5 ኑ ኦ̈ሲን ፎታ̇ንዳብ ዳንዳኣምፔ̈ን ዎቲዛዲ ጾ̈ሳ̇̇̈ዳዶኬ ኑ ኑ̈ብ ኣባካር ኦ̈ንዳብ ዳንዳኢዛን ጊዳካ̇ዬ።
ዪንታ̇ ጻላ̈ታን ጋርታ̇ፖ̇ ኦ̈ናካር ሞ̈ታባር ዪንታ̇ ጋማንፔ̈ንባዮ̇ ቃ̈ላኬ ኤራኬ ቴ ዪንታ̇ብ ኢማ̇ንዳ̇።
ቴ ባ̈ባ ኢማ̇ንዳ ጌዪ ቃ̇ላ ጌሊኖን ቴ ዪንታ̇ብ ሚሻንዳ። ዪንታ̇ር ማ ኣፋፖ̇ ዎልቃ ዲጚዝ ዲራ̈ስ ዬሩሳ̈ላም ካታሚን ጋርታ̇ ኢና ጋምኢብቴ̇” ጌይዴ።
“ዎይኒምቦ̇ ኡባ̇̈ዲ ታ̈ና፤ ዪንታ̇ር ታ̈ብ ሻቃን። ዎይሊን ኣ̈ፍ ካጺ̇ዛዲ ታባር ዶኢዛዲኬ ታናር ኢባር ዎዳ፤ ቴ ባዪዶ̈ን ዪንቲ̇ ዪንታ̇ ዎልቃባር ኣባካር ዎታንዳ̇ብ ዳንዳኢባ̈ሴ።
ኣይሁድ ባዮ̇ ኣሳን ጾ̈ሳ̇̇ብ ኪ̈ቲንታ̇ምፔ̈ኒ ክርስቶ̈ሲ ታባር ማ̈ቃ̇ሪ ጌ̈ሻ̇ ኣያ̇ና ዎልቃ̇ባራ ታሚ̇ራ̈ታኬ ጋራ̇ሚሲዝ ማል̇ባራ ቴ ሶ̈ሊንባርኬ ቴ ኦ̈ሲንባራ ኦ̈ኖ ኦ̈ሲምፖ̇ ኣቲ̇ን ሜ̈ላ ባዝ ኣባካር ቴ ሶ̈ላንዳቦ ኮያባሴ። ታ̈ኒ ዬሩሳ̈ላማፖኬ ኢዝ ቡጊድባራ ዎ ኣካ̇ባባንፖ ኤ̈̇ራ ሊዋ̈ሪቆ̈ና ጌይዝ ቤስ̇ ዬሊ̇ዝ ዲራ̈ስ ክርስቶ̈ሳ ዎጛሊን ውርሳ ሳባ̇ኪኔ።
ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።
ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።
ቴ ቶካ̇ዴ፤ ኣጵሎ̈ሲ ዋ̈ ኡሺ̇ዴ፤ ዎቲናካር ዲቺ̇ዛ̈ዲ ጾ̈ሳ̇̇̈ዳ።
ዎቲናካሬ ኢ “ቴ ዎልቂን ጴች ቤንታ̇ዚንዳ ኣሲ ዳቡራምባር ማ̈ቂ̇ኖኮታ̇ቦ ቴ ኮሺ̇ቲ ኔ̈ብ ጊዲ̈ሬ” ጌይዴ። ዪ̈ኮታ̇ቦ ክርስቶ̈ሳ ዎልቃ ታባር ማ̈ቃር ኦ̈ምፔ̈ኒ ቲ̈ኖምፖ̇ ኣ̈ር ታ ዳቡርሲንባር ኡፋይታ̇ ሙታ̇ ኬርፋንዳ ኮያ̈ሬ።
ኑ̈ኒ ዪዛንቦ ዎዝ ዓይቃ ሺታ፤ ፋጺዛንቦ ሼምፓ ኢሚ̇ዝ ሼምፓ ሺታ̇። ዪዚ ዪ̈ዲፌ̈ኖ ጴች ኦ̈ሳቦ ማ̈ቂ̇ዛ ኦ̈ኖ?
ዎቲናካሬ ዪ̈ ዎይፖ̇ ሺዝ ዎልቃ̈ዲ ጾ̈ሳ̇ዳይዶኬ ኑዪ ጊዳካ̇ዮን ኤሪታምፔ̈ኒ ዪና̇ ቦንች ባዚንዳ ሳ̈ዝባር ኮቺ̇ንቲ̇ኖ ኢቃ ማይጺዛን ኑ ጋርታ ዎ።
ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።
ዎልቃ ታ̈ብ ኢሚ̇̈ዛ ክርስቶ̈ስባራ ዎይ ባዝ ኦ̈ንዳቦ ዳንዳኣ̈ሬ።
ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።
ኮሽ̇ ኢሚቲኬ̈ ኩም ኣንጃክ ዎይ ሎክ̇ ኣፋፖ ፎኢን ዎይ ኮቺ̇ኖ̈፥ ሺፋፌ̈ኒ ጌዳክ ዓኒክ ቢሪንቲባ̈ሶ ጾ̈ሳ̇̇̈ ጋልዳፖ̇ ዬይሬ።