2 ቆሮ 3:7 - ኦራ ጫ̈ቃ ማጻ̈ፋ

⁷ ሂጋ̇ ኢሚ̇ንቲ̇ኖ ኬሊ̇ንባር ሙ̈ሳ ዴ̈ሚንዳ ዎይሊን ፎ̈ኢ̈ዛኮታ̇ቦ (ዪና̇ ፎኢንንዳ ዎሃ ዲል̇ ጌያ ያሙታ ዬይናካሬ) ኢስሬ̈ላን ኮት̇ ዎቲ ኢያ ቤቃ̇ንዳብ ዳንዳኣካ̇ዬ። ዪዚ ዪና̇ ሹች̇ ጋልዳ ፊዳላባር ጻ̈ፊንቲ̇ኖ ዓይቃ ኤካ ዬይኖ ሂጊ̇ንዳ ጴች ቦንችባራ ዬይኖ ማ̈ቄ̇ጌይንዶ፤

2 ቆሮ 3:7 ပူးပေါင်းရင်းမြစ်များ

ሃዋ̈ራታን ኦ̈ሳ 6:15

ኣይሁድ ፊርድ ኣ̈ል ሺ̈ቃር ዶኢኖ ኣሳን ዎይ ኢስጣፋ̈ኖ̈ሳ ኮት̇ ዎቲ ቤቃ̇ምባራ ጾ̈ሳ̇ ኪታ̇ንቻ ፎ̈ኢዛ̈ዲፌ̈ን ኢ ኢንታ̇ክ ፎኣር ቤንቲ̇ዴ።

ሮሜ 10:4

ኣሲ ዎይ ኣማ̇ናባር ጺላ̇̇ምፔ̈ኒ ሂጋ̇ ኦ̈ሲንዳ ክርስቶ̈ሳባር ዉሪኔ።

ሮሜ 4:15

ሂጎ̇ ጾ̈ሳ̇ ጎይላ ኤሄይሬ። ዎቲናካሬ ሂጋ̇ ባዪኮ ዎኒ ሂጋ̇ ና̈ጋካ̇ይ ኣታ̇̇̇ር ባሊኔ ጌይዝ ባዚ ዶኢባ̈ሴ።

ሮሜ 5:20

ናጋራ ዎይላምፔ̈ኒ ሂጋ̇ ዬይዴ፤ ዎቲናካሬ ናጋራ ዎይሊሙታ ሉካ̇ምባራ ጾ̈ሳ̇ ካን ኢዝፖ ሺ ዎይሊዴ።

ሮሜ 7:10

ቴ ኢዞ ና̈ጋ ፎታራ ሼምፓባር ዶኣምፔ̈ን ኢሚ̇ንቲኖ ሂጋ̇ ኪ̈ቲ̇ንዳ ታ ጋልዳ ዓይቃ ኤካ̇ ዬ̈ዴ።

ሮሜ 7:22

ታ̈ኒ ቴ ቡዳባር ጾ̈ሳ̇ ሂጊ̇ምባር ኡፋይታ̈̇ሬ።

ሮሜ 7:5

ኑ̈ኒ ናጋራንቻ̇ ማ̈ቂ̇ኖ ኑ ኣሲቲንቦ ኪ̈ቲንታ̇ዝ ኬ̈ሊ̇ንባራ ሂጊ̇ንዳ ኑ̈ብ ዎ ኢታ̇ ኢኒ̇ን ዲንራ ኑ̈ና ዓይቃብ ዬልዝ ኦ̈ሳ ኦ̈ምፔ̈ን ዎቲኔ።

1 ቆሮ 13:10

ኩም ማ̈ቂ̇ኖ ኤሪን ዬዬጌይን ኩም ማ̈ቃካ̇ዮን ኣታ̇̈ሬ።

2 ቆሮ 3:3

ዪንቲ̇ ኑ ኩሽታ ኣማ̇ኒኖ፥ ቃላማባር ጊዳካ̇ይዶን ሜናብ ዶኢዝ ጾ̈ሳ̇ ኣያ̇ናባራ፥ ሹች ጋልዳ ጊዳ̇ካይዶን ኣሳ ቡ̈ዳ ጋልዳ ጻ̈ፊንቲ̇ኖ ክርስቶ̈ሳ ጋልዳፖ̇ ዬይኖ ዳብዳ̈ቢ ማ̈ቂ̇ኖን ኤሪንቲ̇ኖ ባዜ።

2 ቆሮ 3:6

ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።

2 ቆሮ 3:8

ጌ̈ሻ̇ ኣያ̇ና ጎይባር ማ̈ቃ̇ዝ ኦ̈ሲንዳ ሺ ቦንቺ̇ ኢዝቦ ዶኢባሳ?

ጋላ̈ታ 3:10

“ሙ̈ሳ ሂጋ̇ ማጻ̈ፋ ጋልዳ ጻ̈ፊንቲ̇ኖ ኪ̈ታን ዎይ ና̈ጊ ፎቲባ̈ሶ ኣሲ ዎይ ባ̈ዲንቲኖ̈ዳ” ጋ̈ሪ ጻ̈ፊንቲኖኮታ̇ቦ “ኑ̈ኒ ሂጋ̇ ና̈ጊ ፎታር ጺላ̇ንዳ” ጌይዛን ዎይ ባ̈ዲንቲኖን።

ጋላ̈ታ 3:21

ዪዚ ሂጎ̇ ጾ̈ሲ ኢሚ̇ኖ ታስፋ ቃ̈ሊን ኣሺሻ̈ራ? ዉርሲ ኣሺሻባሴ! ሼም̇ፓ ኢሚ̇ዝ ሂጋ̇ ኬስኪኖኮ ዎኒ ጺሊቲ ሂጋ̇ ጎይባር ቤንቲርዶ̈ን።

ኢብ 12:18

ዪንቲ ኢስሬ̈ላ ናኣንፌ̈ኒ ኣሲ ኩሽባር ኤንዳብ ዳንዳኢዛ ታማ ኢ ጋል ኣፋ ኤይቲ̇ዝ ሲ̈ና ኢንዲን ጋልዳ ዬላ̇ካ̇ዬ፤ ሚ̇ንኮ፣ ቃ̈ይቃዪንኮ፣ ውርጊንኮ ዬላ̇ካ̇ዬ።

ኢብ 3:3

ኬ̈ ኬ̈ጺ̇ዝ ና̈ሳ̈ዲ ኢ ኬ̈ጺ̇ኖ ኬ̈ንፖ ሺ ቦንቺ̈ ኢብ ዎንዲፌ̈ኒ ዬሱ̈ሳባሬ ሙ̈ሳፖ ሺ ቦንቺ̈ ዶኣንዳብ ኮሺ̇ዛ ማ̈ቃ̇ር ቤንቲ̇ኔ።

ኢብ 9:4

ዪና ኪፊሊን ጋርታ ዎርቃባር ኦ̈ንቲ̇ኖ ኢጻ̈̈ና ጩይሺ̇ዝ ቄንዳላኬ ኢዝ ጋሊ̇ን ዎርቃባር ሜ̈ሺኖ ጫ̈ቃ ታ̈ቦ̈ቲንዲክ ዎ፤ ዪና ታ̈ቦቲን ጋርታ ማና̇ ዎ ዎርቃ̇ባር ኮቺ̇ኖ ሌ̈ማታ ዎ፤ ማ ፉርቲ̇ኖ ኣ̈ሮና ጉፊንዶ፤ ጾ̈ሳ̇ ሂጊ̇ን ኢዝ ጋልዳ ጻ̈ፊንቲ̇ኖ ናምኢ ሹቻ̇ን ኢና ዎ።