2 ቆሮ 3:2 - ኦራ ጫ̈ቃ ማጻ̈ፋ

² ኣሲ ዎይ ኤሪዛ̈ዲኬ ናባ̇ባንዳብ ዳንዳኢዛ ኑ ቡ̈ዲን ጋልዳ ጻ̈ፊንቲ̇ኖ ኑ ዳብዳባ̇ን ዪንታ̇̇።

2 ቆሮ 3:2 ပူးပေါင်းရင်းမြစ်များ

ሮሜ 1:8

ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ።

1 ቆሮ 3:10

ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።

2 ቆሮ 11:11

ቴ ዪና̇ ኣባብ ጌዬ? ቴ ዪንታ̇ ካባሶምቢያ? ቴ ዪንታ̇ ካዚን ጾ̈ሲ ኤሪ̈ሬ።

2 ቆሮ 12:15

ቴ ዪንታ̇ ጊሻ̇ብ ቴ ሚ̈ሺ̇ን ኣቲ̇ን ታ ታ̈ና ኣ̈ ኢማ̇̈ርካር ዎይሊን ታ̈ና ኡፋይሳ̈̇ሬ፤ ዪዚ ታ̈ኒ ዪ̈ዲፌ̈ን ዎይ ዪንታ̇ ካዚምባ̇ራ ዪንቲ̇ ታ̈ና ካዚንዳ ዪኒ̇ፌ̈ን ጊላ̇?

2 ቆሮ 3:1

ኑ ማ̈ቃ̇ር ኑ ቆሚ̇ን ኣንጂን ኤ̈ና? ዎይ ፔቲ̇ ፔቲ̇ ኣሳን ዎታዚንዲፌ̈ኒ ዪንታ̇̇ቦ ዎይ ዪንታ̇ ጋልዳፖ̇ ኑ̈ብ ማርካ̇ ማ̈ቂ̇ዝ ዳብዳቢ ኑ̈ብ ኮሺ̇̈ርዶኔ?

2 ቆሮ 7:3

ቴ ዪኖ̇ ጋ̈ዚንዳ ዪንታ̇ ጋልዳ ፊርዳንዳ̇ብ ጊዳካ̇ዬ። ዓኒፖ̇ ቲ̈ን ቴ ዪንታ̇̇ብ ሶ̈ሊኖንዲፌ̈ን ኑ ዪንታ̇ ዎይሊን ካ̈ሬ፤ ዪ̈ኮታ̇ቦ ኑ̈ኒ ሼምፓባር ዶኢ̇ር ማ̈ቂ̇̇ን ዓይቃ ኬ̈ልባራር ኑ ዪንታ̇̇ባር ዎ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

1 ታሳ 1:8

ጾ̈ሳ̇ ቃ̈ሊን ዪንታ̇ ጋልዳፖ ኬስካ̇ራ ሲስኪ̇ንቲ̇ኖንዳ ሜቂዶ̈ናኬ ኣካ̇ያ ጋዳ̇ ሙ̈ታ ጊዳካ̇ዬ፤ ጾ̈ሳ̇ ጋ̈ልዳ ዪንታ̇ብ ዎ ኣማ̇ኒንዳ ዎይ ቤስ̇ ሲስኪንቲ̇ኖኮታ̇ቦ ባዝ ዪኒ̇ ጎይ ኑ ዓት ኣባካር ሶ̈ላንዳ̇ቦ ኮሺ̇ባ̈ሴ።