2 ቆሮ 13:4 - ኦራ ጫ̈ቃ ማጻ̈ፋ

⁴ ኢ ማስቃ̇ላ ጋልዳ ሶ̈ቲንታ̇ሪ ዓይቂ̇ኖ̈ዲ ኣስፌ̈ኒ ኣይሽ ማኢኖኮታ̇ቦ ዳቡርስባር ማ̈ቂ̇ናካሬ ዓት ጾ̈ሳ̇ ዎልቃ̇ባራ ሼምፓባር ዎ። ኑ̈ናሬ ኣይሽ ማኢኖኮታ̇ቦ ኢባር ዳቡሪዝ ኣሴ፤ ማ̈ቂ̇ናካሬ ዪንታ̇ ማ̈ዳ̇ንዳቦ ኑ̈ኒ ጾ̈ሳ̇̈ ዎልቃባራ ክርስቶ̈ሳባር ዎልኣ ሼምፓባር ዶኢ̈ሬ።

2 ቆሮ 13:4 ပူးပေါင်းရင်းမြစ်များ

ዋ̈ኒ̇ሳ 10:18

ታ̈ኒ ቴ ሼምፒን ዶሳራ ዓይቃብ ኣ̈ ኢማ̇̈ርዶኬ ኦ̈ናካር ፌ ዎልቃባር ታ̈ና ዎንዳ̇ብ ዳንዳኢዝ ኣሲ ባዬ̇። ታ̈ኒ ቴ ሼምፒ̇ን ዓይቃብ ኣ̈ ኢማ̇ንዳባሬ ማ ዓይቃ ጋርታ̇ፖ̇ ማ̈ቃ̇ ዲንዳንዳቦ ሲልጣ̈ና ቴዬ̇። ዓና̇ ኪ̈ቲ̇ን ታ̈ኒ ኤኪ̇ኖንዳ̇ ቴ ባ̈ባ̈ ጋልዳፖ̇” ጌይዴ።

ሃዋ̈ራታን ኦ̈ሳ 2:36

“ዪዚ ዪ ዪንቲ̇ ሶቲ̇ኖ ዬሱ̈ሲ፥ ጾ̈ሲ̇ ኢያ ጎድኬ ክርስቶ̈ሳ ማሂኖን ኢስሬ̈ላ ዎርዣ ዎይ ኤሮጋ̈ቤ” ጌዪ ሶ̈ሊዴ።

ሃዋ̈ራታን ኦ̈ሳ 3:16

ዓ̈ ዪንቲ̇ ቤቂ̇ዛ̈ዲኬ̈ ኤሪዛ̈ ና̈ሳ̈ዲ ፋጺኖ̈ዲ̈ ዬሱ̈ሳ ሱምባ̇ራ̈ ኣማ̇ኒኖ̈ኮታ̇ቦ̈። ዪንቲ̇ ዎይን ቤቃ̇ዚንዲፌ̈ኒ ዪ ና̈ሳ̈ዲ ዉርሲ̇ ፋጻምፔ̈ኒ ዎቲኖ̈ዲ ዬሱ̈ሳ ሱምንዲኬ̈ ዬሱ̈ሳ ጎይባራ̈ ቤንቲ̇ኖ̈ ኣማ̇ኒንዶ̈።

ሮሜ 1:4

ማ ኢ ጾ̈ሳ̇̇ ናኢ ማ̈ቂ̇ኖን ጴች ዎልቃ̇ባራ ኤሪንቲ̇ኖንዳ ኢ ጌ̈ሻ ኣያ̇ናባራ ዓይቃ ጋርታ̇ፖ̇ ዲንዲኖኮታ̇ቦ።

ሮሜ 14:9

ክርስቶ̈ሲ ዓይቃ̇ር ዓይቃ ጋርታ̇ፖ ዲንዲ̇ኖ̈ዲ ሼምፓባራ ዎ̈ንብኬ ዓይቂ̇ኖንቦ ዎይ ጎድ ማ̈ቃ̇ንዳቦ።

ሮሜ 6:4

ኑ̈ኒ ጻማ̇ቂንታ̇ምባ̇ራ ኑ̈ናር ኢባር ዎልኣ ዓይቂ̇ኔ፤ ኢባር ዎልኣ ዱ̈ኪንቲ̇ኔ፤ ዪ̈ኮታ̇ቦ ክርስቶ̈ሲ ጾ̈ሳ̇ ባ̈ባ ዎልቃ ቦንቺ̇ንቲኖምባራ ዓይቃ ጋርታ̇ፖ ዲንዲ̇ኖንዲፌ̈ኒ ኑ̈ናር ኦራ ሼምፓባር ዶኢ̈ሬ።

1 ቆሮ 1:25

ጾ̈ሲ̇ ዳሻባዝ ኦ̈ኖ ማይጻዚንዳ ኣሳ ኤራፖ ሺ̈ሬ፤ ጾ̈ሳ̇̇ ኦ̈ሳ ጋርታ̇ፖ ጊላ̇ ማይጻር ቤንታ̇ዚንዳ ኣሳ ጴች̇ ዎልቃ ጋ̈ዚምፖ̇ ሺ̈ሬ።

1 ቆሮ 15:43

ዱ̈ኪንቲ̈ርዶሪ ኣቲ̇ኖባዝ ማ̈ቃ̇ር ዱ̈ኪንቲ̇ኖ̈ዲ ዲንዲ̈ርዶሪ ቦንችባር ዲንዲ̈ሬ፤ ላ̈ፋባዝ ዱ̈ኪንታ̇ሪ ጴች ዎልቃባሮባዝ ማ̈ቃ̈̇ር ዲንዲ̈ሬ።

1 ቆሮ 2:3

ዪ̈ኮታ̇ቦ ቴ ዪንታ̇ባር ዎምባራ ዳ̈ቡርስባርኬ ኢ̈ችባር ዎይሊን ጋንዳሙታ̇ ጋምኢ̇ኔ።

1 ቆሮ 6:14

ጾ̈ሳ̇ዲ ጎዳ ዬሱ̈ሳ ዓይቃ ጋርታ̇ፖ̇ ዲንኔ፥ ኑ̈ናር ፌ ዎልቂምባራ ዓይቃ ጋርታ̇ፖ̇ ዲንሬ።

2 ቆሮ 10:10

ፔቲ̇ ፔቲ̇ ኣሳን “ጳውሎ̈ሲ ጻ̈ፊኖ ኪታ̇ን ዴ̈ጺ ዋ̈ይሬ፤ ኢ ፌ ቆሚ̇ን ኑባር ዎዶሪ ሊ̈ቄ፤ ኢ ሶ̈ላዳሬ ፋባሴ” ጌይሬ።

2 ቆሮ 12:10

ታ̈ኒ ዎልቃ ዲጛዚንዳ ዳቡርስባራ ማ̈ቂ̇ኖኮታ̇ቦ ክርስቶ̈ሳ ጊሻ̇ቦ ዳቡራምባራ፣ ቆ̈ንታ̇ምባራ፣ ሜቲታ̇ምባራ፣ ዳኪንታ̇ምባርኬ ዋ̈ያምባራ ኡፋይታ̇ዚንዳ ዪኒ̇ኮታ̇ቦ።

2 ቆሮ 13:9

ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።

ፊል 3:10

ማ ሜላ ኣኮታ̇ቦ ጌይን ታ̈ኒ ክርስቶ̈ሳ ኤራንዳቦ፣ ኢ ዓይቃ ጋርታ̇ፖ ዲ̇̈ንዲኖ ዎልቂን ኤራንዳቦ፣ ኢ ኤኪ̇ኖ ሜቲን ኤካ̇ንዳብኬ ኢ ዓይቂ̇ኖ ዓይቂንዲፌ̈ን ታ̈ናር ዓይቃ̇ንዳቦ።

ኢብ 5:7

ዬሱ̈ሲ ኣስ ማ̈ቃ̇ሪ ሳ̈ዝ ጋልዳ ዶኢኖ ኬል̇ባራ ዓይቃ ጋልዳፖ ኢያ ፋንዳብ ዳንዳኢዛ ጾ̈ሳ̇̈ኮ ጴች ውይሳባርኬ ዎይሊን ዬ̈ፊባር ኢያ ዎ̈ሲ̇ዴ፤ ኢ ፌ̈ና ዪርክ ዎቲኖኮታ̇ብኬ ኢ̈ብ ኪ̈ቲንቲ̇ኖኮታ̇ቦ ጾ̈ሳ̇̇̈ዲ ኢ ዎ̈ሲን ሲስኪ̇ዴ።

1 ጴጥ 3:18

ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።

1 ጴጥ 3:22

ኢያሬ ኣፋ ሉካ̇ሪ ጾ̈ሳ̇ ባ̈ባ̈ቦ ኡሻች ጎይ ዎ፤ ኪታ̈ንቻን፥ ሲ̈ልጣናባሮንኬ ዎልቃባሮን ዎይ ኢ̈ቦ ኪ̈ቲንቲ̇ኔ።