1 ጢማ̈ 6:20 - ኦራ ጫ̈ቃ ማጻ̈ፋ

²⁰ ጢማ̈ቶ̈ሶ! ዓዳራባራ ኔ̈ቦ ኢሚ̈ንቲኖን ጌዚንር ና̈ጋ̈ቤ፤ ኪን ኤራ ጊዳካ̇ይዶን ኤራ ማይጺዝ ጾ̈ሳ̇ ቦንቺሺባ̈ሶ ዋች̇ ጋልዳፖ ጎታ̇ቤ።

1 ጢማ̈ 6:20 ပူးပေါင်းရင်းမြစ်များ

ሃዋ̈ራታን ኦ̈ሳ 16:1

ጳውሎ̈ሲ ዴርባኬ ሊስጢራ ካታማን ጋርታ̇ ሉኪ̇ዴ። ኢና ፔቲ̇ ጢማ̈ቶ̈ሳ ጌይዝ ኣማ̇ኒኖ ኣሲ ዎ። ጢማ̈ቶ̈ስ ኢንዲ̇ንዳ ኣይሁድ ዜርዶራ ኣማ̇ኒኖ ኣሴ፤ ኢ ባ̈ባ̈ዲ ግሪ̈ክ ጋዶ̇ ኣሴ።

ሃዋ̈ራታን ኦ̈ሳ 17:18

ኤፋቅሮ̈ስ ጌይዝ ና̈ሳ ዎሂን ዬ̇ዝ ኣሳንኬ ኢስጦ̈ካ ጌዪንቲ̇ኖ ኤራን ጋርታ̇ፖ ፔቲ̇ ፔቲ̇ ኣሳን ኢ̈ክ ዬ̈ሪ ኢባር ፋላሚ ኤ̈̇ዴ። ፔቲ̇ ፔቲ̇ ኣሳን “ዓ̈ ና̈ሳ ሊሻ ኖ̈ና ኣብዝ ጋ̈ንዳ̇ብ ኮዪና̈?” ጌይን ዶካ̇ን፥ ማ ዬሱ̈ሳባዝኬ ኢ ዓይቃ ጋርታ̇ፖ ዲንዲ̇ዝ ጎይ ሳባ̇ኪኖን ሲስካ̇ሪ “ሜላ ኦራ ኤ̈ቃ ጎይ ሶ̈ሊዛ ማይጺ̈ሬ” ጌይዴ።

ሃዋ̈ራታን ኦ̈ሳ 17:21

ኣቴ̈ና ዎ̈ ኣሳን ዎይ ማ ኢና ዶኢዛን ሜላ ጋዶ̇̈ ኣሳንሬ ሜላ ባዝ ኦ̈ዚምፖ̇ ሺ ዎይ ጋላስ ኦራባዝ ሶ̈ሊንቲ̇ሙታ̇ኬ ሲስኪ̇ሙታ̇ ሜላ̇ ፌ̈ሽካዚን ዶሲ̈ሬ።

ሮሜ 1:22

ኢንቲ̇ ፌ̈ና “ኑ̈ኒ ኤራ” ጋ̈ዚምባራ ዳሻ ማ̈ቃ̇ር ቤንቲ̇ዴ።

ሮሜ 3:2

ኣይሁድ ማ̈ቃ̇ዚንዳ ዎይሊን ጎይባራ ሺሬ፤ ዎይፖ̇ ቲ̈ን፥ ጾ̈ሳ̇̈ዲ ፌ ቃ̈ሊንዶ ኣይሁዳንቦ ዓዳራ ኢሚ̇ኔ።

1 ቆሮ 2:6

ዎቲናካሬ ኑ̈ኒ ኣማ̇ናባር ሚ̈ጚኖንቦ ኢንታ̇ብ ማ̈ቃ̇ምፔ̈ኖ ኤራ ቃ̈ላባር ሶ̈ሊ̈ሬ፤ ዪና̇ሬ ኑ ሶ̈ላዚንዳ ዓኒ̇ ሳ̈ዚን ጋል̇ዳ ዎ ኤሪንባራ ዎይ ዉርሲ ጋልዳ ያንዳብ ዎ ዓኒ ኣላሚንቦ ላ ኢ ኤሪንባር ጊዳካ̇ዬ።

1 ቆሮ 3:19

ዓኒ̇ ኣላሚን ጋልዶ ኤሪቲንዳ ጾ̈ሳ̇ ቲ̈ን ዳሺቲ፥ ዪ̈ዳሬ “ጾ̈ሲ ኤራን ኢንታ ዉጪምባ̇ራ ኢንታ̇ ኤ̈ሬ” ጌዪ ጻ̈ፊንቲ̇ኖንዲፌ̈ኔ።

ቆላ̈ሳ̈ሳ 2:18

ማቃባር ፌ̈ና ዪርክ ዪርክ ዎቲሙታ̇ኬ ማ ጾ̈ሳ̇ ኪ̈ታንቻን̇ብ ጎሽቲ̇ዛኮታ̇ቦ ኬርፊዝ ኣሲ ኦ̈ናካሬ ዪንቲ ጾ̈ሳ̇ ጋልዳፖ̇ ዲጚዝ ባዝ ጋልዳፖ ሜላ̇ ዪንታ̇ ኣሻ̇ካዮ̈ዲፌ̈ኒ ና̈ጊንቲ̇ብቴ፤ ዪ̈ፌ̈ኖ ና̈ሳዲ ታ̈ኒ ሳጻ ቤቂ̇ኔ ጌዪ ሙታ̇ ሜላ̇ ዓሪ ማ̈ዲ̇̇ባሶ ቆፊባራ ኦቲርቂ̈ሬ።

ቆላ̈ሳ̈ሳ 2:8

ክርስቶ̈ሳ ጋልዳ ጊዳካ̇ይዶን ኣሲ ኬሲ̇ኖ ዎጋኬ ዓኒ̇ ኣላሚን ጋልዶ ኣሳን ኬሲ̇ኖ ፋባ̈ሶ ዎጋ ጋልዳ ኤቂ̇ኖ ቲሚርታባራ ማ ሜላ̇ ዓሪ ማቃባር ኦ̈ናካር ዪንታ̇ ኮራር ፌ̈ክ ኤካካ̇ዮ̈ዲፌ̈ኒ ና̈ጊንቲ̇ብቴ̇።

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

2 ታሳ 2:15

ዪዚ ቴ ኢሺንታ̇ን! ሚ̈ጛር ኤቂ̇ብቴ፤ ኑ̈ኒ ዪንታ̇ብ ኖ̈ናባር ሶ̈ሊኖንዳር ማ̈ቂ̇ን ጻ̈ፋር ሚሺኖ ቲሚርቲ̇ን ሚ̈ንር ኤ̈ብቴ።

1 ጢማ̈ 1:11

ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።

1 ጢማ̈ 1:4

ቶሳብኬ ዉርሲ ባዮ̇ ዜ̈ር ፋይዳ ጋርታ̇ ማ̈ቃ̇ር ጌላካ̇ዮ̈ዲፌ̈ኒ ኢንታ ኪ̈ታ̇ቤ፤ ዪን ባዛን ዋች ኤሄይርዶኬ ኣማ̇ናባር ኦ̈ዝ ጾ̈ሳ̇ ኦ̈ሳቦ ማ̈ዲ̇ባ̈ሴ።

1 ጢማ̈ 1:6

ፔቲ̇ ፔቲ̇ ኣሳን ዪን ባ̈ዛን ኣሻ̇ሪ ማ̈ዲባ̈ሶ ዋች̇ኮ ማ̈ቂ̇ኔ።

1 ጢማ̈ 1:9

ማ ሂጎ̇ ኬስኪ̇ኖ̈ዲ ኮሽ̇ ኦ̈ዛንቦ ጊዳካ̇ዮን ኤራንዳ̇ብ ኮሺ̇̈ሬ፤ ሂጎ̇ ኬስኪ̇ኖድ ሂጊ̇ን ና̈ጊባ̈ሶንቤኬ ዉጫንቦ፣ ጾ̈ሳ̇̇̈ቦ ኢ̈ጪባ̈ሶንቦ፣ ናጋራንቻንቦ፣ ጌ̈ሺቲ ባ̈ዮንቦ፣ ጾ̈ሳ̇ ሌቂ̇ዛንቦ፣ ፌ ባ̈ቢኬ ፌ ኢንዲ̇ክ ዎዛንቦኬ ኣስ ዎዛንቦ፣

1 ጢማ̈ 4:7

ጾ̈ሳ̇ቦ ቦንች ማ̈ቂ̇ባ̈ሶ ፋባ̈ሶ ላ̈ፋ ቶሳፌ̈ኖ ሶ̈ላ ጋልዳፖ ጎታ̇ቤ፤ ጾ̈ሳ̇̇̈ቦ ጎሽታ̇ዚን ኔ ኔ̈ና ኤርሳቤ።

1 ጢማ̈ 6:11

ዪዚ ኔ̈ኒ ጾ̈ሳ̇ ኣሳ̈ዶ! ኔ̈ኒ ዪንፌ̈ኖ ባዛን ጋልዳፖ ጎታ̇ቤ፤ ኔ̈ኒ ጺሊ̇ቲ ጎይን፣ ጾ̈ሳ̇ ማይጻር ዶኣዚን፣ ኣማ̇ና ጎይን፣ ካን ጎይን፣ ዳንዳኣባር ሚ̈ጛዚንዴኬ ኣሽኪቲባራ ዶኣ̈ዚን ኮያቤ።

1 ጢማ̈ 6:14

ኑ ጎዳ ዬሱ̈ስ ክርስቶ̈ሲ ዬይዝ ዲራስ ዓና̇ ኪ̈ቲን ኢ̈ታ ባዝ ኣባክ ኔ ጋልዳ ቤንታ̇ካይዶን ኮሺንቻ ኢዝቦ ኪ̈ቲንታሙታ̇ ና̈ጋቤ።

2 ጢማ̈ 2:1

ዪዚ ቴ ናኣ̈ዶ! ኔ̈ኒ ዬሱ̈ስ ክርስቶ̈ሲ ኔ̈ብ ኢማ̇ዝ ዎልቂንባራ ሚ̈ጛቤ።

2 ጢማ̈ 2:16

ጾ̈ሳ̇ ቦንቺሺባ̈ሶ ፋባ̈ሶ ሶ̈ላ ጋልዳፖ ጎታ̇ቤ፤ ዪንፌ̈ኖ ፋባ̈ሶ ሶ̈ላን ጾ̈ሳ̇ ጋልዳፖ ኤሳ ኣስ ጎቲ̇ሲ̈ሬ።

ቲ̈ታ̇ 1:4

ኑ ኣማ̇ናዝ ኣማ̇ኒን ፔታ̇ን ማ̈ቂ̇ኖ ጎይባራ ታ̈ብ ኪን ናኢ ማ̈ቂ̇ኖ ቲ̇ቶ̇! ጾ̈ሳ̇ ኑ ባ̈ባ̈ፔኬ ኑ̈ና ፋዛ ዬሱ̈ስ ክርስቶ̈ሳፖ ኢ ኮሺ̇ቲንዲኬ ሳሪቲን ኔ̈ብ ማ̈ቆ̇።

ቲ̈ታ̇ 1:9

ኢ ኪን ቲምርቲ̇ን ታማ̈ርሲሙታ ዞራንዳብኬ ኪን ቲምሪቲ̇ን ኢጺ̇ዝ ኣሳን ዞራር ማሃንዳ̇ቦ ፌ ታማ̈ሪኖንዲፌ̈ኒ ኣማ̇ኒንቲ̇ኖ ቃ̈ሊን ጋልዳ ሚ̈ጛር ኤቃ̇ንዳቦ ኮሺ̇̈ሬ።

ቲ̈ታ̇ 3:9

ማ̈ቂ̇ናካሬ ኔ̈ኒ ዳሻ ኣሳን ዋቺ̇ን ጋልዳፖ፥ ሜላ̇ ኮች ፋይዳዚን ጋልዳፖ፥ ሂጋ̇ ጎይ ዲንዲዝ ጎይላ ጋልዳፖ ጎታ̇ቤ፤ ኣባ ጌይን ዪን ኣባካር ፋባ̈ሶ ባዜ።

ሳጻ 3:3

ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።