2 ቆሮ 3:1 - ኦራ ጫ̈ቃ ማጻ̈ፋ

¹ ኑ ማ̈ቃ̇ር ኑ ቆሚ̇ን ኣንጂን ኤ̈ና? ዎይ ፔቲ̇ ፔቲ̇ ኣሳን ዎታዚንዲፌ̈ኒ ዪንታ̇̇ቦ ዎይ ዪንታ̇ ጋልዳፖ̇ ኑ̈ብ ማርካ̇ ማ̈ቂ̇ዝ ዳብዳቢ ኑ̈ብ ኮሺ̇̈ርዶኔ?

2 ቆሮ 3:1 ပူးပေါင်းရင်းမြစ်များ

ሃዋ̈ራታን ኦ̈ሳ 18:27

ኣጵሎ̈ሲ ኣካ̈ያ ጋ̈ዝ ጋዲን ጋርታ̇ ሉካ̇ንዳብ ቆፒ̇ን ኣማ̇ኒኖ ኣሳን ኢ ቆፊን ኮሼ̇ ጌይዴ። ኣካ̈ያ ዎ ኣማ̇ኒኖ ኣሳንባሬ ኢያ ኮሺንቺ̇ ሞኪ̇ ኤካ̇ምፔ̈ኒ ዳብዳ̈ቢ ጻ̈ፊዴ። ኢ ኢና ዬላ̇ሪ ጾ̈ሳ̇̇ ኮሺቲ̇ንባራ ኣማ̇ና ማ̈ቃ̇ንዳብ ዳንዳኢኖ ኣሳን ዎይሊን ማ̈ዲ̇ዴ።

ሮሜ 16:1

ኪንኪ̇ራ ካታማ ጋርታ ዎ ዎ̈ሳ ኬ̈ን ጋርታ̇ ጾ̈ሳ̇̇̈ብ ኦ̈ዝ ኑ ሚሺን ፌ̈ቤና ኮሽ ኣስ ማ̈ቂ̇ኖን ዪንቲ̇ ኤራምፔ̈ን ቴ ኮያ̈ሬ።

1 ቆሮ 10:33

ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።

1 ቆሮ 16:3

ቴ ዪንታ̇̇ክ ዬ̈ዚምባራ ዪንቲ ማራ̇ጺ̇ኖ ኣሳን ዪንቲ̇ ኬሲ̇ኖ ሚ̈ሺ̇ን ዬሩሳ̈ላም ኤጛር ዬልምፔ̈ን ቴ ኢንታ̇ብ ዳብዳ̈ቢ ኤይር ሚሻንዳ።

1 ቆሮ 3:10

ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።

1 ቆሮ 4:15

ክርስቶ̈ሳባዝ ዪንታ̇ ታማ̈ርሲ ዲቺ̇ዝ ኣሲ ዎይሊን ዪንታ̇ብ ዎካሬ ዎይሊን ባ̈ባ ዪንታ̇ብ ባዬ̇፤ ኣባ ጌይን ክርስቶ̈ስ ዬሱ̈ሳ ዎልቃባራ ዎጛላ ሳባ̇ካራ ዪንታ̇ ዬሊኖ ታ̈ና።

2 ቆሮ 10:12

ማ̈ቂኔካሬ ፌ̈ብ ፌ̈ና ቤርኢሲዝ ፔቲ̇ ፔቲ̇ ኣሳንባር ኑ ኑ̈ና ካሚሲባ̈ሴ ዎይ ኑ ኑ̈ና ኢንታ̇ባር ዎልፌን ማሂባ̈ሴ። ዎቲናካሬ ኢንቲ̇ ፌ̈ና ፌባር ካሚሲ̈ሬ፤ ፌ̈ና ፌባር ዎልፌ̈ን ማሃር ቤቂ̈ሬ፤ ዪ̈ዲ ቦ̈ዚቲ።

2 ቆሮ 10:18

ኣሲ ኣንጂንቲ̇ዛ̈ዲ ጎዳ̈ዲ “ኔ ኮሽ ኦ̈ኔ” ጋ̈ሪ ኣንጄጌይንዶዶኬ ፌ̈ብ ፌ̈ና ኣንጄጌይንዶ ጊዳካ̇ዬ።

2 ቆሮ 10:8

ጎዳ ኑ̈ብ ኢሚ̇ኖ ሲልጣ̈ኒምቦ ዎይሊን ኬርፌጌይናሬ ታ̈ና ዬ̈ሊ̇ባሴ፤ ዪና̇ ሲልጣ̈ኒንዳ ኑ̈ብ ኢሚ̇ንቲ̇ኖንዳ ዪንታ̇ ሚ̈ንንዳብዶኬ ዪንታ̇ ላ̈ላ̇ንዳብ ጊዳካ̇ዬ።

2 ቆሮ 12:11

ታ̈ኒ ኬርፊኖንዳ ዳሻ ኣስፌ̈ን ማ̈ቂ̇ኔ። ዓኒፌ̈ን ሶ̈ላምፔ̈ኒ ታ̈ና ዎቲኖን ዪንታ̇̇፤ ታ ባዝ ማርኪታንዳብ ኮሺ̇ዛን ዪንታ̇̇ዶን፤ ታ̈ኒ ዉርሲ ኣ̈ናኮ ኤሪንታ̇ካ̇ዮ ኣስ ማ̈ቂናካሬ ጴች ሃዋራ ጌይዛንፖ̇ ኣባካር ጉ̈ጻ̇ባሴ።

2 ቆሮ 12:19

ዓኖ̇ ዬላ̇ር ዪንቲ̇ ቆፓ̇ዚንዳ ኑ ዪንታ̇̇ ቲ̈ን ኤቃ̇ሪ ኑ ኑ̈ና ማ̈ዳ̇ንዳቦ ሶ̈ሊዛ ዪንታ̇ክ ማይጺ̈ራ? ኑ̈ኒ ክርስቶ̈ሳባር ማ̈ቃ̇̈ሪ ጾ̈ሳ̇ ቲ̈ን ሶ̈ሊ̈ሬ፤ ኑ ላጋ̇ን! ኑ ዓ ዎይ ዎቲዛ̈ዲ ዪንታ̇ ሚ̈ንንዳቦ ጋ̈ሪዬ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 5:12

ቴ ዪና̇ ጌይኖንዳ ኑ ኑ̈ና ዪንታ̇ ቲ̈ን ኣንጃ̇ንዳብ ጊዳይካ̇ይዶን፤ ዪንቲ̇ ኑባር ኬርፋምፔ̈ኒ ጎይ ዪንታ̇̇ብ ፊርቂ̈ሬ፤ ዪ̈ዳሬ ቡ̈ዳ ጋርቶ̇ ባዝባር ጊዳካ̇ይዶን ዛ̈ና ቤንቲ̇ዝ ባዝባር ኬርፊዛንቦ ዪንቲ̇ ሶ̈ሊ ማሃንዳብ ዳንዳኣምፔ̈ኒዬ።