2 ቆሮ 2:3 - ኦራ ጫ̈ቃ ማጻ̈ፋ

³ ቴ ዪኒ̇ፌ̈ን ዪንታ̇̇ብ ጻ̈ፊኖንዳ ቴ ዪንታ̇̇ክ ዬ̈ዚምባራ ታ̈ና ኡፋይሳንዳብ ኮሺ̇ዝ ኣሳን ታ̈ና ሺን̇ ዎታካ̇ዮ̈ዲፌ̈ኔ፤ ቴ ኡፋይሲ̇ንዳ ዎይን ኡፋይስ ማ̈ቂ̇ኖን ታ ኣማ̇ና̈ሬ።

2 ቆሮ 2:3 ပူးပေါင်းရင်းမြစ်များ

1 ቆሮ 4:21

ቴ ዪንታ̇̇ክ ጉፋ ኤካ̇ራ ቡካንዳብ ዬ̈ኔቤ ዎይ ካንባርኬ ኣሽካ ቡ̈ዳባር ዬ̈ኖ? ዪንቲ̇ ዎኖ̇ ኮዪ̈ራ?

2 ቆሮ 1:15

ዪኖ̇ ታ̈ኒ ኮሺንቻ ኤሪኖኮታ̇ቦ ዪንቲ̇ ናምኢ ቶህ ጻቃ̇ሚንታ̇ምፔ̈ኒ ጋ̈ራ ቴ ቲኒ̇ታር ዪንታ̇̇ክ ሉካ̇ንዳ ጌያ ቆፒ̇ንዶን፤

2 ቆሮ 1:23

ታ̈ኒ ቆሮንቶ̈ስ ካታሚን ጋርታ ማ̈ቃ̇ር ዬ̈ካ̇ዮንዳ ቴ ዪንታ̇ ጎይላር ሺን̇ ዎታካ̇ዮ̈ዲፌ̈ኒ ዪንታ̇̇ብ ሚጪንታራ ኣቲ̇ኔ። ዪና̇ ታ ጋ̈ዚን ማቃኮ ጾ̈ሲ̇ ታ ጋልዳ ፊርዶጋ̈ቤ።

2 ቆሮ 12:11

ታ̈ኒ ኬርፊኖንዳ ዳሻ ኣስፌ̈ን ማ̈ቂ̇ኔ። ዓኒፌ̈ን ሶ̈ላምፔ̈ኒ ታ̈ና ዎቲኖን ዪንታ̇̇፤ ታ ባዝ ማርኪታንዳብ ኮሺ̇ዛን ዪንታ̇̇ዶን፤ ታ̈ኒ ዉርሲ ኣ̈ናኮ ኤሪንታ̇ካ̇ዮ ኣስ ማ̈ቂናካሬ ጴች ሃዋራ ጌይዛንፖ̇ ኣባካር ጉ̈ጻ̇ባሴ።

2 ቆሮ 12:21

ማ̈ቃ̇ር ቴ ዪንታ̇̇ክ ዬ̈ዚምባ̇ራ ቴ ጾ̈ሳ̇ዲ ዪንታ̇ ቲ̈ን ታ̈ና ዬ̈ሊ̇ንዳዶ̈ኔ ጌያ ኢጫ̇̈ሬ፤ ዓኒፖ̇ ቲ̈ን ናጋራ ኦ̈ሪ ዪና̇ ፌ ኦ̈ኖ ቄ ባዚምቦ፣ ኦሎ̇ሊንቤኬ ዲርጊሲምቦ ማ̈ሪቲ ጌላካ̇ዮ ዎይሊን ኣሳን ጊሽ̇ ታ̈ና ኣዛንዝዳ ጌያ ኢ̈ጫ̇̈ሬ።

2 ቆሮ 13:10

ዓና ኪ̈ቲ̇ን ጎት ዎዶራ ቴ ዪንታ̇ብ ጻ̈ፊኖንዳ ቴ ዪንታ̇̇ክ ዬ̈ራ ጎዳ ታ̈ብ ኢሚ̇ኖ ሲልጣ̈ኒን ቴ ዪንታ̇ ጋልዳ ቤይሳካዮ̈ዲፌ̈ን ጋ̈ር ጻ̈ፊኔ። ጎዳ ሲልጣ̈ና ታ̈ብ ኢሚ̇ኖዲ ዪንታ̇ ሺ ሚ̈ንምፔ̈ንዶኬ ዪንታ̇ ላ̈ላ̇ምፔ̈ን ጊዳካ̇ዬ።

2 ቆሮ 2:9

ቴ ዪንታ̇̇ብ ጻ̈ፊኖንዳ ዪንቲ̇ ዎይ ባዝባራ ኤኤ ጋ̈ር ኪ̈ቲንቲ̇ዝ ኣስ ማ̈ቂ̇ኖን ማላ̇ር ቤቃ̇ንዳቦ።

2 ቆሮ 7:12

ዪ̈ኮታ̇ቦ ቴ ዪንታ̇̇ብ ጻ̈ፊናካሬ ቴ ጻ̈ፊኖንዳ ዪንቲ̇ ኑ̈ና ዎዛርፌ̈ን ካ̈ርኮ ጾ̈ሳ̇ ቲ̈ን ዪንታ̇̇ብ ቤንታምፔ̈ን ጋ̈ርዶኬ ቴ ኢ̈ት ኦ̈ኔ ጋ̈ራ ዎይ ኢ ጋልዳ ኢ̈ት ኦ̈ንቲ̇ኖ ና̈ሳ̈ቦ ጋ̈ር ጊዳካ̇ዬ።

2 ቆሮ 7:16

ታ̈ናር ዎይ ጎይባራ ዪንታ̇̇ባር ኣማ̇ኒንታንዳብ ዳንዳኢኖኮታ̇ቦ ሺ ታ̈ና ኡፋይሲ̇ኔ።

2 ቆሮ 7:6

ዎቲናካሬ ኣዛኒኖን ሚ̈ንዝ ጾ̈ሲ ቲ̈ታ ኑ̈ክ ዬይኖ ጎባራ ኑ̈ና ሚ̈ንዴ።

2 ቆሮ 7:8

ዓኒፖ̇ ቲ̈ን ቴ ዪንታ̇ብ ጻ̈ፊኖ ኪቲ̇ን ዪንታ̇ ኣዛ̇ንሲኔካሬ “ቴ ዪኖ̇ ኣባቦ ጻ̈ፋዶ̇ኔ?” ጋ̈ራ ኣዛ̇ናባሴ። ቴ ኣዛ̇ኒናካሬ ታ̈ና ኣዛንኖንዳ ቴ ዪንታ̇̇ብ ጻ̈ፊኖ ኪ̈ቲንዳ ጊላ̇ ጊዛብ ዪንታ̇̇ ኣዛንኖኮታ̇ቦ።

2 ቆሮ 8:22

ዎይ ጋላስ ዎይ ጎይባራ ማሊ̇ ቤቃ̇ምባራ ኦ̈ሳብ ሚ̈ን ማ̈ቂ̇ኖ ኑ ኢሻ ዓ̈ዳ ኑ ኢያ ቲ̈ታ̇ባሮንባር ሚሺኖን ዪኒኮታ̇ቦ፤ ኢ ዪንታ̇ባር ዎይሊን ኣማ̇ኒንቲ̇ዛኮታ̇ቦ ዓኒ ኦ̈ሲ̇ምባራ ማ̈ዳንዳቦ ኢ̈ብ ዎ ሚ̈ንቲንዳ ቲ̈ኖንፖ̇ ሺ̈ሬ።

ጋላ̈ታ 5:10

ዎቲናካሬ ዪኒ̇ፖ ሜላ ቆ̈ፊ ዉርሲ ዪንታ̇ብ ባዮ̇ን ቴ ኪን ጎዳ̈ባር ኣማ̇ኒንታ̇̈ሬ። ዪንታ̇ ዋ̈ዪዝ ኣሲ ዎኮ ኢ ኦ̈ናካር ማ̈ቂ̇ን ጾ̈ሳ̇̇ ጋልዳፖ̇ ፌ ፊርዲን ፌ̈ብ ኤኪ̇̈ሬ።

2 ታሳ 3:4

ኑ ዪንታ̇ ኪ̈ታ̇ዚንዶ ዓታ̇ር ማ̈ቂ̇ን ዎሃር ማ̈ቂ̇ን ዪንቲ ፎታዚን ኑ̈ኒ ጎዳ̈ባር ኣማ̇ኒንቲ̈ሬ።

ፊልሞ̈ና 1:21

ዓኖ̇ ቴ ኔ̈ብ ጻ̈ፊኖንዳ ኔ ታ̈ቦ ኪ̈ቲንታ̈ሬ ጌያ ኣማ̇ኒ̇ኖኮታ̇ቦ፤ ማ ቴ ኔ̈ና ኪ̈ቲኖምፖ ሺ ኔ̈ኒ ኦ̈ዚን ቴ ኤራ̈ሬ።