2 ቆሮ 1:7 - ኦራ ጫ̈ቃ ማጻ̈ፋ

⁷ ኑ ኤካ̇ዝ ሜቲን ዪንቲ̇ ኤካ̇ዚንዲፌ̈ኒ ኑ̈ብ ኢሚ̇ንታዝ ሚ̈ንንዳር ጾ̈ሲ ዪንታ̇̇ብ ኢማ̇ዚን ኑ ኤሪዛኮታ̇ቦ ሜታ ዬይናካር ኢዝ ጋርታ̇ ዪንቲ̇ ሚጚ ኤቃ̇ዚን ኑ ኣማ̇ኒ̈ሬ።

2 ቆሮ 1:7 ပူးပေါင်းရင်းမြစ်များ

ማ̈ቶ̈ሳ 23:30

ዪንቲ̇ ‘ኑ̈ኒ ሚኖ ኑ ባ̈ቢንታን ኬል̇ባራ ዎኮ ዎኒ ኢንታ̇ባር ማ̈ቃ̇ር ናባን ኑ ዎባስዶ̈ን’ ጌዪ ሶ̈ሊ̈ሬ።

1 ቆሮ 10:13

ኣስ ጌይዛ ዎይ ዬሊ̇ዝ ሜታ ዪንታ̇ ዬሊ̇ንዶኬ ዪንታ̇ኮን ዱማ ጊዳካ̇ዬ፤ ጾ̈ሳ̇̈ዲ ኣማ̇ኒንቲ̇ኖ ጾ̈ሴ̇። ዪንታ̇̇ብ ዳንዳኢንቲባ̈ሶ ሜቶ ዪንታ̇ ጋልዳ ዬ̈ምፔ̈ን ዎቲባ̈ሴ፤ ሜታ̇ ዪንታ̇ ዬ̈ላዚምባ̇ራ ዪንቲ̇ ጋርዢዝ ዎልቃ ዪንታ̇̇ብ ኢሚ̇ሙታ̇ዶ̈ሪ ዪንታ̇ ሜቲ̇ን ጋርታፖ̇ ኬስኪ̇ዝ ጎይ ዪንታ̇̇ብ ጊ̈ጊ̇ሲሬ።

2 ቆሮ 12:20

ቴ ዪንታ̇̇ክ ዬ̈ዚምባራ ዪንቲ̇ ቴ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኢ̈ሬ ዎይ ታ̈ኒ ዪንቲ̇ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኣ̈ሬ ጌያ ኢ̈ጫ̇̈ሬ። ዪንታ̇ ጊዳ ዋ፣ ቂና̈ታ፣ ጎይል፣ ፌ̈ና ሙታ̇ ካ፣ ኣሳ ሱም ይሲ፣ ጌስት፣ ኦቲራኬ ዋች ዶኣንዳብ ዳንዳኢ̈ሬ ጋ̈ር ኢ̈ጫ̇̈̃ሬ።

2 ቆሮ 7:9

ዓት ዎቲናካሬ ቴ ኡፋይቲ̇ኔ። ቴ ኡፋይቲ̇ኖንዳ ቴ ዪንታ̇̇ ኣዛንኖን ጊሻ̇ብ ጊዳካ̇ይዶን ኣዛኒንዳ ዪንቲ̇ ማ̈ሪቲ ጌላሪ ላ̈ሚንታ̇ምፔ̈ን ዎቲኖንኮታ̇ቦ። ዪዚ ዪንታ̇ ኣዛኒ̇ንዳ ጾ̈ሳ̇ ቆፊፌ̈ን ማ̈ቂ̇ኖኮታ̇ቦ ኑ̈ኒ ዪንታ̇ ባላካ̇ዬ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

2 ጢማ̈ 3:11

ማ ኣንጾ̈ካ፣ ኢቆ̈ናኬ ሊስጢራ ካታማን ጋርታ ታ̈ና ዬሊ̇ኖ ሜ̈ታንኬ ታ̈ናር ዪን ሜታን ጋርታ ዎዛርፌ̈ን ጋርዢኖኮ ኔ ኤራ̈ሬ፤ ዎቲናካር ጾ̈ሳ̇̇̈ዲ ታ̈ና ዎይፖ ቡ̈ቲሲኔ።

ዓይ 1:12

ሜታ ጋርታ ሚ̈ጜጌይንዶ ጾ̈ሳ̇̇ ፌ̈ና ዶሲዝ ኣሳንቦ ኢማ̇ንዳ ጌይኖ ሼምፓ ኣኪሊ̈ላ ሺሊ̇ማ̈ቲን ዲጚ̈ዛኮታ̇ቦ ሜታ ኢያ ዬላ̇ዚምባር ዳንዳኣር ኣ̈ዝ ኣሲ ኣንጂንቲኖ̈ዳ።

ሳጻ 1:9

ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤