1 ጢማ̈ 6:12 - ኦራ ጫ̈ቃ ማጻ̈ፋ

¹² ኣማ̇ና ጎይንኮን ኮሻ̇ ኦ̈ሊን ኦላቤ፤ ኔ̈ኒ ዎይሊን ኣሳ ቲ̈ን ኣማ̇ኒንቲ̇ኖ ማ̈ቃ̇ራ ማ̈ርኪቲኖንዲኬ ጾ̈ሲ ኢዝቦ ኔ̈ና ጼይጊኖ ሜና ሼምፒ̇ን ሚ̈ንር ኤ̈ቤ።

1 ጢማ̈ 6:12 ပူးပေါင်းရင်းမြစ်များ

2 ቆሮ 6:7

ኪን ሶ̈ላባርኬ ጾ̈ሳ̇ ዎልቃባራ። ኑ ጻላታ ጋማንዳቦ ማ̈ቂ̇ዝ ኑ ኦላ ማሳ̇̈ሪንዳ ጺሊ̇ቲ።

2 ቆሮ 9:13

ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ዪንቲ̇ ክርስቶ̈ሳ ዎጛሊን ኤካ̇ሪ ኪ̈ቲንቲ̇ኖን ቤይሳ̈ሬ፤ ዪ̈ኮታ̇ቦ ኢንታ̇ብኬ ሜላንቦ ዎይ ዪንቲ̇ ዶሳር ኢሚ̇ኖን ቤቂ̇ሙታ̇ ዎይን ጾ̈ሳ̇ ጋላቲ̈ሬ።

ፊል 1:30

ዪንቲ̇ ዓት ታ̈ና ዬሊ̇ኖ ሜቲን ጊዳ̇ ታባር ዋ̈ዪሙታ ዎ፤ ዪና̇ ሜቲንዳ ዓኒፖ ቲ̈ን ታ̈ና ዬሊ̇ን ዪንቲ̇ ቤቂ̇ኖንዶ፤ ዓታ̇ር ታ̈ኒ ሜቲን ኢዝ ጊዳ̇ ዎን ዪንቲ̇ ሲስኪሙታ̇ ዎ።

ቆላ̈ሳ̈ሳ 3:15

ዪንቲ̈ ፔቲ ኣስ ጋል̇ ጋልዳ ዎ ጋላ̇ንፌ̈ኒ ማ̈ቃ̇ሪ ኪን ጼይጊንቲ̇ኖንዳ ዓና̇ ሳሪቲምቦ ማ̈ቂ̇ኖኮታ̇ቦ ክርስቶ̈ሳ ሳሪቲንዳ ዪንታ̇ ጋርታ̇ ኩማጋ̈ቤ፤ ማ ጾ̈ሳ̇̇ ጋላቲዝ ኣስ ማ̈ቂ̇ብቴ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

2 ታሳ 2:14

ዪንቲ̇ ጎዳ ዬሱ̈ስ ክርስቶ̈ሳ ቦንቺ̇ን ኤኪ̇ዝ ኣስ ማ̈ቃ̇ምፔ̈ኒ ኑ ሳባ̇ኪኖ ዎጛሊን ጎይባራ ዪንታ̇ ጼይጊኔ።

1 ጢማ̈ 1:18

ታ ናኣ ጢማ̈ቶሶ! ዓኒፖ ቲ̈ን ኔኮታ̇ ካ̈ያባር ኔ̈ቦ ሶ̈ሊንቲ̇ኖንዲፌ̈ኒ ዓና̇ ኪ̈ቲን ቴ ኔ̈ቦ ዓዳራ ኢማ̇̈ሬ፤ ዪና̇ሬ ኔ̈ብ ጌዪንቲ̇ኖንዲፌ̈ኒ ኮሻ̇ ኦሊን ኦላምፔ̈ኒዬ።

1 ጢማ̈ 1:19

ኣማ̇ናኬ ኮሽ̇ ቆ̈ፊ ኔ̈ብ ዶኣጋቤ። ፔቲ̇ ፔቲ̇ ኣሳን ፌ ቆፊን ኣሻ̇̈ሪ፥ ባሃ̈ራ ጋልዳ ዉርጊ ዲንዲን ጎጚን ዉርጊንባር ያዚንዲፌ̈ኒ ኢንታ̇ር ፌ ኣማ̇ኒን ይሲ̇ኔ።

1 ጢማ̈ 4:14

ዎ̈ሳ ኬ̈ ጪጛሻን ፌ ኩሺን ኔ ጋልዳ ጋዳ̇ር ኔ̈ብ ዎ̈ሲ̇ን ካ̈ያባር ኔ̈ብ ኢሚ̇ንቲ̇ኖ ኣያ̇ና ኪልሲን ቦቲጛፔ።

1 ጢማ̈ 6:13

ዎይቦ ሼምፓ ኢሚ̇ዝ ጾ̈ሳ̇̇ ቲ̈ንኬ ጴንጣናዋ ጲላጦ̈ሳ ቲ̈ን ኪንን ማርኪቲኖ ዬሱ̈ስ ክርስቶ̈ሳ ቲ̈ን ቴ ኔ̈ና ኪ̈ታ̇̈ሬ።

1 ጢማ̈ 6:19

ኢንቲ̇ ዪኒፌ̈ን ዎቲሙታ ኪን ማ̈ቂ̇ኖ ሼምፒ̇ን ዲጛንዳቦ ዬ̈ዝ ላይምቦ ዪባ̈ሶ ቆሊን ፌ̈ብ ሺ̈ሺ̈̇ሬ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

2 ጢማ̈ 2:2

ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።

2 ጢማ̈ 4:7

ታ̈ኒ ኮሻ̇ ኦሊን ኦሊኔ፤ ዎን ዎጻ̇ር ዉ̈ርሲኔ፤ ቴ ኣማኒ̇ንዶ ና̈ጊኔ።

ኢብ 13:23

ኑ ኢሻ ጢማቶ̈ሲ ቃሺ ኣ̈ላፖ ኬስኪ̇ኖን̇ ዪንቲ ኤራምፔ̇̈ን ቴ ኮያሬ፤ ኢ ኤሊር ዓይዲ ዬይዶኮ ቴ ኢባር ዎልኣ ሉካ̇ራ ዪንታ̇ ቤቃ̇ንዳ።

ኢብ 3:14

ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።

ኢብ 6:18

ዪና̇ ኢዝፌ̈ኒ ጾ̈ሳ̇̈ዲ ላሚንቲ̇ባ̈ሶንኬ ኢ ማቃ̇ንዳብ ዳንዳኢባ̈ሶ ናምኢ ባዛን፤ ኢንታ̇ሬ ታስፋኬ ጫ̈ቃክ ኑ̈ብ ኢሚ̇ኔ፤ ዪን ላ̈ሚንቲ̇ባ̈ሶ ናምኢ ባዛን ጎይባራ ኑ ቲ̈ን ዎ ታስፊን ሚ̈ጛር ና̈ጋንዳብ ዳንዳኣምፔ̈ን ማ̈ዲ ዲጛንዳብ ጾ̈ሳ̇̈ክ ዎጺኖን ኑ̈ኒ ጴች ሚንቲ ዲጚ̈ሬ።

1 ጴጥ 3:9

ዪንታ̇ብ ኢ̈ት ኦ̈ኖ̈ቦ ኢ̈ት ኦ̈ ማሃፒ̇ቴ ዪንታ̇ ቆ̈ኖ̈ዳ ቆ̈ ማሃፒ̇ቴ ዪኒ̇ፖ ኢያ ኣንጂብቴ። ዪንቲ ጼይጊንቲ̇ኖንዳ ዪኒፌ̈ን ኦ̈ሪ ኣንጃ̇ ዲጛ̈ምፔ̈ኒዬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

1 ዋ̈ኒ̇ 2:25

ዪ ኢ ኑ̈ብ ኢሚ̇ኖ ታስፋ̈ዲ ሜ̈ናብ ሼምፓባር ዶኢ።

ዪሁ 1:3

ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።

ሳጻ 3:3

ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።