1 ጾ̈ሲ ፌ ማ̈ሪቲምባራ ዓና̇ ኦ̈ሲን ኑ̈ብ ኢሚ̇ኖኮታ̇ቦ ኑ̈ኒ ቦስባ̈ዳ።
ዬሱ̈ሲ ፌ ታማ̈ራንቦ፥ ኢንቲ̇ ዎይ ጋላስ ሚ̈ጛር ዎ̈ሳንዳብ ኮሻ̇ዚን ኤራምፔ̈ን ሚሳ̇̈ሊ ኢንታ̇ብ ሶ̈ሊ̈ርዶሪ፥
ዪዚ ኣጵሎ̈ሲ ኣብዛ? ማ ጳውሎ̈ሲሽ ኣብዛ? ኢንቲ ዪንቲ ዬሱ̈ሳ ኣማ̇ናምፔ̈̇ን ዎቲኖ ጾ̈ሳ̇ ኣሽካራ፤ ኢንቲ ጎዳ ኢንታ̇ ቆሚ̇ን ቆሚ̇ን ኢንታ̇ብ ኢሚ̇ኖ ኦ̈ሲንዲፌ̈ኒ ኦ̈ዝ ኣሴ።
ማጫ̇ ኤካካ̇ዮንብኬ ኢስታካ̇ዮ ኣሳንቦ ታ̈ኒ ጎዳ ጋልዳፖ ኤኪ̇ኖ ኪ̈ታ ታ̈ብ ባዬ፤ ማ̈ቂ̇ናካር ጎዳ ማ̈ሪቲባራ ታ̈ኒ ኣማ̇ኒንቲ̇ኖ ኣስ ማ̈ቂ̇ኖኮታ̇ቦ ታ ጋልዳፖ̇ ኢንታ̇ ዞራ̈ሬ።
ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ።
ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።
ዪ̈ኮታ̇ቦ ኑ̈ኒ ቦ̈ሳንዳባዬ̇፤ ኑ ኣይሺ̇ን ዳ̈ቡሪናካሬ ኑ ጋርቶ ኣሲቲንዳ ዎይ ጋላስ ኦራ ማ̈ቃ̇ሙታ̇ ዶኣ̈ሬ።
ዪ̈ ዎይ ማ̈ቂ̇ኖ̈ዲ ኑ̈ና ክርስቶ̈ሳ ጎይባራ ፌባር ኢጊንኖ ማ ሜላን ኢጊንዝ ኦ̈ሳ ኑ̈ብ ኢሚ̇ኖ ጾ̈ሳ̇ ጎይባራ።
ኮሻ̇ ባዝ ኦ̈ንዳቦ ዳቡርባ̈ዳ፤ ኑ ቦ̈ዛካ̇ይዶር ኦ̈ጌዪን ኬ̈ሊን ዬላ̇ምባራ ዜርቂኖን ቴይሲ̇ ኤኪ̇̈ሬ።
ዪና̇ ቴ ዪንታ̇ ጊሻ̇ብ ኤካ̇ዝ ሜቲንዳ ዪንታ̇ብ ቦንቼ̇። ዪ̈ኮታ̇ቦ ታ ጋልዳ ዬሊ̇ኖ ሜቲን ቤቃ̇ሪ ዪንቲ̇ ታስፋ ቃጻካ̇ይፌ̈ኒ ቴ ዪንታ̇ ጌሻ̈ሬ።
ዎልቃ ታ̈ብ ኢሚ̇̈ዛ ክርስቶ̈ስባራ ዎይ ባዝ ኦ̈ንዳቦ ዳንዳኣ̈ሬ።
ዎቲናካሬ ኑ ኢሺንታ̇ን! ኑ̈ና ዳ̈ቡርሲ̇ኔ ጋ̈ሪ ኮሽ ኦ̈ሳ ኦ̈ንዳብ ቦ̈ሳፒ̇ቴ።
ዓኒ̇ፖ ቲ̈ን ታ̈ኒ ጎዳ ቆ̈ሳ̇ ኢያ ኣማ̇ኒኖ ዳካ̇ ዎቲኖ ውጫ ኣስ ማ̈ቂ̇ናካሬ ታ ዪኖ̇ ዎቲኖንዳ ኤራካ̇ይ ኣታ̇ርኬ ኢያ ኣማ̇ናካ̇ዮ ኬል̇ባራ ማ̈ቂ̇ኖጊሻ̇ቦ ኢ ታ̈ብ ኣቶ̇ ጌይኔ።
ዪዚ ቦ̈ሳካ̇ይዶርኬ ታስፋ ቃጻካ̇ይዶሪ፥ ናጋራንቻ̇ንቺ ኢያ ኢጻ̇ዚምባራ ዪኖ̇ ዎይ ጋርዢኖ ዬሱ̈ሳ ቤቂ̇ብቴ።
ዪንቲ ሚን ጾ̈ሳ̇ ዎርዣ ጊዳካ̇ዬ፥ ዎቲናካር ዓት ዪንቲ̇ ጾ̈ሳ̇̇ ዎርዣ፤ ሚን ዪንቲ̇ ማ̈ሪቲ ዲጛካ̇ዮን፤ ዎቲናካር ዓት ማ̈ሪቲ ዲጚኔ።
ኔ ጋርዣባር ሚ̈ጚኖንዲኬ ቴ ሱምንኮታ ሜታ ኤኪ̇ኖን ቴ ኤራ̈ሬ። ዪና̇ ዎይን ጋርታ ኔ̈ኒ ዳ̈ቡራካ̇ዬ።
