2 ቆሮ 4:4 - ኦራ ጫ̈ቃ ማጻ̈ፋ

⁴ ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።

2 ቆሮ 4:4 ပူးပေါင်းရင်းမြစ်များ

ማ̈ቶ̈ሳ 13:22

ኣጚ ጊዳ̇ ጋርታ̇ ኬዲ̇ኖ ዜር ጋ̈ዚንዳ ጾ̈ሳ̇̇ ቃ̈ሊን ሲስኪ̇ዝ ኣሴ፥ ዎቲናካሬ ዓና̇ ኣላሚን ጋልዶ ቆፊኬ ቆሊን ካን ኢ ቡ̈ዲን ጋርታ̇ ጌላሪ ኢ ሲስኪ̇ኖ ቃ̈ሊን ቶ̈ራ ጩ̈ላ̇ክ ኤ̈̇ን ኣ̈ፍ ካጻካ̇ይ ኣቲ̈ሬ።

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

ዋ̈ኒ̇ሳ 1:18

ጾ̈ሳ̇̇ ቤቂ̇ኖ ኣሲ ዉርሲ ኦ̈ናካር ባዬ̇፤ ዎቲናካሬ ጾ̈ሳ̇̇ ባ̈ባ̈ ላፍ ዎ ኢ ናኣ ፔታ̇ና፥ ኢ ፌ̈ቆማ̇ብ ጾ̈ሳ̇̇ዲ፥ ኣሳብ ኢባዝ ኤርሲኖ̈ዲ ኢያ።

ዋ̈ኒ̇ሳ 12:31

ዓና̇ ኣላሚን ፊርዲንታ̇ዝ ኬሊ̇ን ዓቴ̇፤ ጾ̈ሲ̇ ዓና̇ ኣላሚን ላ̈ ሴ̈ጣና ዛና ቶጚ̈ሬ።

ዋ̈ኒ̇ሳ 12:35

ዬሱ̈ሲ ኢንታ̇ኮ “ዓት ዪዚ ፎኢን ጊላ̇ ቃ̈ም ዪንታ̇ባር ዶኢ̈ሬ፤ ፎኢን ዎምባ̇ራ ̈ሚ ዪንታ̇ ዬላ̇ካይዶን ዬ̇ ቢሪንቲ̇ብቴ̇፤ ምባር ዬ̇ዝ ኣሲ ኢ ዎይዲ ሉኪ̇̈ርኮ ኤሪባ̈ሴ።

ዋ̈ኒ̇ሳ 12:40

“ኢንቲ̇ ፌ ኣ̈ፊንባር ቤቃ̇ሪ፥ ፌ ቡ̈ዲንባራ ቆፓ̇ሪ፥ ኢ̈ኮ ማ̈ቂ̇ ፋጻካ̇ይፌ̈ኒ ጾ̈ሲ̇ ኢንታ̇ ኣ̈ፊን ዎቢ̇ሲዴ፥ ኢንታ̇ ቡ̈ዲንዳር ዛቢሲኔ” ጋ̈ሪ ሶ̈ሊኔ።

ዋ̈ኒ̇ሳ 12:45

ታ̈ና ቤቂ̇ዛ̈ዲ፥ ታ̈ና ኪታ̇ር ሚሺኖ ቤቂ̇̈ሬ።

ዋ̈ኒ̇ሳ 14:30

ዓና̇ ኣላሚምቦ̇ ላ̈ ሴ̈ጣኖ ዬይዛኮታ̇ቦ ዓኒፖ̇ ጌዳ ቴ ዪንታ̇ባር ዎይሊን ሶ̈ሊንታባሴ። ኢ ቴ ጋልዳ ኣባክ ፔቲ̇ ባዝ ዎታንዳብ ሲልጣ̈ና ኢ̈ብ ባዬ̇።

ዋ̈ኒ̇ሳ 15:24

ሜላ ኣሲ ኦ̈ካዮ ባዝ ቴ ኢንታ ጊዳ̇ ኦካ̇ይኮ ዎን ኢንታ̇ብ ናጋራ ማቃ̇ባስዶ̈ን፥ ዓት ዎቲናካሬ ዪኖ̇ ዎይ ታ̈ሚ̇ራ̈ቲን ቤቂኖፖ̇ ዓኒ ኢንቲ̇ ታ̈ናሬ ቴ ባ̈ባ̈ዳሬ ዎይ ኢጺ̇ዴ።

ዋ̈ኒ̇ሳ 16:11

ፊርዳ̇ ጎይ ሶ̈ላዚንዳ፥ ዓና ኣላሚን ላ̈ ጋልዳ ጾ̈ሲ̇ ፊርዲ̇ኖኮታ̇ቦ።

ዋ̈ኒ̇ሳ 8:12

ዬሱ̈ሲ ማ̈ቃ̇ሪ ኣሳንኮ “ታ̈ኒ ዓኒ̇ ኣላሚምቦ̇ ፎኢን፤ ቴ ዎሂን ዬ̇ዝ ኣሲ ሼምፓ ፎኢን ዲጚ̈ርዶኬ ማ̇ ጋርታ̇ ቢሪንቲ̇ባ̈ሴ” ጋ̈ር ሶ̈ሊዴ።

ሃዋ̈ራታን ኦ̈ሳ 26:18

ኢንታ ኣፊን ኔ ኢንታ̇ብ ፊርቃምፔ̈ንኬ ም ጋርታፖ ፎኢን ጋልዳ ኢንታ ኬሳ̇ምፔ̈ኒ፤ ሴ̈ጣና ዎልቃ ጋርታፖ ጾ̈ሳ̇̈ኮ ማሃምፔ̈ን ዎታንዳ፤ ኢንታ̇ሬ ታ̈ና ኣማ̇ኒኖኮታ̇ቦ ፌ ናጋሪን ጋርታፖ ማ̈ሪቲ ዲጚሬ፤ ማ ማራ̇ጺንቲ̇ኖን ጊዳ̇ ቤሲ̇ ዲጚ̈ሬ’ ጌይዴ።”

ሃዋ̈ራታን ኦ̈ሳ 26:23

ኢንታሬ ሶ̈ሊኖንዳ ‘ክርስቶ̈ሲ ሜታ ኤኪ̇̈ሬ፤ ዓይቃ ጋርታፖ ዲንዳባር ቲ̈ን ማ̈ቃ̇ሪ ፋቲ ፎኢን ኢስሬ̈̈ላ ዎርዣ̈ባኬ ኣይሁድ ባዮ̇ ኣሳንቦ ቤይሲ̈ሬ’ ጌይሬ።”

1 ቆሮ 10:20

ጊዳካ̇ዬ! ጾ̈ሳ̇ ኤሪባ̈ሶ ኣሳን ካ̈ሽካዚንዳ ጾ̈ሳ̇ቦ ጊዳካይዶ̈ን ኢ̈ታ ኣያ̇ናቦ፤ ኢ̈ታ ኣያ̇ናባራ ዪንታ̇̇ብ ፔቲ̇ቲ ዶኣምፔ̈ን ቴ ኮያባሴ።

2 ቆሮ 2:11

ዪኖ̇ ቴ ዎታዚንዳ ሴ̈ጣናኮን ውጫ ኦ̈ሲ̇ን ኑ ኤሪ̈ዛኮታ̇ቦ ኢ ኑ̈ና ባሊ̇ካ̇ዮ̈ዲፌ̈ኒዬ።

2 ቆሮ 2:12

ታ̈ኒ ክርስቶ̈ሳ ዎጛሊን ታማ̈ርሳ̇ንዳቦ ጢሮኣዳ ካታሚን ጋርታ ሉኪ̇ን ጎዳ̈ዲ ታ̈ቦ ሻክ̇ ኦ̈ሳ̇ ካራ ፊርቂንዶ̈ን፤

2 ቆሮ 3:11

ዪና̇ ዲል̇ ጌያ ሙታ̇ ሉካ̇ዝ ባዚንዳ ዪፌ̈ን ዎይ ቦንቺ̇ ኢዝቦ ዎኮ ሜናብ ሚጛር ዶኣዚንዳ ዎዛርፌ̈ን ጴች̇ ቦንቺ̇ ኢዝቦ ዶኢባ̈ሳ?

2 ቆሮ 3:14

ኢንቲ̇ ዓታ̇ብ ዬላ̇ሪ ሚኖ ጫ̈ቃ ማጻ̈ፋን ናባቢንታ̇ምባራ ሚን ሙ̈ሶ ፌ ኣ̈ፊን ካጚኖ ኣፊሊንዳ ኢንታ ኣ̈ፊን ጋልዳፖ̇ ፋካካይ ዎኮታ̇ቦ ኢንታ̇ ቡዲን ዓታ̇ር ዛቢኖንዲፌ̈ን ዎ። ኢንታ ኣ̈ፊን ካጚኖ ኣፊሊን ፋይንዳብ ዳንዳኢዛ̈ዲ ክርስቶ̈ስ ማ̈ቂ̇ኖኮታ̇ቦ።

2 ቆሮ 3:18

ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።

2 ቆሮ 4:6

“ፎኢን ም ጋርታ ፎኦ!” ጋ̈ሪ ሶ̈ሊኖ ጾ̈ሳ̇̇̈ዲ ክርስቶ̈ሳ ዴ̈ሚን ጋልዳ ፎ̈ኢዛ ጾ̈ሳ̇ ቦንቺ̇ን ኤራምፔ̈ን ዎቲዝ ፎኢን ኑ̈ብ ኢማ̇ንዳቦ ፌ ፎኢንን ኑ ቡ̈ዲን ጋርታ ፎ̈ኣምፔን ዎቲዴ።

ጋላ̈ታ 1:4

ኑ ጾ̈ሳ̇ ኑ ባ̈ባ̈ ጌይኖንዲፌ̈ን ዓና̇ ኢ̈ታ̇ ኣላሚን ጋልዳፖ̇ ኑ̈ና ፋንዳቦ ኑ ናጋራ ጊሻ̇ብ ዬሱ̈ሲ ፌ̈ና ኣ̈ ኢሚ̇ዴ።

ኤፍ 2:2

ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ።

ኤፍ 6:12

ኑ̈ኒ ኦሊ̇ንቲ̇ዛ̈ዲ ኣሳባር ጊዳካ̇ይዶን ዓና̇ ም ኣላሚን ጋልዳ ኦ̈ዝ ዎልቃ̇ባሮንባራ፣ ጋዣንባራ፣ ኣላቃንባርኬ ኣፋ ዎ ዎልቃ̇ባሮ ኢ̈ታ ኣያ̇ናንባራ።

ፊል 2:6

ዬሱ̈ስ ክርስቶ̈ሲ ኢ ፌ ቆሚ̇ን ጾ̈ስዶሪ፥ ዪኖ̇ ኢ ጾ̈ሳ̇ባራ ዎልፌ̈ን ዎንዶ “ታ̈ኒ ኣሻ̇ንዳብ ኮሻ̇ባሴ” ጋ̈ሪ ቆፓካዬ።

ቆላ̈ሳ̈ሳ 1:15

ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ።

1 ጢማ̈ 1:11

ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።

ቲ̈ታ̇ 2:13

ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።

ኢብ 1:3

ጾ̈ሳ̇̈ ቦንቺ̇ን ዎዛርፌ̈ን ጴችኮ ቤይሲዛ ኢያ፤ ማ ኢ ዎይ ባዝባራ ጾ̈ሳ̇ ባ̈ባ ማይጺ̈ሬ፤ ኢ ዎልቃባሮ ፌ ቃ̈ላባራ ኣላሚን ሚ̈ንር ኤ̈ኔ፤ ኢ ኣሳ ናጋራ ዎይ ጌ̈ሺ̇̈ኖፖ ዓኒ ጴቻ̈ ጾ̈ሳ̇̈ቦ ኡሻች ጎይ ዶኢኔ።

ኢብ 6:4

ዓኒ̇ፖ ቲ̈ን ኪን ማ̈ቂ̇ኖ ጾ̈ሳ̇ ቃ̈ሊን ኤራሪ፤ ጾ̈ሳ̇ ኪልሲንዳር ኤኪ̇ ቤቃ̇ሪ፤ ኣማ̇ኒኖ ኣሳንባር ዎልኣ ጌ̈ሻ̈ ኣያ̇ና ኤካ̇ሪ፤

2 ጴጥ 1:19

ባዝ ዪን ዎይ ናባን ኑ̈ብ ሶ̈ሊኖ ባዛን ኪን ማ̈ቂ̇ኖን ኤርሲ̈ሬ፤ ዪ̈ኮታ̇ቦ ዪንቲ̇ ም ቤስ̇ ጋርታ ጋዲ̇ኖ ፎኢንን ያካ̇ዮ̈ዲፌ̈ን ና̈ጋዚንዲፌ̈ኒ ናባን ሶ̈ሊኖ ባዚን ዪና̇ ኢዝፌ̈ኒ ኮሺንቻክ ና̈ጊብቴ̇፤ ዪንቲ̇ ዪኖ̇ ዎታዚንዳ ጋማ ዳርኢዝ ዲራስኬ ሳ̈ዚ ዎንታ̇ንዳቦ ዎታዚምባራ ቤ̈ንታ̇ዝ ቤ̈ርሲ̇ን ዪንታ̇ ቡ̈ዲን ጋርታ ቤንቲ̇ዝ ዲራሴ።

1 ዋ̈ኒ̇ 2:11

ፌ ኢሻ ኢጺ̇ዛ̈ዲ ም ጋርታ ዎ፤ ምባራ ቢሪንቲ̈̇ሬ፤ ሚ̇ ኢያ ካጚኖኮታ̈ቦ ፌ ሉካ̇ዚ ጎይሚንዳር ኤሪባ̈ሴ።

1 ዋ̈ኒ̇ 2:8

ማ̈ቂ̇ናካሬ ክርስቶ̈ሳ ጋርታ̇ኬ ዪንታ̇ ጋርታ ኪን ማ̈ቃ̇ር ቤ̈ንቲ̇ኖ ኦራ ኪ̈ቲን ቴ ዪንታ̇ቦ ጻ̈ፋ̈ሬ፤ ኣባ ጌይን ሚ̇ ፋኪ̇ሙታ ኪን ፎኢ̈ን ዓታ̇ር ፎኢሙታ ዎ።

1 ዋ̈ኒ̇ 5:19

ኑ̈ኒ ጾ̈ሳ̇ ናኣን ማ̈ቂ̇ኖን ኤሪ̈ሬ፤ ዎቲናካሬ ዓና̇ ኣላሚን ዎይ ሴ̈ጣና ዎልቂ̇ን ጻና ኣቂኔ።