2 ቆሮ 3:9 - ኦራ ጫ̈ቃ ማጻ̈ፋ

⁹ ኣስ ባዣ ጋርታ ጌልሳዝ ኦ̈ሲንዳ ዪኒ̇ፌ̈ኒ ቦንች ኢዝቦ ዶኤጌይንዶ ኣስ ጺሊዝ ኦ̈ሲንዳ ዎዛርፌ̈ን ሺ ቦንች ኢዝቦ ዶኣኔ?

2 ቆሮ 3:9 ပူးပေါင်းရင်းမြစ်များ

ሮሜ 4:11

ኣብራሃ̈ሚ ጋራ̇ዚንታ̇ናፖ̇ ቲ̈ን ኢ ኣማ̇ኒን ጺሊ̇ቲ ማ̈ቃ̇ራ ፋይዲንቲኖን ኤርሳንዳቦ ማላ̇ ማ̈ቃ̇ምፔን ጋራዚንቲ̇ዴ፤ ዪ̈ኮታ̇ቦ ኣብራሃ̈ሚ፥ ጋራ̇ዚንታካይዶን ኣማ̇ኒዛንብኬ ኢንታ̇ ኣማ̇ኒን ኢንታ̇ብ ጺሊ̇ቲ ማሃር ፋይዲንቲ̇ዛን ዎይንቦ ባ̈ባ።

1 ቆሮ 1:30

ጾ̈ሲ ዎቲናካር ዪንታ̇ ዬሱ̈ስ ክርስቶ̈ሳባር ፔታ̇ን ማ̈ቃ̇ር ዶኣምፔ̈ን ዎቲዴ። ጾ̈ሲ ዬሱ̈ስ ክርስቶ̈ሳ ኑ̈ቦ ኤሪቲ፣ ጺሊ̇ቲ፣ ጌ̈ሺ̇ቲኬ፣ ኑ̈ና ፌ ሱ̈ባር ዎዚዛ ማ̈ሲዴ።

1 ቆሮ 15:41

ኣዋ̈ፊንቦ ዎ ቆይሲን ዱማ፤ ኣጋናብ ዎ ቆይሲን ዱማ፤ ቤ̈ርሳብ ዎ ቆይሲን ዱማ፤ ፔቲ̇ ቤ̈ርሲን ሜላ ቤርሲምፖ ዱማ ቆይሲ ኢዝቦ ዎ።

2 ቆሮ 3:8

ጌ̈ሻ̇ ኣያ̇ና ጎይባር ማ̈ቃ̇ዝ ኦ̈ሲንዳ ሺ ቦንቺ̇ ኢዝቦ ዶኢባሳ?

2 ቆሮ 5:21

ኑ̈ኒ ክርስቶ̈ሳ ጎይባር ጾ̈ሳ̇ ጺሊቲን ኤኪ̇ዛ ማ̈ቃ̇ምፔ̈ኒ ጾ̈ሲ ናጋራ ባዮ̇ ክርስቶ̈ሳ ናጋራንቻፌ̈ን ፋይዲዴ።

ጋላ̈ታ 3:10

“ሙ̈ሳ ሂጋ̇ ማጻ̈ፋ ጋልዳ ጻ̈ፊንቲ̇ኖ ኪ̈ታን ዎይ ና̈ጊ ፎቲባ̈ሶ ኣሲ ዎይ ባ̈ዲንቲኖ̈ዳ” ጋ̈ሪ ጻ̈ፊንቲኖኮታ̇ቦ “ኑ̈ኒ ሂጋ̇ ና̈ጊ ፎታር ጺላ̇ንዳ” ጌይዛን ዎይ ባ̈ዲንቲኖን።

ፊል 3:9

ዪኖ̇ ቴ ዎቲኖንዳ ኣኮታ̇ቦ ጌይን ሂጋ̇ ና̈ጋባር ቤንታ̇ዝ ቴ ጺሊ̇ቲን ኣሻ̇ራ ኣማ̇ናባር ቤንታ̇ዝ ጾ̈ሳ̇ ጺሊ̇ቲን ክርስቶ̈ሳ ኣማ̇ናር ዲጛንዳብኬ ኢባራ ዎልኣ ፔታ̇ን ማ̈ቃ̇ንዳቦ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።