6 ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።
ኢያር ኢንታ̇ኮ “ዪ̈ኮታ̇ቦ ጾ̈ሳ̇̇ ካ̈ቲቲ̈ኮ ሚስጢራ ኮሺንቺ̇ ኤሪዝ ሂጋ̇ ኣስታማ̈ሪ፥ ፌ̈ብ ዎ ቆሊንን ሺሺ̇ ጋዲ̇ዝ ኬ̈ን ጋርታ̇ፖ ኦራ ማ̈ቂ̇ኖንዲኬ ሲላ ማ̈ቂ̇ኖን ኬሲ̇ ኤሄይዝ ቆሊን ባ̈ባ̈ ማይጺ̈ሬ” ጌይዴ።
ዓና̇ ዎይሊንን ናጋራ ኣቶ̇ ጌዪንታ̇ምፔ̈ን ዉሊንታ̇ዝ ቴ ኦራ ጫ̈ቃ ሱ̈ንዶ።
ኢናፖ̇ ኢንታ̇ኮ “ዓና̇ ዎይሊንንቦ ዉልኢንታ̇ዝ ታ ኦራ ጫ̈ቃ ሱ̈ንዶ” ጌይዴ።
ዪና̇ ኢዝፌ̈ኒ ኢራ̈ቲን ሙይኖፖ ዎሃ ጺዊን ኤካ̇ሪ ኢንታኮ “ዓና̇ ጺዊንዳ̇ ዪንታ̇ኮታ̇ብ ዉሊንታ̇ዝ ቴ ሱ̈ንባር ፎቲንቲ̇ዝ ኦራ ጫ̈ቂንዶ።
ባ̈ባ̈ ዓይቂ̇ኖን ዓይቃ ጋርታ̇ፖ̇ ዲንሪ ሼምፓ ኢማ̇ዚንዲፌ̈ኒ፥ ማ ናኣ̈ዳሬ ፌ ኮዪኖንቦ ዎይ ሼምፓ ኢሚ̇̈ሬ።
ሼምፓ ኢሚ̇ዛ̈ዲ ጾ̈ሳ̇̇ ኣያ̇ና̈ዳ፤ ኣሳ ዎልቆ ኣባካር ማ̈ዲ̇ባ̈ሴ፤ ቴ ዪንታ̇ብ ሶ̈ሊኖ ቃ̈ሊንዳ̇ ኣያ̇ና፥ ማ ሼምፓ።
ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ።
ዪ̈ኮታ̇ቦ ኦ̈ናካር ኣሲ ጾ̈ሳ̇ ቲ̈ን ሂጊ̇ን ጋ̈ዚን ኦ̈ ፎታ̇ሪ ጺሊ̇ባ̈ሴ፤ ሂጊ̇ንዳ ኣሲ ዎይ ናጋራቻ̇ ማ̈ቂ̇ኖን ቤይሳ̈ሬ።
ሂጎ̇ ጾ̈ሳ̇ ጎይላ ኤሄይሬ። ዎቲናካሬ ሂጋ̇ ባዪኮ ዎኒ ሂጋ̇ ና̈ጋካ̇ይ ኣታ̇̇̇ር ባሊኔ ጌይዝ ባዚ ዶኢባ̈ሴ።
ጌ̈ሻ ማጻ̈ፋ ጋልዳ ጾ̈ሲ̇ ኣብራሃ̈ማቦ ሶ̈ሊ̈ርዶሪ “ቴ ኔ̈ና ዎይሊን ዎርዣቦ ባ̈ባ ማሂኔ” ጋ̈ሪ ጻ̈ፊንቲ̇ኔ። ዪና̇ ታስፋ ቃ̈ሊን ኣብራሃ̈ማብ ኢሚ̇ንቲ̇ኖንዳ ኢ ዓይቂ̇ኖን ዲንዛዲኬ ባዮ̇ ባዝ ዎ ማሂዛ ጾ̈ሳ̇̇ ኣማ̇ኒኖኮታ̇ቦ።
ዓት ዎቲናካሬ ኑ̈ና ቃቻ̇ ኤ̈ኖ ሂጊ̇ን ጋልዳፖ̇ ኣሲ ኣሳ ጋልዳፖ ዓይቃባር ፋጊ̇ንታ̇ዚንዲፌ̈ኒ ኑ̈ኒ ኢዝ ጋልዳፖ ፋጊንቲ̇ኖኮታ̇ቦ ሂጋ̇ ቃሺን ጋልዳፖ̇ ኑ̈ኒ ናጻ ኬስኪ̇ኔ። ዪ̈ኮታ̇ቦ ዓኒፖ̇ ጌዳ ኑ̈ኒ ጾ̈ሳ̇̇̈ቦ ኦ̈ዚንዳ ኣያ̇ና ሂጊ̇ን ኦራንባርዶኬ ሚን ጻ̈ፊንቲ̇ኖ ሲላ̇ ሂጊ̇ንባር ጊዳካ̇ዬ።
ዬሱ̈ስ ክርስቶ̈ሳ ጎይባራ ቤንቲ̇ዝ ሼምፓ ኢሚ̇ዛ ጌ̈ሻ̇ ኣያ̇ና ሂጋ̇̈ዲ ናጋራ ጋልዳፔኬ ዓይቃ ሂጋ̇ ጋልዳፖ̇ ታ̈ና ናጻ ኬሲ̇ኔ።
ዪና̇ ኢዝፌ̈ኒ ኢራ̈ቲን ሙይኖፖ̇ ዎሃ ጺዊ̇ን ዲንሪ “ዓና̇ ጺዊንባሮ ኡሺ̇ንዳ ቴ ቴ ሱ̈ንባር ዪንታ̇̇ብ ኤሲ̇ኖ ኦራ ጫ̈ቂንዶ፤ ዪንቲ̇ ኢዞ ኡሽኪ̈ርዶሪ ዎይ ጋላስ ታ̈ና ቆፒ̇ብቴ” ጌይዴ።
ዪ̈ኮታ̇ቦ ጾ̈ሲ ዎ̈ሳ ኬ̈ ጋርታ ዱማ ዱማ ኦ̈ሳ ዶኣምፔ̈ን ዎቲኔ። ዪኒ̇ ጎይባራ ቲ̈ን ሃዋ̈ራ̈ታን ናምኢ ናባን ዓይዚ̇ ኣስታማ̈ራን፥ ኢናፖ̇ ታሚ̇ራ̈ታ ኦ̈ዝ ኣሳን፥ ማኖ ኣሳን ፋዝ ኣሳን፥ ኣስ ማ̈ዲ̇ዝ ኪልሲ ዎ ኣሳን፥ ኣስ ኣቂሲዝ ኣሳንኬ ኦራ ኖ̈ናባር ሶ̈ሊዝ ኪልሲ ዎ ኣሳን ሹ̈ማር ጋዲ̇ዴ።
ዪ̈ኮታ̇ቦ “ቲ̈ኖ ና̈ሳ ኣዳ̇̈ሚ ሼምፓባሮ ኮቺ̇ንት ማ̈ቂ̇ኔ” ጋ̈ር ጻ̈ፊንቲ̇ኔ። ዎቲናካር ዎሆ ኣዳ̇̈ሚ ኢያሬ ክርስቶ̈ሲ ሼምፓ ኢሚ̇ዝ ኣያ̇ና ማ̈ቂ̇ኔ።
ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።
ዪዚ ኣጵሎ̈ሲ ኣብዛ? ማ ጳውሎ̈ሲሽ ኣብዛ? ኢንቲ ዪንቲ ዬሱ̈ሳ ኣማ̇ናምፔ̈̇ን ዎቲኖ ጾ̈ሳ̇ ኣሽካራ፤ ኢንቲ ጎዳ ኢንታ̇ ቆሚ̇ን ቆሚ̇ን ኢንታ̇ብ ኢሚ̇ኖ ኦ̈ሲንዲፌ̈ኒ ኦ̈ዝ ኣሴ።
ኢንቲ̇ ክርስቶ̈ሳ ኣሽካራ? (ቴ ዣ̈ሾትፌ̈ን ማ̈ቃ̇ር ሶ̈ላ̈ሬ) ቴ ኢንታ̇ፖ ሺ ክርስቶ̈ሳ ኣሽካ̇ራ። ቴ ኢንታ̇ፖ̇ ሺ ኦ̈ሳባር ዳቡሪኔ፤ ዎይሊን ጎይ ቃቺ̇ንቲኔ፤ ዎይሊን ጎይ ቴ ቡኪ̇ንቲ̇ኔ፤ ዎይሊን ጎይ ዓይቃብ ዬላ̇ር ኣቲ̇ኔ።
ኢንቲ̇ ዓታ̇ብ ዬላ̇ሪ ሚኖ ጫ̈ቃ ማጻ̈ፋን ናባቢንታ̇ምባራ ሚን ሙ̈ሶ ፌ ኣ̈ፊን ካጚኖ ኣፊሊንዳ ኢንታ ኣ̈ፊን ጋልዳፖ̇ ፋካካይ ዎኮታ̇ቦ ኢንታ̇ ቡዲን ዓታ̇ር ዛቢኖንዲፌ̈ን ዎ። ኢንታ ኣ̈ፊን ካጚኖ ኣፊሊን ፋይንዳብ ዳንዳኢዛ̈ዲ ክርስቶ̈ስ ማ̈ቂ̇ኖኮታ̇ቦ።
ዪንቲ̇ ኑ ኩሽታ ኣማ̇ኒኖ፥ ቃላማባር ጊዳካ̇ይዶን ሜናብ ዶኢዝ ጾ̈ሳ̇ ኣያ̇ናባራ፥ ሹች ጋልዳ ጊዳ̇ካይዶን ኣሳ ቡ̈ዳ ጋልዳ ጻ̈ፊንቲ̇ኖ ክርስቶ̈ሳ ጋልዳፖ̇ ዬይኖ ዳብዳ̈ቢ ማ̈ቂ̇ኖን ኤሪንቲ̇ኖ ባዜ።
ሂጋ̇ ኢሚ̇ንቲ̇ኖ ኬሊ̇ንባር ሙ̈ሳ ዴ̈ሚንዳ ዎይሊን ፎ̈ኢ̈ዛኮታ̇ቦ (ዪና̇ ፎኢንንዳ ዎሃ ዲል̇ ጌያ ያሙታ ዬይናካሬ) ኢስሬ̈ላን ኮት̇ ዎቲ ኢያ ቤቃ̇ንዳብ ዳንዳኣካ̇ዬ። ዪዚ ዪና̇ ሹች̇ ጋልዳ ፊዳላባር ጻ̈ፊንቲ̇ኖ ዓይቃ ኤካ ዬይኖ ሂጊ̇ንዳ ጴች ቦንችባራ ዬይኖ ማ̈ቄ̇ጌይንዶ፤
ኣስ ባዣ ጋርታ ጌልሳዝ ኦ̈ሲንዳ ዪኒ̇ፌ̈ኒ ቦንች ኢዝቦ ዶኤጌይንዶ ኣስ ጺሊዝ ኦ̈ሲንዳ ዎዛርፌ̈ን ሺ ቦንች ኢዝቦ ዶኣኔ?
ዪዚ ሂጎ̇ ጾ̈ሲ ኢሚ̇ኖ ታስፋ ቃ̈ሊን ኣሺሻ̈ራ? ዉርሲ ኣሺሻባሴ! ሼም̇ፓ ኢሚ̇ዝ ሂጋ̇ ኬስኪኖኮ ዎኒ ጺሊቲ ሂጋ̇ ጎይባር ቤንቲርዶ̈ን።
ዪንቲ̇ ዓኒ̇ፖ ቲ̈ን ዪንታ̇ ባዢንባርኬ ዪንታ̇ ናጋሪንባራ ዓይቂ̇ኖን።
ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ።
ጾ̈ሲ̇ ፌ ዎልቃ ታባር ማ̈ቃ̇ር ኦ̈ምፔ̈ን ዎቲኖኮታ̇ቦ ታ̈ኒ ኢ ታ̈ብ ኢሚ̇ኖ ፌ ኮሺ̇ቲንባራ ዓና̇ ዎጛላ ኦ̈ሲን ኦ̈ዝ ኣስ ማ̈ቃ̇ዴ።
ኔ ዪና̇ ኪ̈ቲንዶ ኣማ̇ኒዝ ኣሳንቦ ኤርሴጌይንዶ ጾ̈ሳ̇ ቃ̈ላባርኬ ኔ ኤ̈ኖ ኮሽ ቲሚርቲ̇ንባራ ዲጪ̇ኖ ኣስ ማ̈ቃ̇ራ ዬሱ̈ስ ክርስቶ̈ሳብ ኮሽ ኦ̈ዝ ኣስ ማ̈ቃ̇̈ሬ።
ታ̈ናሬ ዓና̇ ዎጛሊን ሳባ̈ኪዝ ኣስ፥ ሃዋ̈ራኬ ኣስታማ̈ሪ ማ̈ቃ̇ር ሹ̈ሚንቲ̇ኔ።
ኦራ ጫ̈ቂምቦ ጊዳ̇ ጋርታ ኢጊንዝ ኣስ ማ̈ቂ̇ኖ ዬ̈ሱ̈ሳኮ ማ ኣ̈ቤ̈ላ ሱ̈ምፖ ሺ ኮሽ̇ ታስፋ ኢማ̇ዚንኮ ዉሊንቲ̇ኖ ኢ ሱ̈ንኮ ዪንቲ ኡኪ̇ኔ።
ዶራንቦ ጴች ዬ̈ን ናእ ማ̈ቂ̇ኖ ኑ ጎዳ ዬሱ̈ስ ክርስቶ̈ሳ ሜናብ ዶኢዝ ጫ̈ቃ ሱ̈ንባራ ዓይቃ ጋርታፖ ዲንኖ ሳሪቲ ጾ̈ሳ̇̇̈ዲ፥
ዪና̇ ጫ̈ቂን ጊሻ̇ቦ ዬሱ̈ሲ ዎይፖ ኣ̈ዝ ጫ̈ቂምቦ ዋ̈ሳ ማ̈ቂ̇ኔ።
ዪዚ “ኦራ ጫ̈ቂ” ጌይኖንዳ ቲ̈ኖ ጫ̈ቂን ሲላ ማ̈ቃ̇ር ኣታ̇ምፔ̈ን ዎታ̈ሬ ጌንቴ፤ ዪ̈ኮታ̇ቦ ጪጚኖዲኬ ሲላ ባዚ ዎይ ዪዝ ኬሊ̇ ኡኪ̇ኔ።
ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።
ዎይ ባዚ ኮቺንታ̇ናፖ ቲ̈ን ዎ፥ ኑ ኑ ኣ̈ፊንባር ቤቂ̇ኖን፥ ኑ ኩሺንባር ዎ̈ሺኖን ሼምፓ ቃ̈ሊን ጎይ ኑ ዪንታ̇ብ ሶ̈ሊ̈ሬ። ኑ̈ኒ ኢያ ቤቂ̇ኔ፤ ኑ ኩሺንባራር ኢያ ኤ̈ኔ።