3 ኑ ታማ̈ርሳዝ ዎጛላ ቃ̈ሊን ጌ̈ማ ማ̈ቄጌይናሬ ኢዛ ጌ̈ሚታዚንዳ ዪዝ ኣሳንቦ።
ዪና̇ ኢዝባራ ዬሱ̈ሲ “ኣፎ ሳ̈ዚምቢኬ ሳ̈ዶ̇ ሳ̈ዚምቦ ጎዳ ቴ ባ̈ባ̈ዶ! ዓኖ̇ ኔ̈ኒ ኤጫንፕኬ ኤራንፖ̇ ጌ̈ሚራ ኤራ ባዮ̇ ዳሻንቦ ቤይሲኖንኮታቦ̇ ቴ ኔ̈ና ጋላታ̈ሬ።
ዪና̇ ማ̈ቃ̇ዚንዳ ታ̈ኒ ሶ̈ላዝ ዎጛላ ቃ̈ሊንዲፌ̈ኒ ኣሳን ኦ̈ኖ ሜላ ኣቲ̇ን ጌማ ባዛን ጋልዳ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ፊርዳዝ ቃሚ̇ንባራ።
“ክርስቶ̈ሲ ማስቃ̈ላ ጋ̈ልዳ ዓይቂ̇ኔ” ጋ̈ዝ ሶ̈ሊንዳ ዪዝ ኣሳንቦ ቦ̈ዛ ባዝፌ̈ን ፋይዲንታ̈ሬ፤ ዎቲናካር ኑ̈ቦ ፋጺዛንቦ ጾ̈ሳ̇ ዎልቃ።
ዎቲናካሬ ኑ̈ኒ ኣማ̇ናባር ሚ̈ጚኖንቦ ኢንታ̇ብ ማ̈ቃ̇ምፔ̈ኖ ኤራ ቃ̈ላባር ሶ̈ሊ̈ሬ፤ ዪና̇ሬ ኑ ሶ̈ላዚንዳ ዓኒ̇ ሳ̈ዚን ጋል̇ዳ ዎ ኤሪንባራ ዎይ ዉርሲ ጋልዳ ያንዳብ ዎ ዓኒ ኣላሚንቦ ላ ኢ ኤሪንባር ጊዳካ̇ዬ።
ታ̈ኒ ክርስቶ̈ሳ ዎጛሊን ታማ̈ርሳ̇ንዳቦ ጢሮኣዳ ካታሚን ጋርታ ሉኪ̇ን ጎዳ̈ዲ ታ̈ቦ ሻክ̇ ኦ̈ሳ̇ ካራ ፊርቂንዶ̈ን፤
ኢንቲ̇ ዓታ̇ብ ዬላ̇ሪ ሚኖ ጫ̈ቃ ማጻ̈ፋን ናባቢንታ̇ምባራ ሚን ሙ̈ሶ ፌ ኣ̈ፊን ካጚኖ ኣፊሊንዳ ኢንታ ኣ̈ፊን ጋልዳፖ̇ ፋካካይ ዎኮታ̇ቦ ኢንታ̇ ቡዲን ዓታ̇ር ዛቢኖንዲፌ̈ን ዎ። ኢንታ ኣ̈ፊን ካጚኖ ኣፊሊን ፋይንዳብ ዳንዳኢዛ̈ዲ ክርስቶ̈ስ ማ̈ቂ̇ኖኮታ̇ቦ።
ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።
ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ።
ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።
