2 ቆሮ 1:1 - ኦራ ጫ̈ቃ ማጻ̈ፋ

¹ ጾ̈ሳ̇̇̈ ቆፊፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሳኬ ኑ ኢሻ ጢማ̈ቶሳክ ዎልኣ ቆሮንቶ̈ሳ ካታማ ጋርታ ዎ ዬሱ̈ሳ ኣማ̇ኒዝ ኣሳንኬ ማ ኣካ̈ያ ጋዳ̇ ዎ ኣማ̇ኒዝ ዎርዣ ዎይቦ፥

2 ቆሮ 1:1 ပူးပေါင်းရင်းမြစ်များ

ሃዋ̈ራታን ኦ̈ሳ 16:1

ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ።

ሮሜ 15:26

ዪ̈ዳሬ ሜቅዶ̈ናኬ ኣካ̇ያ ጋዳ̇ ዎ ኣማ̇ኒዝ ኣሳን ዬሩሳ̈ላማ ካታማ ጋርታ ዎ ኣማ̇ኒዝ ዎርባያን ሚ̈ሻ̇ባር ማ̈ዳ̇ንዳቦ ኮዪኖ ጊሼ̇።

ሮሜ 16:21

ጾ̈ሳ̇ ኦ̈ሳ ታባር ዎልኣ ኦ̈ዛ ጢማ̈ቶ̈ሲ ዪንታ̇ ሳሮ ጌይኔ፤ ማ ቴ ዳባ̇ን ሉቆ̈ሳ፣ ሉ̈ሶ̈ናኬ ሶ̈ሲጴ̈ጥሮ̈ሳ ዪን ዎይ ዪንታ̇ ሳሮ ጌይኔ።

ሮሜ 16:5

ኢንታ̇ ኣ̈ል ዎ̈ሳቦ ሺ̈ቂዝ ኣማ̇ኒኖ ኣሳን ታ̈ብ ሳሮ ጌብቴ̇። ኢ̈ሳ ጋዳ̇ ዎይፖ ቲ̈ን ዬሱ̈ሳ ኣማ̇ኒኖ ቴ ካዛ ጴንጦ̈ሳ ሳሮ ጌብቴ̇።

1 ቆሮ 10:32

ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ።

1 ቆሮ 16:10

ጢማ̈ቶ̈ሲ ዪንታ̇̇ክ ዬዬጌዪን ኢ̈ች ቤይ ዪንታ̇̇ባር ዶኣምፔ̈ን ኢያ ማ̈ዲ̇ብቴ፤ ኢያሬ ታናፌ̈ን ጎዳ ኦ̈ሲን ኦ̈ሬ።

1 ቆሮ 16:15

ቴ ኢሺንታ̇ን! ኢስጣፋ̈ኖሳ ኣ̈ሎ ኣሳንሲ ኣካያ ጋዲን ጋርታ ዎይ̈ፖ ቲ̈ን ዬሱ̈ሳ ኣማ̇ኒኖን ኢንታ̇ ማ̈ቂ̇ኖንዲኬ ማ ኢንቲ̇ ኣማ̇ኒኖ ኣሳን ማ̈ዳ̇ንዳብ ፌ̈ና ኣ̈ ኢሚ̇ኖን ዪንቲ̇ ኤሪ̈ሬ።

1 ቆሮ 16:24

ዪንታ̇̇ብ ዎ ታ ካንንዳ ዬሱ̈ስ ክርስቶ̈ሳ ጎይባራ ዪንቲ̇ ዎይንባር ማ̈ቆ̇፤ ኣሚንኤ!

1 ቆሮ 6:11

ዪንታ̇ ጋርታፓ̇ር ፔታ̇ን ፔታ̇ናኒ ሚን ዪንፌ̈ኖ ባዛን ዎቲኔ። ዎቲናካር ዓት ዪንቲ̇ ጎዳ ዬሱ̈ስ ክርስቶ̈ሳ ሱምባርኬ ኑ ጾ̈ሳ̇ ኣያ̇ናባራ ናጋራ ጋርታ̇ፖ ሜ̈ጪንቲ̇ኔ፤ ዪንቲ̇ ጾ̈ሳ̇̇̈ቦ ጌዪ ቆሪንቲ̇ኖ ጌ̈ሽ̇ ዎርዣ ማ̈ቂኔ፤ ማ ጺላ̇ ኣስ ማ̈ቂ̇ኔ።

2 ቆሮ 1:19

ታ̈ና፣ ሲላ̇̈ሳኬ ጢማ̈ቶ̈ሳ ጎይባር ዪንታ ጊዳ̇ ሳባ̇ኪንቲ̇ኖ ጾ̈ሳ̇ ና̈ኣ ዬሱ̈ስ ክርስቶ̈ሲ “ኣዓ” ማ ማ̈ቃ̇ር “ዋኣኬ” ጊዳካ̇ዬ፤ ኢ ጎይባራ ዎይ ጋላስ “ኣዓ” ሙታ።

2 ቆሮ 1:23

ታ̈ኒ ቆሮንቶ̈ስ ካታሚን ጋርታ ማ̈ቃ̇ር ዬ̈ካ̇ዮንዳ ቴ ዪንታ̇ ጎይላር ሺን̇ ዎታካ̇ዮ̈ዲፌ̈ኒ ዪንታ̇̇ብ ሚጪንታራ ኣቲ̇ኔ። ዪና̇ ታ ጋ̈ዚን ማቃኮ ጾ̈ሲ̇ ታ ጋልዳ ፊርዶጋ̈ቤ።

2 ቆሮ 11:10

ክርስቶ̈ሳ ኪንቲን ታ ጋርታ ዎ! ቴ ኦቲርቃካይፌ̈ን ዎቲዝ ኣሲ ኣካ̈ያ ጋዳ̇ ዎ ጋዳን ጋርታ̇ ኦ̈ናካር ባዬ̇።

2 ቆሮ 9:2

ዪንቲ ማ̈ዳ̇ንዳብ ኢና̇ ዪንታ̇̇ብ ዎን ቴ ቤቂ̇ኔ ዪ̈ኮታ̇ቦ “ኣካ̇̈ዮ ኣሳን ሚ̈ሻ̈̇ባር ማ̈ዳ̇ንዳቦ ዚኔቤራፖ ኤ̈ር ጊ̈ጊንታ̇ር ዎ” ጋ̈ራ ሜቂዶ̈ና ኣሳንኮ ዪንታ̇ ባዝ ቴ ኬርፊኔ፤ ዪንቲ̇ ኣስ ማ̈ዳ̇ንዳብ ዎ ኢኒ̇ንዳ ዎይሊንን ዲንኔ።

ጋላ̈ታ 1:1

ኣሲ ኪ̈ቲን ጊዳካ̇ይዶ̈ን ዬሱ̈ስ ክርስቶ̈ሳኬ ኢያ ዓይቃ ጋርታ̇ፖ̇ ዲንኖ ጾ̈ሳ̇̇ ባ̈ባ̈ዲ ሃዋ̈ራ ማ̈ሲን ማ̈ቂ̇ኖ ታ ጳውሎ̈ሳኬ ታባር ዎን ኣማ̇ኒኖ ኣሳን ዎይ ጋላ̈ታ ካታማ ጋርታ̇ ዎ ዎ̈ሳ ኬ̈ን ጋርታ̇ ዓና̇ ኪ̈ቲን ሚሺኔ።

ጋላ̈ታ 3:26

ዪንቲ̇ ዎይን ዬሱ̈ስ ክርስቶ̈ሳ ኣማ̇ኒኖኮታ̇ቦ ዪንቲ̇ ጾ̈ሳ̇ ናኤ።

ኤፍ 1:1

ዬሱ̈ስ ክርስቶ̈ሳ ኣማ̇ኒኖ ጾ̈ሳ̇ ዎርዣ [ኤፊሶ̈ና ዎን!] ጾ̈ሳ̇̇ ቆፊንዲፌ̈ን ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ታ ጳውሎ̈ሲ፥ ጾ̈ሳ̇ ኑ ባ̈ባዲኬ ኑ ጎዳ ዬሱ̈ስ ክርስቶ̈ሳ ኮሺ̇ቲንዲኬ ሳሪቲን ዪንታ̇̇ብ ማ̈ቆ̇ ጋ̈ሬ።

ፊል 1:1

ዬሱ̈ስ ክርስቶ̈ሳቦ ኣይላ ማ̈ቃ̇ር ኦ̈ዛን ታ ጳውሎ̈ሳ ጋልዳፔኬ ጢማ̈ቶ̈ሳ ጋልዳፖ፥ ፊልጲሶ̈ሳ ካታሚን ጋርታ ዬሱ̈ስ ክርስቶ̈ሳ ኣማ̇ኒኖ ኣሳንስቦ ዎይ፥ ማ ዎሳ ኬ̈ ጪጛ̈ሻንኬ ዳ̈ቆናንቦ፥

1 ታሳ 1:1

ጾ̈ሳ̇ ባ̈ባ̈ዴይኬ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታማ ጋርታ ዎ ጾ̈ሳ̇ ዎርዣ̈ዶ! ጾ̈ሳ̇ ኮሺ̇ቲ̈ዲኬ ኢ ሳሪቲ ዪንታ̇ባር ማ̈ቆ̇። ዓና̇ ኪ̈ቲንዶ ታ ጳውሎ̈ሳፖ፣ ሲላ̇̈ሳፔኬ ጢማ̈ቶ̈ሳ ጋልዳፖ ዪንታ̇ብ ሚሺኔ።

1 ታሳ 3:2

ዪንታ̇ ሚ̈ንምፔ̈ንኬ ዞራምፔ̈ን ዪንታ̇ኮ ዎጛላ ኦ̈ሲን ጋርታ ኑባር ዎልኣ ጾ̈ሳ̇̇̈ብ ኦ̈ዛ ኑ ኢሻ ጢማ̈ቶሳ ዪንታ̇ቦ ሚሺኔ።

2 ታሳ 1:1

ጾ̈ሳ̇ ኑ ባ̈ባዴይኬ ጎዳ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታሚን ጋርታ ዎ ኣማ̇ኒዝ ኣሳንቦ ታ ጳውሎ̈ሳ ጋልዳፖ፣ ሲላ̇̈ሳ ጋልዳፔኬ ጢማ̈ቶ̈ሳ ጋልዳፖ ሚሺኖ ኪ̈ታ፦

1 ጢማ̈ 1:1

ኣማ̇ናባራ ታ̈ቦ ኪን ናኢ ማ̈ቂ̇ኖ ጢማ̈ቶ̈ሶ! ኑ ባ̈ባ ጾ̈ሳ̇ፔኬ፥ ኑ ታስፋ ዬሱ̈ስ ክርስቶ̈ሳ ኪ̈ታባራ ኢ̈ቦ ሃዋ̈ራ ማ̈ቂ̇ኖ ታ ጳውሎ̈ሳ ጋልዳፖ ዓና̇ ኪ̈ቲን ኔ̈ብ ሚሺኔ፤ ጾ̈ሳ̇̇̈ ኑ ባ̈ባ ጋልዳፕኬ ኑ ጎዳ ዬሱ̈ስ ክርስቶ̈ሳ ጋልዳፖ ኮሺ̇ቲ፥ ማ̈ሪቲኬ ሳሪቲ ኔ̈ብ ማ̈ቆ̇ጋ̈ቤ።

2 ጢማ̈ 1:1

ዬሱ̈ስ ክርስቶ̈ስ ጎይባራ ቤንቲ̇ኖ ሼ̈ምፓ ታስፊንዲፌ̈ኒ ጾ̈ሳ̇ ቆፊፌ̈ን ዬሱ̈ስ ክርስቶ̈ሳቦ ሃዋ̈ራ ማ̈ቂ̇ኖ ታ ጳውሎ̈ሲ ቴ ካዝ ናኣ ጢማ̈ቶ̈ሳብ ሚሺኖ ኪ̈ታ፤ ጾ̈ሳ̇ ባ̈ባ ጋልዳፔኬ ዬሱ̈ስ ክርስቶ̈ሳ ጋልዳፖ ኢ ኮሺ̇ቲንዳ ማ̈ሪቲንዲኬ ሳርቲን ኔ̈ብ ማ̈ቆ̇።

ቲ̈ታ̇ 1:1

ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦

ፊልሞ̈ና 1:1

ዬሱ̈ስ ክርስቶ̈ሳኮታ̇ቦ ቃሺንቲ̇ኖ ታ ጳውሎ̈ሳፕኬ ኑ ኢሻ ጢማ̈ቶ̈ሳፖ ካንቲ̇ኖ ኑ ኢሻ ኑባ̈ር ዎልኣ ዎጛላ ኦ̈ሳ ኦ̈ዛ ፊ̈ልሞ̈ና፥

ኢብ 13:23

ኑ ኢሻ ጢማቶ̈ሲ ቃሺ ኣ̈ላፖ ኬስኪ̇ኖን̇ ዪንቲ ኤራምፔ̇̈ን ቴ ኮያሬ፤ ኢ ኤሊር ዓይዲ ዬይዶኮ ቴ ኢባር ዎልኣ ሉካ̇ራ ዪንታ̇ ቤቃ̇ንዳ።