2 ቆሮ 13:9 - ኦራ ጫ̈ቃ ማጻ̈ፋ

⁹ ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።

2 ቆሮ 13:9 ပူးပေါင်းရင်းမြစ်များ

ሮሜ 15:2

ኑ ዎይን ሜላን ፌ ኣማ̇ኒንባር ሚ̈ጛንፔ̈ን፤ ኢንታ̇ ማ̈ዲ̇ዝ ባዝኬ ኢንታ̇ ኡፋይሲ̇ዝ ባዝ ኦ̈ስቶ።

1 ቆሮ 1:10

ቴ ኢሺንታ̇ን! “ፋጊቲ ዪንታ̇ ጊዳ̇ ዶኣፖ̇፤ ዪንቲ̇ ዎይን ዎልኣ ፔቲ̇ ቡ̈ዳባርኬ ፔቲ̇ ቆፊባር ሚጛር ዶኢብቴ” ጋ̈ራ ኑ ጎዳ̇ ዬሱ̈ስ ክርስቶ̈ሳ ሱምምባር ቴ ዪንታ̇ ጌሻ̈ሬ።

1 ቆሮ 2:3

ዪ̈ኮታ̇ቦ ቴ ዪንታ̇ባር ዎምባራ ዳ̈ቡርስባርኬ ኢ̈ችባር ዎይሊን ጋንዳሙታ̇ ጋምኢ̇ኔ።

1 ቆሮ 4:10

ኑ̈ኒ ክርስቶ̈ሳ ጊሻ̇ቦ ጋ̈ሪ ዳሻ ማ̈ቂ̇ኔ፤ ዪንቲ ክርስቶ̈ሳባራ ኤራን ማ̈ቂ̇ኔ! ማ ኑ̈ኒ ዳቡሪኖን ማ̈ቂ̇ን ዪንቲ̇ ሚ̈ንን ማ̈ቂ̇ኔ፤ ዪንቲ ቦንቺ̇ንቲ̇ኖን ማ̈ቂ̇ኔ፤ ኑ̈ኒ ሌቂንቲ̇ኖን ማ̈ቂ̇ኔ።

2 ቆሮ 11:30

ኬርፋንዳብ ኮሺ̇ዝ ባዝ ማ̈ቄ̇ጌዪን ታ̈ኒ ቴ ዳቡርሲን ቤይሲዝ ባዛንባራ ኬርፋ̈ሬ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 13:4

ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።

2 ቆሮ 4:12

ዪዚ ኑ̈ኒ ዓይቃቦ ኣ̈ ኢሚ̇ንቲን ዪንቲ̇ ሼምፓባር ዶኢ̈ሬ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

ቆላ̈ሳ̈ሳ 1:28

ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ።

ቆላ̈ሳ̈ሳ 4:12

ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።

1 ታሳ 3:10

ጋላስ ቃም ሚጛ̈ር ዎሳ̇̈ዚንዳ ኑ ዪንታ̇ ኣ̈ፍባር ቤቃ̇ንዳብኬ ዪንታ ኣማ̇ኒን ጋልዳ ጉ̈ጺ̇ኖ ባዝ ዎኮ ኢዞ ኩምንዳቦ።

2 ጢማ̈ 3:17

ዪና̇ሬ ጾ̈ሳ̇ ኣማ̇ኒኖ ኣሲ ኮሻ ኦ̈ሳ ዎይቦ ታማ̈ራር ጊ̈ጊንቲ̇ኖ ማ̈ቃ̇ምፔ̈ኒዬ።

ኢብ 12:23

ኢንታ ሱ̈ምን ኣፋ ጻ̈ፊንቲኖን ዎል ፔቲ̇ ቤስ̇ ሺ̈ቂኖ ኡስ̇ ናኣን ሺ̈ቂንኮ፥ ማ ዎይ ፊርዲዛ ጾ̈ሳ̇̈ኬኬ ኢንታ ጋልዳ ማዛ ባዮ̇ ኣፋ ዎ ጌ̈ሽ ኣሳንኮ ኡኪ̇ኔ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

ኢብ 6:1

ዪዚ ክርስቶ̈ሳ ጎይ ኢሚንቲ̇ኖ ሚኖ ቲሚርቲ̇ንፖ ኣ̈ሪ ኣማ̇ናባር ጋምኢኖ ኣሲ ታማ̈ራንዳብ ኮሻ̇ዝ ቲሚርቲ̇ንኮ ቲ̈ን ሉኪ̇ስቶ፤ ማ̈ዲ̇ባ̈ሶ ኦ̈ሲን ጋርታፖ ማ̈ቃር ማ̈ሪቲ ጌሊዝ ጎይኬ ጾ̈ሳ̇̈ ኣማ̇ኒዝ ጎይ፤

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።