2 ቆሮ 10:1 - ኦራ ጫ̈ቃ ማጻ̈ፋ

¹ ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ቆሮ 10:1 ပူးပေါင်းရင်းမြစ်များ

ማ̈ቶ̈ሳ 11:29

ታ̈ኒ ቴ ቡ̈ዳባራ ኣሽካ̇ኬ ኦቲርቃባሶ ማ̈ቂ̇ኖኮታ̇ቦ ቴ ቃምባ̇ሪን ዪንታ̇ ካ̈ሊ̇ን ጋልዳ̇ ቶ̈ኪ̇ብቴ̇፤ ቴ ጋልዳ̇ፖ ታማ̈ሪብቴ̇፤ ዪንቲ̇ ዪንታ̇ ሼምፒምባሬ ሼምፓ ዲጚ̈ሬ።

ማ̈ቶ̈ሳ 21:5

“ጺዮ̈ና ካታሚን ጋርታ̇ ዶኢዝ ኣሳንኮ፥ ‘ቤቂ̇ብቴ̇! ዪንታ̇ ካ̈ታ ኣሽካ ማቃ̇ሪ፥ ዬሪንዲክ ዬሪን ናኢን ጋልዳ ቶጋ̇ር ዪንታ̇ክ ዬይሬ’ ጋ̈ሪ ሶ̈ሊብቴ” ጋ̈ሪ ካ̈ዪኖ ካ̈ዪን ፎቲንታ̇ምፔ̈ኔ።

ሃዋ̈ራታን ኦ̈ሳ 8:32

ና̈ሳ ዳይናዲ ናባ̇ባዝ ማጻ̈ፊን ቤሲ̇ንዳ፥ “ኢ ዶሪፌ̈ኒ ሹኪንታ̇ንዳብ ጎ̈ቺ̇ንቲዴ፤ ኢዝ ኢሲንን ቃጺ̇ዝ ና̈ሳ ቲ̈ን ዚምዶ̈ኣዝ ዶሪ ናኢንዲፌ̈ኒ ኖ̈ና ሶ̈ላካ̇ዬ።

ሮሜ 10:20

ኢሳ̈ሳሬ፥ “ታ̈ና ኮያካ̇ዮ ኣሳንባር ቴ ቤንታ̇ዴ፤ ‘ጾ̈ሲ ዎይዲ ዎ?’ ጋ̈ሪ ታ̈ና ኦይጫካ̇ዮ ኣሳንቦ ቴ ታ̈ና ቤይሳዴ” ጋ̈ሪ ኢ̈ጫካ̇ይ ሶ̈ሊኔ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

ሮሜ 15:15

ፔቲ̇ ፔቲ̇ ባዝ ቴ ዪንታ̇ ኤልቅ ዎታ̇ንዳብ ኮያራ ዓና̇ ኪ̈ቲንዶ ኢ̈ጫካ̇ይዶ̈ር ጾ̈ሲ̇ ታ̈ቦ ኢሚ̇ኖ ኢዲ̇ሊንባራ ቴ ዪንታ̇ቦ ጻ̈ፊኔ።

1 ቆሮ 2:3

ዪ̈ኮታ̇ቦ ቴ ዪንታ̇ባር ዎምባራ ዳ̈ቡርስባርኬ ኢ̈ችባር ዎይሊን ጋንዳሙታ̇ ጋምኢ̇ኔ።

1 ቆሮ 4:10

ኑ̈ኒ ክርስቶ̈ሳ ጊሻ̇ቦ ጋ̈ሪ ዳሻ ማ̈ቂ̇ኔ፤ ዪንቲ ክርስቶ̈ሳባራ ኤራን ማ̈ቂ̇ኔ! ማ ኑ̈ኒ ዳቡሪኖን ማ̈ቂ̇ን ዪንቲ̇ ሚ̈ንን ማ̈ቂ̇ኔ፤ ዪንቲ ቦንቺ̇ንቲ̇ኖን ማ̈ቂ̇ኔ፤ ኑ̈ኒ ሌቂንቲ̇ኖን ማ̈ቂ̇ኔ።

1 ቆሮ 4:21

ቴ ዪንታ̇̇ክ ጉፋ ኤካ̇ራ ቡካንዳብ ዬ̈ኔቤ ዎይ ካንባርኬ ኣሽካ ቡ̈ዳባር ዬ̈ኖ? ዪንቲ̇ ዎኖ̇ ኮዪ̈ራ?

2 ቆሮ 10:10

ፔቲ̇ ፔቲ̇ ኣሳን “ጳውሎ̈ሲ ጻ̈ፊኖ ኪታ̇ን ዴ̈ጺ ዋ̈ይሬ፤ ኢ ፌ ቆሚ̇ን ኑባር ዎዶሪ ሊ̈ቄ፤ ኢ ሶ̈ላዳሬ ፋባሴ” ጌይሬ።

2 ቆሮ 10:2

ቴ ዪንታ̇̇ክ ዬ̈ራ ኑ̈ና “ዓኒ̇ ኣላሚን ጋልዶ ኣሳንፌ̈ን ዶኢሬ” ጌዪ ፋይዲዝ ኣሳን ቲ̈ን ኢ̈ችባይ ሶ̈ላንዳብ ኮያ̈ሬ፤ ዎቲናካር ቴ ዪንታ̇ ዪና̇ ኢዝፌ̈ን ኢ̈ችባይ ሶ̈ላምፔን ዎታካ̇ይፌ̈ኒ ቴ ዪንታ̇ ጌሻ̈ሬ።

2 ቆሮ 10:7

ዪንቲ̇ ቤቃ̇ዚንዳ ዛ̈ና ኣሳብ ቤንታ̇ዝ ባዚን ሙታ̇፤ ኣሲ ኦ̈ናካር ቴ ክርስቶ̈ሴዬ ጋ̈ሪ ኣማ̇ኒንቴጌዪን ኑ̈ናር ማ̈ቂ̇ን ኢ̈ኮንዲፌ̈ኒ ክርስቶ̈ሴይ ማ̈ቂ̇ኖን ኤራጋ̈ቤ።

2 ቆሮ 11:21

ታ̈ና ዬ̈ሊ̇ዝ ባዝ ማ̈ቄ̇ጌይናሬ ቴ ዪንታ̇̇ብ ሶ̈ላዚንዳ፥ ዪን ባዛን ኦ̈ንዳቦ ኑ̈ኒ ዳንዳኢዝ ኣስ ጊዳካ̇ዬ። ኦ̈ናካሬ ኬርፋንዳቦ ኮዬ̈ጌይን ታ̈ናር ኢፌ̈ን ዬ̈ልቃካ̇ይ ኬርፋንዳ፤ ዪና ታ ጋዚንዳ ዓታ̇ር ቦዛፌ̈ን ማ̈ቃ̇ር ሶ̈ላ̈ሬ።

2 ቆሮ 11:30

ኬርፋንዳብ ኮሺ̇ዝ ባዝ ማ̈ቄ̇ጌዪን ታ̈ኒ ቴ ዳቡርሲን ቤይሲዝ ባዛንባራ ኬርፋ̈ሬ።

2 ቆሮ 12:5

ዪ̈ፌ̈ኖ ና̈ሳባር ቴ ኬርፋ̈ሬ። ታ̈ኒ ቴ ዳ̈ቡርሲምባር ሙታ̇ ኬርፋ̈ርዶኬ ሜላ ታ̈ና ኬርፊሲዝ ባዚ ኣባካር ባዬ̇።

2 ቆሮ 3:12

ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ።

2 ቆሮ 5:20

ኑ̈ኒ ክርስቶ̈ሳ ቤስ̇ ማ̈ቃ̇ሪ ኢ ባዝ ሶ̈ላንዳብ ኪ̈ቲንቲ̇ኖ ኣሴ፤ ጾ̈ሲ ኑባር ማ̈ቃ̇ሪ ዪንታ̇ ጼይጊ̈ሬ፤ ኑ̈ናሬ “ዪንቲ̇ ጾ̈ሳ̇̇̈ባር ኢጊንቲ̇ብቴ!” ጋ̈ሪ ክርስቶ̈ሳ ሱምባር ዪንታ̇ ጌሺ̈ሬ።

2 ቆሮ 6:1

ኑ̈ኒ ጾ̈ሳ̇̈̇ባር ዎልኣ ኦ̈ዝ ኣስ ማ̈ቂ̇ኖንዲፌ̈ኒ ዪንቲ̇ ኤኪ̇ኖ ጾ̈ሳ̇̇ ኮሺ̇ቲን ሜላ̇ ዓሪ ኣሻፒ̇ቴ ጋ̈ሪ ኑ ዪንታ̇ ጌሺ̈ሬ።

2 ቆሮ 7:4

ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።

ጋላ̈ታ 4:13

ዪንቲ̇ ኤራዚንዲፌ̈ኒ ታ̈ኒ ዓኒ̇̈ፖ ቲ̈ን ዪንታ̇ብ ዎጛላ ሳባ̇ኪኖንዳ ታ̈ና ማሲኖን ጎይባራ።

ጋላ̈ታ 5:2

ሲስኪ̇ብቴ̇! ቴ ጳውሎ̈ሲ ዪንታ̇ብ ሶ̈ላዚንዳ፥ ዪንቲ̇ ኑ “ጋራ̇ዚንታ̇ንዳብ ኮሺ̇̈ሬ” ጋ̈ር ጋራ̇ዚንቴጌይን ክርስቶ̈ስ ዪንታ̇ብ ኦ̈ኖ ኦ̈ሳ̈ዲ ዪንታ̇ ኣባካር ማ̈ዲ̇ባ̈ሴ።

ኤፍ 3:1

ዪ̈ኮታ̇ቦ ታ ጳ̈ውሎ̈ሲ ኣይሁድ ባዮ̇ን ዪንታ̇ቦ ዬሱ̈ስ ክርስቶ̈ሳ ዎጛሊን ሳባ̇ካ̈ሬ ጋ̈ራ ቃሺ ኣ̈ል ጌሊኔ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ፊል 4:5

ዪንቲ̇ ኮሽ ኣስ ማ̈ቂ̇ኖንዳ ኣስ ዎይ ቲ̈ን ኤሪንቲ̇ኖ ማ̈ቆ̇ጋቤ፤ ጎ̈ዳ ዬንቲ̇ን ኡኪ̇ኔ።

ቆላ̈ሳ̈ሳ 1:23

ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

2 ታሳ 3:17

ዓኒ ሳሪቲንዶ ታ ኩሽ ጌ̈ቲምባር ጻ̈ፊኖ ታ ጳውሎ̈ሳ፤ ቴ ጻ̈ፋዝ ኪ̈ታን ኤሪንታ̇ዚንዳ ዓኒ̇ባራ፤ ቴ ጻ̈ፋዚንዳ ዓንዲዜ።

ፊልሞ̈ና 1:19

ዪዚ ቴ ጳ̈ዉሎሲ “ኢ ጋልዳ ኣጫ ዎኮ ቴ ኔ̈ብ ጪጋ̇ንዳ” ጋ̈ር ቴ ኩሽ ጌ̈ቲንባር ጻ̈ፋራ ቴ ኤርሳ̈ሬ፤ ማ̈ቂ̇ናካር ኔ ሼምፒ̇ን ጎይ ኔ ታ̈ብ ጪ̈ጊ̇ዝ ባዚ ዎንዶ ቴ ኔ̈ና ቆ̇ፊሳንዳ̇ቦ ኮሻ̇ባሴ።

ፊልሞ̈ና 1:9

ማ̈ቂ̇ናካሬ ታ̈ኒ ዪኖ ዎታቤ ጌያ ኪ̈ታ̇ናፖ ቴ ዬሱ̈ስ ክርስቶ̈ሳኮታ̇ቦ ቃ̇ሺ ኣ̈ል ጋርታ̇ ዎ ቴ ጪጛሻ ጳ̈ዉሎ̈ስ ካንባራ ቴ ኔ̈ና ጌሻዚን ዶሲኔ።

1 ጴጥ 2:11

ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ።

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤