12 ዪዚ ኑ̈ኒ ዓይቃቦ ኣ̈ ኢሚ̇ንቲን ዪንቲ̇ ሼምፓባር ዶኢ̈ሬ።
ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።
ኑ̈ኒ ክርስቶ̈ሳ ጊሻ̇ቦ ጋ̈ሪ ዳሻ ማ̈ቂ̇ኔ፤ ዪንቲ ክርስቶ̈ሳባራ ኤራን ማ̈ቂ̇ኔ! ማ ኑ̈ኒ ዳቡሪኖን ማ̈ቂ̇ን ዪንቲ̇ ሚ̈ንን ማ̈ቂ̇ኔ፤ ዪንቲ ቦንቺ̇ንቲ̇ኖን ማ̈ቂ̇ኔ፤ ኑ̈ኒ ሌቂንቲ̇ኖን ማ̈ቂ̇ኔ።
ቴ ዪንታ̇ ጊሻ̇ብ ቴ ሚ̈ሺ̇ን ኣቲ̇ን ታ ታ̈ና ኣ̈ ኢማ̇̈ርካር ዎይሊን ታ̈ና ኡፋይሳ̈̇ሬ፤ ዪዚ ታ̈ኒ ዪ̈ዲፌ̈ን ዎይ ዪንታ̇ ካዚምባ̇ራ ዪንቲ̇ ታ̈ና ካዚንዳ ዪኒ̇ፌ̈ን ጊላ̇?
ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።
ዬሱ̈ሲ ኑ ጋርታ̇ ዎንዳ ዓይቂዝ ኑ ኣይሺ̇ን ጋልዳ ቤንታ̇ምፔ̈ኒ ኑ̈ኒ ሼምፓባር ዎን ዬሱ̈ሳኮታ̇ቦ ዎይ ጋላስ ዓይቃብ ኣ̈ ኢሚ̇ንቲ̈̇ሬ።
ማቂ̇ናካሬ “ኣማ̇ናዴ፤ ዪ̈ኮታ̇ቦ ሶ̈ላዴ” ጋ̈ሪ ጻ̈ፊንቲ̇ኖንዲፌ̈ኒ ኑ̈ባር ዪ̈ዲፌ̈ኖ ኣማ̇ና ኑ̈ብ ዎኮታ̇ቦ ኑ̈ናር ኣማ̇ናር ሶ̈ሊሬ።
ዪንቲ ኣማ̇ኒኖኮታ̇ቦ ጾ̈ሳ̇̇̈ቦ ሺሻ̈ዝ ዣ̈ርሺን ጋልዳኬ ዪንቲ̇ ኢ̈ብ ኦ̈ዝ ኦ̈ሲን ጋ̈ልዳ ቴ ሼምፒ̇ንዳሬ ጉ̈ጂንታር ዣ̈ርሻ ማ̈ቃ̇ርካሬ ቴ ዪንቲ ዎይንባራ ዎልኣ ኡፋይታ̇̈ሬ።
ዪንቲ ታ̈ኮ ኡካ̇ር ታ̈ቦ ኦ̈ንዳቦ ዳንዳኣካዮን ዎይ ኢ ታ̈ብ ኩም̈ሬ ጋ̈ሪ ክርስቶ̈ሳ ኦ̈ሳቦ ፌ ሼምፒ̇ምቦ ሚጪንታካ̇ይዶር ዓይቃቦ ዬሊ̇ንዶን ኣቲ̇ኔ።
ካን ኣብዝኮ ኑ̈ኒ ኤሪኖንዳ ዬሱ̈ስ ክርስ̇ቶ̈ሲ ፌ ሼምፒ̇ን ኑኮታ̇ቦ ኣ̈ ኢሚ̈ኖ̈ንኮታ̇ቦ፤ ኑ̈ናሬ ኑ ሼምፒን ኑ ኢሺንታ̇ንኮታ ኣ̈ ኢማ̇ንዳቦ ኮሺ̈̇ሬ።
