2 ቆሮ 4:2 - ኦራ ጫ̈ቃ ማጻ̈ፋ

² ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

2 ቆሮ 4:2 ပူးပေါင်းရင်းမြစ်များ

ሮሜ 1:16

ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ።

ሮሜ 6:21

ዪዚ ዪንቲ̇ ሚን ዪንታ̇ ዬ̈ሊ̇ዝ ባዝ ኦ̈ዝ ኬሊ̇ንባራ ኢዝ ጋርታ̇ፖ̇ ኣብዝ ኮሽ ባዝ ዲጚቴ? ባዝ ዪና̇ ኢዛ ዉርሲ ጋልዳ ዪንታ̇̇ብ ዓይቃ ኤሄ̈ሬ።

1 ቆሮ 4:5

ዪ̈ኮታ̇ቦ ኬ̈ሊን ዬላ̇ካይዶን ጎዳዲ ፊርዳብ ዬናፖ ቲ̈ን ዪንቲ ኣሳ ጋልዳ ፊርዳፒ̇ቴ። ኢ ዬ̈ሪ ም ጊዳ̇ ጌ̈ሚታር ዎ ባዝ ፎኢን ጋልዳ ኬሲ̇̈ሬ፤ ኣሳ ቡ̈ዳ ጋርታ̇ ኣ̈ቺ̇ንቲ̇ኖ ቆፊ ፋላ̇ ጋልዳ ኬሲ̇̈ሬ ዪና ኢዝባራ ኣሲ ዎይ ጾ̈ሳ̇ ጋልዳፖ ፌ ኣንጂን ኤኪ̇̈ሬ።

2 ቆሮ 1:12

ኑ̈ና ኬርፊሲዝ ፔቲ̇ ባዚ ዎ ዪ̈ናሬ፤ ኑ̈ኒ ዓኒ ኣላሚን ጋልዳ ማ ዎይ̈ፖ ሺ ዪንታ̇ባራ ኑ̈ብ ዎ ፔቲ̇ቲን ጋርታ ኑ̈ኒ ጾ̈ሳ̇̇ ጋልዳፖ ዲጚኖ ጌ̈ሺ̇ቲንባርኬ ኣሽኪቲንባራ ዪንታ̇ባር ዶኢኖን ኑ ቡ̈ዲን ኑ̈ቦ ማርኪታ̈ሬ። ዪ̈ና̇ ኣሳ ኤራባራ ጊዳካ̇ይዶን ጾ̈ሳ̇̇ ኮሺ̇ቲባር ማ̈ቂ̇ኖባዜ።

2 ቆሮ 11:3

ሾ̈ሺ̇ ፌ ዉጪ̇ምባራ ሄዋ̈ኖ ባሊኖንዲፌ̈ኒ ዪንታ̇ ቆፊንዳር ኢ̈ታራ ዪንቲ̇ ኣሽካኬ ኮሽ ማ̈ቂ̇ኖ ቡ̈ዳባራ ክርስቶ̈ሳብ ኣማ̇ኒንታዚንዶ ኣሺ̇ዝዳ ጌያ ኢ̈ጫ̇̈ሬ።

2 ቆሮ 11:6

ታ̈ኒ ሶ̈ሊዝ ሶ̈ላባራ ኤጫ ማ̈ቃካ̇ይካሬ ኤራ ታ̈ብ ጉጻካ̇ዬ፤ ዪና̇ሬ ዎይ ጋላስ ዎይ ጎይባራ ኑ ዪንታ̇ ፋል̇ ታማ̈ርሲኔ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 5:11

ኑ̈ኒ ጎዳ̈ቦ ኢ̈ጫ̇ዚን ኣብዝኮ ኤሪዛኮታ̇ቦ ኣሳንቦ ሶ̈ሊ ኣማ̇ንንዳቦ ቡቲቲ̈ሬ፤ ማ ኑ ኦ̈ብዝኮ ጾ̈ሲ ኑ̈ና ኤሪ̈ሬ። ዪንታ̇̇ር ዪንታ̇ ቡ̈ዳባራ ኑ ኣብዝኮ ኑ̈ና ኤሪ̈ሬ ጌያ ቆፓ̇̈ሬ።

2 ቆሮ 6:8

ኑ̈ኒ ቦንቻ̇ቦ ዎይ ዉርዳታቦ ቆ̈ንታንዳቦ ዎይ ኣንጂ̇ንታ̇ንዳቦ ጊጊ̇ንቲ̇ኖ ኣሴ፤ ኑ̈ኒ ኪን ሶ̈ሊርዶን ኣሳን ኑ̈ና ማቂ̇̈ሬ ጌይዴ።

2 ቆሮ 7:14

ቴ ዪንታ̇̇ባር ኬርፋሙታ̇ ዎን ቴ ቲ̈ታ̇ብ ሶ̈ሊኔ፤ ዪንታ̇ር ታ̈ና ዬ̈ሊ̇ካዬ፤ ዎይ ጋላስ ኑ ዪንታ̇̇ብ ኪንን ሶ̈ሊ̈ሬ ዪ̈ዳሬ ኑ ዪንታ̇ ባዝ ቲ̈ታ̇ብ ሶ̈ሊኖ ኬራፊንዳ ኪን ማ̈ቂ̇ኖን ኤሪንቲ̇ኔ።

ኤፍ 4:14

ዪዚ ኑ ዓኒ̇ፖ̇ ጌዳ ኣሲ ኑ̈ና ዉጫባራ ባሊሙታ̇ኬ ቃልቂንቺ̇ሙታ ዱማ ዱማ ማቃ ቲሚርታ̇ባራ ኣይጊኬ ዋ̈ሳ ጋልዶ ዉርጊንዲፌ̈ኒ ጌዳክ ዓኒክ ኤንኢሙታ̇ ኣቂሊ̇ ናኢ ማ̈ቂ̇ባ̈ዳ።

ኤፍ 5:12

ኢንቲ̇ ኣሲ ቤቃካ̇ይዶን ኦ̈ዝ ኦ̈ሲን ኢንታ̇ባር ኦ̈ዛ ኣቲ̇ን ኢንታ̇ ኦሲ̇ን ኖ̈ናባር ሶ̈ላንዳብ ዬ̈ሊ̇ሬ።