ንዳብ ኢኒ̇ቲ̈ሬ።

1 ጴጥ 2:9

ዎቲናካሬ ዪንቲ ም ጋርታፖ ዎይሊን ጋራ̇ሚሲዝ ፎኢንንኮ ዪንታ̇ ጼይጊኖ ጾ̈ሳ̇̇̈ኮን ጴቻ ኦ̈ሲን ሶ̈ላምፔ̈ኒ ማራ̇ጺንቲ̇ኖ ዜ̈ርን፥ ካ̈ታቦ ቄ̈ሳንኬ፥ ጾ̈ሲ ፌ̈ቦ ጌዪ ቆሪ ኬሲ̇ኖ ዎርዣን።

2 ጴጥ 1:19

ባዝ ዪን ዎይ ናባን ኑ̈ብ ሶ̈ሊኖ ባዛን ኪን ማ̈ቂ̇ኖን ኤርሲ̈ሬ፤ ዪ̈ኮታ̇ቦ ዪንቲ̇ ም ቤስ̇ ጋርታ ጋዲ̇ኖ ፎኢንን ያካ̇ዮ̈ዲፌ̈ን ና̈ጋዚንዲፌ̈ኒ ናባን ሶ̈ሊኖ ባዚን ዪና̇ ኢዝፌ̈ኒ ኮሺንቻክ ና̈ጊብቴ̇፤ ዪንቲ̇ ዪኖ̇ ዎታዚንዳ ጋማ ዳርኢዝ ዲራስኬ ሳ̈ዚ ዎንታ̇ንዳቦ ዎታዚምባራ ቤ̈ንታ̇ዝ ቤ̈ርሲ̇ን ዪንታ̇ ቡ̈ዲን ጋርታ ቤንቲ̇ዝ ዲራሴ።