2 ቆሮ 13:5 - ኦራ ጫ̈ቃ ማጻ̈ፋ

⁵ ዪንቲ̇ ኣማ̇ናባር ሚ̈ጛር ዎን ኤራንዳ̇ቦ ዪንታ̇ ማሊ̇ ቤቂ̇ብቴ፤ ፋ̈ጪ ቤቂ̇ብቴ፤ ዬሱ̈ስ ክርስቶ̈ሲ ዪንታ̇ ጋርታ̇ ዎን ዪንቲ̇ ኤራካያ? ዪፖ̇ ኣቴ̇ጌዪን ዪንቲ̇ ፋታናባር ኬዲ̇ኔ ጌይዛ̈ዳ።

2 ቆሮ 13:5 ပူးပေါင်းရင်းမြစ်များ

ዋ̈ኒ̇ሳ 14:23

ዬሱ̈ሳር ኢ̈ኮ “ታ̈ና ካዝ ኣሲ ቴ ቃ̈ሊምቦ̇ ኪ̈ቲንቲ̇ሬ፤ ቴ ባ̈ባ̈ዳር ኢያ ካሬ፤ ኑ ኢ̈ክ ዬ̈ሪ ኢባር ዎልኣ ዶኢ̈ሬ።

ዋ̈ኒ̇ሳ 15:4

ዪንቲ̇ ታባር ፔታ̇ን ማ̈ቃ̇ር ዶኢብቴ̇፤ ታ̈ናር ዪንታ̇ባር ፔታ̇ን ማ̈ቃ̇ር ዶኣንዳ̇። ዎይና ሻቆ ፌ ኡቢ̇ን ጋልዳ̇ ዶኣካ̇ይ ኣቴ̇ጌይን ፌቆማ̇ብ ኣ̈ፍ ካጻ̇ንዳብ ዳንዳኣባሶንዲፌ̈ኒ ዪንታ̇ር ታባር ዶኣካ̇ይ ኣቴጌይን ኣ̈ፍ ካጻ̇ንዳብ ዳንዳኢባ̈ሴ።

ዋ̈ኒ̇ሳ 17:23

ቴ ጌሻዚንዳ̇ ታ̈ኒ ኢንታ̇ባራ፥ ኔ̈ናሬ ታባራ ማ̈ቂ̇ኖንዲፌ̈ኒ ኢንታ̇ሬ ፎቲ ፔታ̇ን ማ̈ቃ̇ምፔ̈ኒዬ። ዪኒ̇ባራ ኔ ታ̈ና ኪ̈ታ̇ ሚሺኖንዲፌ̈ንኬ ታ̈ና ካኖንዲፌ̈ን ማ ኔ ኢንታ̇ር ካኖን ኣላሚን ጋልዶ̇ ኣሳን ኤራምፔ̈ኒዬ።

ዋ̈ኒ̇ሳ 17:26

ኔ ታ̈ና ካኖ ካንን ኢንታ ጊዳ̇ ዶኣምፔ̈ንኬ ታ̈ናር ኢንታ̇ባር ፔታ̇ን ማ̈ቃ̇ሜ̈ኒ፥ ቴ ኔ̈ና ኢንታ̇ብ ኤሪሳዴ፥ ዓታ̇ር ኢንቲ̇ ኔ̈ና ኤራምፔ̈ን ዎታሙታ̇ ዶኣንዳ̇” ጌዪ ዎ̈ሲ̇ዴ።

ዋ̈ኒ̇ሳ 6:56

ቴ ኣይሺ̇ን ሙይዛ̈ዲኬ ቴ ሱ̈ን ኡሽኪ̇ዝ ኣሲ ዎይ ታባር ፔታ̇ን ማ̈ቃ̇ር ዶኢ̈ሬ፥ ታ̈ናር ኢባር ዶኣ̈ሬ።

ዋ̈ኒ̇ሳ 6:6

ኢ ዪኖ̇ ጌይኖንዳ̇ ፊልጶ̈ሲ ዎዛር ጋ̈ናኮ ሲስካ̇ንዳብዶኬ ፌ ኦ̈ዝ ባዚን ኢ ፌ̈ብ ቲ̈ን ኤሪ̈ሬ።

ሮሜ 1:28

ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ።

ሮሜ 8:10

ክርስቶ̈ሲ ዪንታ̇ ጋርታ̇ ዎኮ ዪንታ̇ ኣሲቲንዳ ናጋራ ጊሽ̇ ዓይቂ̇ዝ ባዝ ማ̈ቂ̇ናካሬ፥ ጾ̈ሲ ዪንታ̇ ጺላ̇ ማሂኖኮታ̇ቦ ዪንታ̇ ኣያ̇ና̈ዲ ፋ ዎ።

1 ቆሮ 11:28

ኣሲ ኦ̈ናካሪ ማ̈ቂ̇ን ዪኖ̇ ሶ̈ሊ̇ን ሞ̈ናፖ̇ ቲ̈ንኬ ዪኖ̇ ኡሺ̇ን ኡሽካ̇ናፖ̇ ቲ̈ን ፌ̈ና ማራማ̇ሪ ቤቆ̇ጋ̈ቤ።

1 ቆሮ 11:31

ዎን ኑ ኑ̈ና ማራ̇ማ̇ሪ ቤቂ̇̈ርኮ ኑ ጋልዳ ፍርዲንቲ̇ባ̈ስዶን።

1 ቆሮ 3:16

ዪንቲ̇ ጾ̈ሳ̇̇ ኬ̈ ማ̈ቂ̇ኖንዲኬ ጾ̈ሳ̇ ኣያ̇ና ዪንታ̇ ጋርታ ዶኣዚን ዪንቲ̇ ኤሪባ̈ሳ?

1 ቆሮ 6:15

ዪንታ̇ ኣሲቲንዳ ክርስቶ̈ሳ ኣሲቲንባር ዎል ፔታ̇ን ማ̈ቂ̇ኖን ዪንቲ̇ ኤሪባ̈ሳ? ዪዚ ዪዶኮ ታ̈ኒ ክርስቶ̈ሳ ኣሲቲን ኤካ̇ራ ኦሎላ ጋዲ̇ዝ ኣሲን ኣሲቲንባራ ዎል ፔታ̇ን ማ̈ሳንዳብ ኮሺ̇̈ራ? ዉርሲ ኮሺ̇̈ባሴ!

1 ቆሮ 6:19

ዪንታ̇ ጋሊ̇ንዳ ጾ̈ሲ ዪንታ̇̇ብ ኢሚ̇ኖ ዪንታ̇ ጋርታ̇ ዶኢዛ ጌ̈ሻ̇ ኣያ̇ና ኢዝ ጋርታ̇ ዶኢዝ ኬ̈ ማ̈ቂ̇ኖን ዪንቲ̇ ኤሪባ̈ሳ? ዪዚ ዪንቲ ጾ̈ሳ̇̇̈ይዶኬ ዪንቲ ዪንቴ̇ይ ጊዳካ̇ዬ።

1 ቆሮ 6:2

ኣማ̇ኒኖ ኣሳን ኣማ̇ናካ̇ዮ ኣሳን ጋልዳ ፊርዳዚን ዪንቲ̇ ኤሪባ̈ሳ? ዪዚ ዪንቲ̇ ኣማ̇ናካ̇ዮ ኣሳን ጋልዳ ፊርዲ̈ርኮ ዪኒ̇ፌኖ ጊላ̇ ባዚን ጋልዳ ፊርዳ̇ንዳብ ዎዛርታ̇ር ዪንታ̇ ጋማ̈ራ?

1 ቆሮ 9:24

ዎ ጋርታ̇ ዎይን ዎጺ̇̈ርዶኒ ኢንታ̇ ጋርታፖ̇ ፔታ̇ኒ ሙታ̇ ሺሊ̇ማ̈ታ ኤካ̇ዚን ዪንቲ̇ ኤሪ̈ርባያ? ዪ̈ኮታ̇ቦ ዪንታ̇̇ሬ ሺሊ̇ማታ̇ ኤካ̇ንዳብ ዎጺ̇ብቴ̇።

1 ቆሮ 9:27

ታ̈ኒ ሜላን ሳባ̇ካ ዎንቦ ጼይጋራ ቴ ቆሚ̇ን ዎን ጋርታ̇ፖ̇ ኬስካካ̇ዮ̈ዲፌ̈ን ቴ ታ̈ና ና̈ጋራ ታ ጋሊ̇ን ታ̈ብ ኪ̈ቲንታምፔ̈ን ዎታ̈ሬ።

2 ቆሮ 6:16

ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈።

ጋላ̈ታ 2:20

ቴ ታ̈ና ክርስቶ̈ሳባር ሶቲንቲ̇ኖ̈ዲፌ̈ን ማሃ ፋይዳ̈ሬ። ዓኒፖ̇ ጌዳ ክርስቶ̈ሲ ታባር ዶኢ̈ርዶኬ ዓት ሼምፓ̇ባራ ዎ̈ዲ ታ̈ና ጊዳካ̇ዬ። ታ ዓት ሼምፓ̇ባር ሳ̈ዝ ጋልዳ̇ ዶኣዝ ዶኢንዳ ታ̈ና ካሪ ቴኮታ̇ቦ ፌ̈ና ኣ̈ር ኢሚ̇ኖ ጾ̈ሳ̇ ና̈ኣ ኣማ̇ናር ዲጚኖ ሼምፓባር ዎ ዶኢ።

ጋላ̈ታ 4:19

ታ ካን ናኣን! ዪንቲ ክርስቶ̈ሳ ማይጺዝ ዲራስ ታ̈ኒ ዪንታ̇ኮታ̇ቦ ማጫ̇ብ ዬላ ኬ̈ሊ ዬሊ̇ን ጋርስ ቂን ጫና̇ቂንታ̇ዛንዲፌ̈ኒ ታ̈ናር ጫና̇ቂንታ̇̈ሬ።

ጋላ̈ታ 6:4

ኣሲ ዎይ ፌ ፌ̈ብ ፌ ኦ̈ሲ̇ን ፋ̈ጪ̇ ቤቃ̇ጋቤ፤ ዪኒ̇ፖ̇ ዓኒ ፌ ቆሚ̇ን ሜላ ኣሳንባር ካሚሳር ጊዳካ̇ይዶሪ ፌ ኦ̈ሲን ጋርታ̇ፖ̇ ፌ̈ና ኬርፊሲዝ ባዝ ዲጚ̈ሬ።

ኤፍ 3:17

ማ ኣማ̇ናባር ክርሲቶ̈ሲ ዪንታ̇ ቡ̈ዲን ጋርታ ዶኣምፔ̈ንኬ ዪንቲ̇ ጻ̈ጳ ሚሻር ካንባራ ሚጛምፔ̈ን ታ̈ኒ ጾ̈ሳ̇ ዎሳ̇̈ሬ።

ቆላ̈ሳ̈ሳ 1:23

ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

ቆላ̈ሳ̈ሳ 2:19

ዪ ና̈ሳ̈ዲ ቆም̇ ማ̈ቂ̇ኖ ክሪቶ̈ሳባር ኣባካር ፔቲቲ ኢ̈ብ ባዬ̇። ጋሊ̇ ዎይ ሻሽ̇ባራ ዎል ዬልሪ ጾ̈ሲ ኢሚ̇ኖ ዲቺ̇ንዲፌ̈ኒ ዲቺ̇ዛ̈ዲ ቆማ̈̇ዳ።

ቆላ̈ሳ̈ሳ 2:7

ዪንቲ̇ ኢ ጋልዳ ጻጳ ሚሻርኬ ሚ̈ጛር ኤቂ̇ብቴ፤ ዪንቲ ታማ̈ሪኖ ቲሚርቲ̇ንዲፌ̈ኒ ጌዳክ ዓኒክ ጋ̈ካ̇ይ ዪንታ̇ ኣማ̇ኒንባር ሚ̈ጛር ዶኢብቴ̇፤ ዎይ ባዝባራ ጋላታ ኩሚኖ ኣስ ማ̈ቂ̇̈ብቴ።

1 ጢማ̈ 2:15

ማ̈ቂ̇ናካሬ ማጮ̇ ኣማ̇ናባራ፣ ካንባርኬ፣ ጌ̈ሺ̇ቲባራር ሚ̈ጛርኬ ፌ̈ና ኢ̈ት ባዝ ጋልዳፖ ና̈ጋር ዶኤጌይን ናእ ዬላባር ፋጻ̈ሬ።

2 ጢማ̈ 3:8

ኢያ̈ኔሳኬ ኢያንቤሬ̈ሳኬ ሙ̈ሳኮን ኢጺ̇ኖንዲፌ̈ኒ ዪን ኣሳ̈ንር ኢንታ ቆፊን ኢ̈ቲኖኮታ̇ብኬ ኣማ̇ና ጎይን ጋልዳፖ ኬዲ̇ኖ ኣስ ማ̈ቂ̇ኖኮታ̇ቦ ኢንቲ ኪንን ኢጺ̇̈ሬ።

ቲ̈ታ̇ 1:13

ዪ̈ ና̈ሳ̈ዲ ኢንታ ባዝ ማርኪቲኖንዳ ኪን፤ ዪ̈ኮታ̇ቦ ኢንታ ኣማ̇ኒንዳ ኪን ጎይም ጋልዳ ኤቃ̇ምፔ̈ንኬ፤ ኣይሁዳን ሶ̈ላ ፋባ̈ሶ ጋልዳፖ̇ ኢንቲ̇ ጎታ̇ምፔ̈ኒ ማ ኪንን ኢጺ̇ዝ ኣሳን ኪ̈ታ̇ዝ ኪ̈ቲን ሲስካካ̇ዮ̈ድፌ̈ኒ ኢንታ̇ ሚ̈ንር ጎይላቤ።

ቲ̈ታ̇ 1:16

“ኑ̈ኒ ጾ̈ሳ̇ ኤሪ̈ሬ” ጋ̈ሪ ኢንቲ̇ ሶ̈ሊ̈ርዶኬ ፌ ኦ̈ሲንባር ኢያ ኢጺ̇̈ሬ፤ ኢንቲ̇ ፌ ኦ̈ሲንባራ ጾ̈ሲ ኢንታ̇ ሺሪንቲ̇ኖን፥ ማ ኪ̈ቲንቲባ̈ሶንኬ ኮሻ̇ ኦ̈ሳ ኦ̈ንዳብ ዳንዳኢባ̈ሶ ኣሴ።

ቲ̈ታ̇ 2:2

ዶምዚኖ ኣቲናን፥ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዛን፣ ኣማ̇ናባራ፣ ዳንዳኣባርኬ ካ̈ንባራ ዶኢዝ ኣስ ማ̈ቃ̇ምፔ̈ኒ ኢንታ ዞራቤ።

ኢብ 12:15

ዪንታ̇ ጋርታፖ ኦናካር ጾ̈ሳ̇̈ ኮሺቲ ኢ ጋልዳፖ ጉ̈ጻካ̇ዮ̈ዲፌ̈ን ና̈ጊንቲ̇ብቴ፤ ማ ዪንታ̇ ጋርታ̇ፖ ኦ̈ናካር ጫ̈ጚዝ ኣ̈ፍ ካጺ̇ዝ ሚፌ̈ን ማ̈ቃ̇ሪ ዪንታ̇ ዋ̈ዪካዮ̈ዲፌ̈ንኬ ማ ዪንታ̇ ጋርታ̇ፖ ዎይሊንን ቄካዮዲፌ̈ን ና̈ጊንቲ̇ብቴ።

ኢብ 4:1

ዪ̈ኮታ̇ቦ ኢ ኑ̈ብ ኢማ̇ንዳ ጌይኖ ሼምፓ̇ዝ ቤሲ̇ን ጋርታ ኑ ጌላዚን ኤሪንቲ̇ኖባዝ ማ̈ቂ̇ኖኮታ̇ቦ ዪንታ ጋርታፖ ኦ̈ናካር ቤስ̇ ኢና ጌላካ̇ይ ኣታካ̇ይፌ̈ን ኑ ኑ̈ና ና̈ጊስቶ።

ኢብ 6:8

ኢዝጋልዳ ኣጚኬ ጊ̈ጫ̇ክ ፉዴጌይን ኢዛ ኣባካር ማ̈ዳ̇ባሶ ማ̈ቃ̇̈ሬ፤ ጾ̈ሲ ኢዞ ባ̈ዲ̇̈ሬ ዉርሲ ታማባር ሚጫ̇̈ሬ።

ዓይ 4:4

ጾ̈ሳ̇̇ብ ኣማ̇ኒንቲባ̈ሶ ኣሳን! ዓኒ̇ ኣላሚን ጋልዳ ዎ̈ ኢ̈ታ ባዛን ዶሲዝ ኣሳን ጾ̈ሳ̇̇ባር ጎይል ማ̈ቂኖን ኤሪባ̈ሳ። ዪ̈ኮታ̇ቦ̈ ኣላሚን ዓኖ̇ ዶሲዝ ኣሲ ጾ̈ሳ̇̇ባር ጎይሌ̈።

1 ጴጥ 5:9

ኣላሚን ጋልዳ ዎይ ዎ ኢሺንታ̇ን ዪኒፌ̈ኖ ሜቲን ኤኪ̇ሙታ ዎን ኤራሪ ዪንታ̇ ኣማ̇ኒንባር ሚ̈ጛር ኢያ ቆዳ̇ር ጎቲ̇ሲብቴ።

ሳጻ 2:5

ኔ̈ኒ ዎዛርፌ̈ኖ ጴች ኢንዳ ጋልዳፖ ጎርጎራ ኬዲ̇ኖኮ ኔ̈ኮን ቆፓ̇ቤ! ማ̈ሪቲ ጌላቤ! ቲ̈ን ኔ ኦ̈ሙታ ዎ ኦ̈ሲን ኦ̈ቤ፤ ኔ̈ኒ ማ̈ሪቲ ጌላካ̇ይ ኣቴጌይን ኔክ ሉካ̇ራ ኔ ማቅራዚን ኢዝ ቤሲ̇ን ጋልዳፖ ቴ ዲንሬ።