8 ኑ̈ኒ ኪን ባዛብ ኦ̈ርዶኬ ኪንን ኢጺ̇ዝ ባዝ ኣባካር ኦ̈ባሴ።
ዬሱ̈ሲ ኢ̈ኮ “ኦ̈ናካር ማ̈ቂን ቴ ሱ̈ምባራ ታሚራ̈ታ ኦ̈ ማ̈ቃ̇ሪ ኤሊ̇ባር ታ ጋልዳ ኢ̈ታ ባዝ ሶ̈ላንዳ̇ብ ዳንዳኢባ̈ሴ፤ ዪ̈ኮታ̇ቦ ዪንቲ ኢያ ካያፒ̇ቴ።
ጎዳ ኑ̈ብ ኢሚ̇ኖ ሲልጣ̈ኒምቦ ዎይሊን ኬርፌጌይናሬ ታ̈ና ዬ̈ሊ̇ባሴ፤ ዪና̇ ሲልጣ̈ኒንዳ ኑ̈ብ ኢሚ̇ንቲ̇ኖንዳ ዪንታ̇ ሚ̈ንንዳብዶኬ ዪንታ̇ ላ̈ላ̇ንዳብ ጊዳካ̇ዬ።
ዓና ኪ̈ቲ̇ን ጎት ዎዶራ ቴ ዪንታ̇ብ ጻ̈ፊኖንዳ ቴ ዪንታ̇̇ክ ዬ̈ራ ጎዳ ታ̈ብ ኢሚ̇ኖ ሲልጣ̈ኒን ቴ ዪንታ̇ ጋልዳ ቤይሳካዮ̈ዲፌ̈ን ጋ̈ር ጻ̈ፊኔ። ጎዳ ሲልጣ̈ና ታ̈ብ ኢሚ̇ኖዲ ዪንታ̇ ሺ ሚ̈ንምፔ̈ንዶኬ ዪንታ̇ ላ̈ላ̇ምፔ̈ን ጊዳካ̇ዬ።
ኢ̈ታ̇ ባዝ ዪንቲ̇ ኦ̈ካዮ̈ዲፌ̈ኒ ኑ̈ኒ ዪንታ̇̇ብ ጾ̈ሳ̇ ዎሲ̇̈ሬ፤ ኑ ዎ̈ሳ̇ዚንዳ ኑ̈ኒ ሚጚኖ ኣስ ማ̈ቃ̇ር ቤንታካ̇ይ ኣቴ̇ጌይናር ዪንቲ̇ ዎይ ጋላስ ኮሽ̇ ማ̈ቂ̇ኖ ባዝ ኦ̈ምፔ̈ንዶኬ ኑ ሚ̈ጚኖ ኣስ ማ̈ቂ̇ኖን ዪንታ̇ ቤይሳንዳብ ጊዳካ̇ዬ።
ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።
ኣሳን ዪን ጊዳ ሄማ̈ኖ̈ሲኬ ኢስኪንዲሮ̈ሳክ ዎ፤ ኢንቲ ጾ̈ሳ̇ ቆ̈ዚን ኣሻ̇ምፔ̈ኒ ቴ ኢንታ ሴ̈ጣናቦ ኣ̈ ኢሚ̇ኔ።
