1 ጢማ̈ 6:17 - ኦራ ጫ̈ቃ ማጻ̈ፋ

¹⁷ ዓኒ̇ ኣላሚን ጋ̈ልዶ ዱራን ኦቲርቃካ̇ዮ̈ዲፌ̈ኒ ዎይ ፌ ታስፊን ዪዝ ባዝ ጋልዳ ጋዳካ̇ዮ̈ዲፌ̈ኒ ኢንታ̇ ኪ̈ታ̇ቤ። ኑ̈ኒ ኡፋይታ̇ምፔ̈ኒ ዎይ ባ̈ዚ ሺሻር ኑ̈ብ ኢሚ̇ዝ ጾ̈ሳ̇ ጋ̈ልዳ ኢንቲ̇ ፌ ታስፊን ጋዳ̇ምፔ̈ኒ ኢንታ̇ ዞ̈ራቤ።

1 ጢማ̈ 6:17 ပူးပေါင်းရင်းမြစ်များ

ማ̈ቶ̈ሳ 12:32

ኦ̈ናካር ኣሲ ታ̈ና ኣሳ ናኣ ቆ̈ዛ̈ቦ ዎይ ኢ ናጋሪን ኢ̈ብ ኣቶ̇ ጌዪንታ̇̈ርዶኒ፥ ጌ̈ሻ̇ ኣያ̇ና ቆ̈ዛ̈ዲ ኢ ናጋራ ኢ̈ብ ዓና̇ ኣላሚን ጋልዳ̇ር ማ̈ቂ̇ን ቢርት ዬ̈ዝ ኣላሚን ጋልዳር ኢ̈ብ ኣቶ̇ ጌዪንታ̇ባሴ” ጌይዴ።

ማ̈ቶ̈ሳ 19:23

ኢናፖ̇ ዬሱ̈ሲ ፌ ታማ̈ራንኮ “ቴ ዪንታ̇ክ ኪን ጋ̈ሬ፥ ዱር ኣሲ ጾ̈ሳ̇̇ ካ̈ቲቲን ጋርታ̇ ጌላንዳቦ ዎይሊን ዋ̈ዪ̈ሬ።

ማ̈ቶ̈ሳ 25:16

ኢሺ̇ን ሙኩላ ቢራ ኤኪ̇ኖ̈ዲ ኤሊ̇ባር ሉካ̇ሪ ዛልኣሪ ሜላ ኢሺ̇ን ሙኩላ ቢራ ቲርፊሲዴ።

ማ̈ቶ̈ሳ 27:57

ሳ̈ዚን ቃ̈ሚን ዮ̈ሴ̈ፋ ጌይዛ ኣርማታ̈ሳ ካታሚን ጋርታ̇ ዶኢዝ ፔቲ̇ ዱር ኣስዶ̈ሪ ኢና ዬይዴ። ኢያሬ ዬሱ̈ሳ ታማ̈ሪዬ።

ማ̈ቶ̈ሳ 6:32

ዪን ባዛን ዲጛንዳ̇ቦ ጾ̈ሳ̇̇ ኤሪባ̈ሶ ኣሳንር ዎይ ዎጺቲሬ̈፤ ዪን ዎይ ዪንታ̇ብ ኮሻ̇ዚን ኣፋ ዎ ዪንታ̇ ባ̈ባ ኤሪ̈ሬ።

ማ̈ርቆ̈ሳ 10:24

ኢ ታማ̈ራን ኢ ሶ̈ሊንባር ዎይሊን ጋራ̇ሚንቲ̇ን ዬሱ̈ሲ ማ̈ቃ̇ር ኢንታ̇ኮ “ናኣን! ዱራን ጾ̈ሳ̇̇ ካ̈ቲቲን ጋርታ̇ ጌላንዳብ ኢንታብ ዎዛርፌ̈ን ዴ̈ጻ̇̈ራ!

ሉቃ̈ሳ 19:2

ኢና ዛኮ̇̈ሳ ጌይዝ ፔቲ̇ ዱር ኣሲ ዎ። ኢያሬ ቃራጻ ቃጺሲዛንቦ ኣላቃዶ̈ሪ፥

ሉቃ̈ሳ 3:11

ዋ̈ኒ̇ሳሬ “ናምኢ ኣፊላ ዎን ኣባክ ባዮ̇ንቦ ፋጋር ኢማ̇ጋ̈ቤ፤ ፊ̈ሺ ዎንሬ ባዮ̇ን ሙሶጋ̈ቤ” ጋ̈ር ማሂዴ።

ሃዋ̈ራታን ኦ̈ሳ 14:17

ዪ̈ፌን ማ̈ቂ̇ኔካሬ ኢ ፌ̈ና ማርኪ ቤይ ኣሻካ̇ዬ። ኢ ዎዛርፌ̈ን ኮሽ ጾ̈ስ ማ̈ቂ̇ኖን ኤሪሳንዳ̇ቦ ኣፋፖ̇ ዪንታ̇ብ ኢር ኬርሲዴ፤ ካ ካጺ̇ዝ ኬል̇ ዪንታ̇ብ ኢሚ̇ዴ፤ ማ ሙይዝ ባዝ ዪንታ̇ብ ዎይሊሳሪ ዪንታ̇ ኡፋይሲ̇ዴ” ጌይዴ።

ሃዋ̈ራታን ኦ̈ሳ 14:27

ኢንቲ ኢና ዬላ̇ሪ ኣማ̇ኒዝ ኣሳን ዎልኣ ፔታ̇ን ሺ̈ሻ̇ር ጾ̈ሲ ኢንታ̇ባር ማ̈ቃ̇ር ኦ̈ኖ ኦ̈ሳ ዎይ፤ ማ ኣይሁድ ዜር ባዮ̇ ኣሳን ዬሱ̈ሳ ኣማ̇ናምፔ̈ኒ ጾ̈ሲ̇ ኢንታ̇ብ ጎይ ፊርቂ̇ኖን ኢንታ̇ብ ሶ̈ሊዴ።

ሃዋ̈ራታን ኦ̈ሳ 17:25

ኢ ኣሳ ዎይ̈ቦ ሼምፓኬ̈ ካሳትኬ ማ ሜላ ባዛር ዎይ ኢሚ̇ዛ ኢያ ጋሚዝ ባዚ ባዮ̇ኮታ̇ቦ ኣሳ ማ̈ዲ ኢ̈ብ ኮዪሲባ̈ሴ።

ሮሜ 11:20

ዪንቲ̇ ጋ̈ዚንዳ ኪን፤ ዎቲናካሬ ኢንቲ̇ ኣማ̇ናካዮንኮታ̇ቦ ቃ̈ጺንታ̇ር ኬዲ̇ኔ፤ ማ ዪንቲ̇ ኣማ̇ኒኖንኮታ̇ቦ ሚ̈ጛር ኤቂ̇ኔ፤ ዪዚ ዪንቲ̇ ኢ̈ጫ̇ንዳ̇ብ ኮሺ̇̈ርዶኬ ኦቲርቃ̇ንዳብ ኮሺ̇̈ባ̈ሴ።

ኤፍ 5:5

ማ ዪንቲ̈ ኤራንዳብ ኮሻ̇ዚንዳ፥ ኦ̈ናካር ማ̈ቂ̇ን ኦሎላ̇ ጋዲ̇ዝ ኣሲ ዎይ ቄ̈ ባዝ ኦ̈ዝ ኣሲ ዎይ ዎይ ባዝ ታ̈ብ ማ̈ቆ̇ ጌይዝ ኣሲ ክርስቶ̈ሳብኬ ጾ̈ሳ̇ብ ካ̈ቲቲ ጋርታ ቤሲ̇ ኢ̈ብ ባዮ̇ን ዪንቲ̇ ኤሪብቴ። ዎይባዝ ታ̈ብ ማ̈ቆ̇ ጌይዛ̈ዲኬ ኤ̈ቃብ ጎይኒዛ̈ዲክ ዎል ፔታ̇ኔ።

ቆላ̈ሳ̈ሳ 3:16

ክርስቶ̈ሳ ቃ̈ሊን ኩም ዪንታ̇ ጋርታ̇ ዶኣጋ̈ቤ፤ ኤራ ዎይባራ ዎልዎልኣ ታማ̈ርሲብቴ̇፤ ዎል ዎልኣ ዞ̈ሪንቲ̇ብቴ፤ ጋላታ ማዝሙራባራኬ ዎይ ኣይናታ ማዝሙራባራ ጾ̈ሳ̇̇̈ቦ ቡ̈ዳ ጋርታ̇ፖ ዬጺ̇ብቴ።

1 ታሳ 1:9

ኑ̈ኒ ዪንታ̇ኮ ዬይኖንባራ ዪንቲ ኑ̈ና ዎዛርፌ̈ን ሞኪ̇ ኤኪ̇ኖኮ፤ ማ ዪንቲ ኤ̈ቃ ጎይናዚን ኣሻ̇ር ሜናብ ዶኢዝ ኪን ጾ̈ሳ̇̇̈ቦ ኦ̈ንዳቦ ዎዛርፌ̈ን ኢ̈ክ ማ̈ቂ̇ኖኮ ዪን ኣሳን ፌ̈ብ ፌ ኖ̈ኒንባር ማርኪቲ̈ሬ።

1 ጢማ̈ 1:3

ታ̈ኒ ሜ̈ቂዶ̈ና ሉካ̈̇ርዶራ ኔ̈ኮ ዓዳራ ጌይኖንዲፌ̈ን ፔቲ̇ ፔቲ̇ ኣሳን ማቃ ቲሚርታ ታማ̈ርሳካ̇ዮ̈ዲፌ̈ኒ ዎታንዳቦ ኔ̈ኒ ኢና ኤፍሶ̈ና ዶ̈ኣቤ።

1 ጢማ̈ 4:10

ዪዚ ዪኒ̇ቦ ጋ̈ሪ ኑ ዋ̈ዪ ዳ̈ቡሪሬ፤ ዪ̈ዳሬ ኣስ ዎይዳ ማ ዎይፖ ሺ ኣማ̇ኒዝ ኣሳን ፋዛ ሼምፓባር ዶኢዝ ጾ̈ሳ̇ ጋልዳ ታስፋ ጋዲ̇ኖኮታ̇ቦ።

1 ጢማ̈ 5:21

ኔ̈ኒ ኦ̈ዝ ባዝ ዎይባራ ፔታ̈ናዳ ፔታ̈ናፖ ሺሻር ቤኣካ̇ይዶራ ዓና̇ ቴ ኔ̈ብ ኢሚ̇ኖ ዞሪን ዎይ ኦ̈ሳ ጋልዳ ፌ̈ሻ̇ምፔ̈ኒ ጾ̈ሳ̇ ቲ̈ን፣ ዬሱ̈ስ ክርስቶ̈ሳ ቲ̈ንኬ ማ ማራ̇ጺንቲ̇ኖ ኪ̈ታንቻ̈ን ቲ̈ን ቴ ኔ̈ቦ ዓዳ̈ራ ጋ̈ሬ።

1 ጢማ̈ 6:13

ዎይቦ ሼምፓ ኢሚ̇ዝ ጾ̈ሳ̇̇ ቲ̈ንኬ ጴንጣናዋ ጲላጦ̈ሳ ቲ̈ን ኪንን ማርኪቲኖ ዬሱ̈ስ ክርስቶ̈ሳ ቲ̈ን ቴ ኔ̈ና ኪ̈ታ̇̈ሬ።

1 ጢማ̈ 6:9

ዱ̈ር ማ̈ቃ̇ንዳቦ ኮዪዛን ፋታና ጋርታ ጌላሪ ኬዲ̇̈ሬ፤ ኣስ ኢ̈ሲ̇ዝ ባዝኬ ይሲ̇ዛ ማ̈ቂ̇ኖ ፋባ̈ሶ ኢ̈ታ ኢና̇ ጺሂባራ ኤ̈ንቲ̇̈ሬ።

2 ጢማ̈ 4:10

ዴ̈ማሲ ዓኒ̇ ኣላሚን ካሪ ታ̈ና ኣሻ̇ር ታሳሎንቃ ሉኪ̇ኔ፤ ቂርቄ̈ሲ ጋላ̈ታ ሉኪ̇ዴ፤ ቲ̈ታ̇ር ዳልማ̈ጣ ሉኪ̇ዴ።

ቲ̈ታ̇ 2:12

ዪና̇ ጾ̈ሳ̇̇ ካንንዳ፥ ኣሲ ናጋ̈ራ ኦ̈ ሙታ̇ ዶኣዚን ጋልዳፖኬ ኣላሚን ዓኒ̇ ጋልዳ ዎ ኢ̈ታ ኢና̇ን ኣሻ̇ሪ ኢ̈ታ ባዝ ጋልዳፖ ፌ̈ና ና̈ጊሙታ̇ ጺሊ̇ቲባርኬ ጾ̈ሳ̇ ማይጻር ዶኣምፔ̈ን ኑ̈ና ታማ̈ርሳ̈ሬ።

ቲ̈ታ̇ 3:6

ጾ̈ሳ̇̇̈ዲ ሱ̈ቃ̇ ቤዪ ኑ̈ና ፋ̈ዛ ዬሱ̈ስ ክርስቶ̈ሳ ጎይባራ ፌ ኣያ̇ና ኑ ጋልዳ ዎይሊሳር ውልኢሲዴ።

2 ጴጥ 1:11

ዪኒ̇ ጎይባራ ሜናብ ዶኣዝ ኑ ጎዳ̈ዲኬ ኑ ጋ̈ላ̇ ዬሱ̈ስ ክርስ̇ቶ̈ሳ ካ̈ቲቲን ጋርታ ጌላንዳቦ ኩም ሲልጣ̈ና ዪንታ̇ብ ኢሚንቲ̇̈ሬ።