1 ጢማ̈ 5:8 - ኦራ ጫ̈ቃ ማጻ̈ፋ

⁸ ፌ ዳባ̇ንቦ ማ ዎይፖ ሺ ፌ ኣ̈ሎ ኣሳንቦ ቆፒ̇ባሶ ኣሲ ፌ ኣማ̇ኒን ኣሺ̇ኖ ኣሴ፤ ማ ዉርሲ ኣማ̇ናካ̇ዮ ኣሳፓር ሺ ኢ̈ት ኣሴ።

1 ጢማ̈ 5:8 ပူးပေါင်းရင်းမြစ်များ

ማ̈ቶ̈ሳ 18:17

ኢ ኢንታኮንዳር ሲስካ̇ብዳ ጌዬጌይን ዎ̈ሳ ኬ̈ብ ሶ̈ላቤ፤ ኢ ዎ̈ሳ ኬ̈ንኮ̇ንዳር ሲስካብዳ ጌዬጌይን ናጋራንቻኬ ጾ̈ሳ̇̇ ኤሪባ̈ሶ ኣስፌ̈ን ኢያ ፋይዳር ኣሻ̇ቤ።

ማ̈ቶ̈ሳ 7:11

ዪዚ ዪንቲ̇ ኢ̈ታ ኣስዶሪ ዪንታ̇ ናኣንቦ ኮሽ ባዝ ኢሚ̇̈ርዶን፥ ዪንታ̇ ባ̈ባ̈ ኣፋ ዎ̈ዲ ኢያ ጌሺዛንቦ ዎዛርፌ̈ን ኮሽ ባዝ ሺሻር ኢሚ̇ባሳ?

ዋ̈ኒ̇ሳ 15:22

ቴ ዬ̈ራ ኢንታ̇ብ ሶ̈ላካ̇ይኮ ዎን ኢንታ̇ብ ናጋራ ማ̈ቃ̇ባስዶ̈ን፥ ዓት ኢንቲ̇ ፌ ናጋሪምቦ ኦይጪንታ̇ምባ̇ራ ሶ̈ላር ማሂዝ ባዚ ኢንታ̇ብ ባዬ̇።

1 ቆሮ 6:6

ዓት ዪ̈ዶኮ ኣማ̇ኒኖ ኣሲ ሜላ ኣማ̇ኒኖ ና̈ሳ ሞ̈ታር ኣማ̇ኒባ̈ሶ ኣሳን ቲ̈ን ፊርዳብ ኤጛንዳብ ኮሺ̇̈ራ?

2 ቆሮ 12:14

ቴ ዓት ዪንታ̇̇ክ ሉካ̇ንዳብ ጊ̈ጊንቲ̇ኖንዳ ዓና ዓይዚ̇ ጎይ፤ ቴ ዪንታ̇ ዋ̈ዪንዳብ ኮያባሴ፤ ቴ ዪንታ̇ ኮያ̈ርዶኬ ዪንታ̇ ሚ̈ሺ̇ን ጊዳካ̇ዬ። ፌ ናኣንቦ ቆሊን ሺ̈ሺ̇ዛን ባ̈ባክ ኢንዲክዶኬ፥ ናኣን ፌ ባ̈ባብኬ ፌ ኢንዲብ ቆሊን ሺ̈ሺ̇ባ̈ሴ።

2 ቆሮ 6:15

ክርስቶ̈ሳኬ ሴ̈ጣናክ ኣብዚ ኢንታ ዎል ዬል̈ራ? ኣማ̇ኒዛ̈ዲኬ ኣማ̇ኒባ̈ሶዲክ ኣብዚ ዎል ዳቢ̇̈̇ራ?

ጋላ̈ታ 6:10

ዪ̈ኮታ̇ቦ ኑ̈ኒ ኮሽ̇ ባዝ ኦ̈ንዳቦ ኑ̈ብ ዳንዳኢንቲ̇ኖ ኬል̇ባር ዎይ ኣስ ጌይዛ ዎይ̈ቦ ማ ዎይፖ̇ ሺ ክርስቶ̈ሳ ኣማ̇ኒዝ ኣሳንቦ ኮሽ̇ ባዝ ኦ̈ስቶ።

2 ጢማ̈ 2:12

ኑ̈ኒ ጋርዣር ኢባር ሚ̈ጜጌይን፥ ኢባር ዎልኣ ካውቲ̈ሬ። ኑ ኢያ ካ̈ዴጌይንዶ ኢያር ማ ኑ̈ና ካ̈̈ዲ̈ሬ።

2 ጢማ̈ 3:5

ኢንቲ ኣሲ ኢንታ ቤቃ̇ምባራ ጾ̈ሳ̇ብ ጎሽቲ̇ዛ ማይጺ̈ሬ፤ ዎቲናካር ጾ̈ሳ̇ ዎልቂን ካ̈ዲኔ፤ ዪንፌ̈ኖ ኣሳን ጋልዳፖ ጎታ̇ቤ።

ቲ̈ታ̇ 1:16

“ኑ̈ኒ ጾ̈ሳ̇ ኤሪ̈ሬ” ጋ̈ሪ ኢንቲ̇ ሶ̈ሊ̈ርዶኬ ፌ ኦ̈ሲንባር ኢያ ኢጺ̇̈ሬ፤ ኢንቲ̇ ፌ ኦ̈ሲንባራ ጾ̈ሲ ኢንታ̇ ሺሪንቲ̇ኖን፥ ማ ኪ̈ቲንቲባ̈ሶንኬ ኮሻ̇ ኦ̈ሳ ኦ̈ንዳብ ዳንዳኢባ̈ሶ ኣሴ።

2 ጴጥ 2:1

ሚኖ ኬል̇ባራ ዎ̈ርዣን ጊዳ̇ ማቃ ናቢ ዎንዲፌ̈ኒ፤ ዓት ዪንታ̇ ጊዳ̇ሬ ማቃ ቲሚርታ ታማ̈ርሲዝ ኣሳን ዬይሬ፤ ኢንቲ̇ ኣስ ይሲዝ ማቃ ቲሚርታ ኣሲ ኤራካ̇ዮ ጎይባራ ዎይ ቤስ̇ ዬልሲ̇̈ሬ፤ ኢንታ̇ ፋኖ ጎዳ ካ̈ዳሪ ኤሪንታ̇ካይ ኤሊ̇ባር ዬይዝ ጎይላ ፌ ጋልዳ ኤሄይሬ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።

ሳጻ 2:13

ኔ̈ኒ ሴ̈ይጣና ዶኣዝ ቤሲ̇ን ዋ̈ኒ̇ን ጋርታ̇ ዎን ቴ ኤራ̈ሬ፤ ማ̈ቂናካሬ ቴ ሱምን ኔ̈ኒ ሚ̈ን ኤ̈ኔ፤ ኔ ታ̈ና ኣማ̇ናዚን ኣሻካ̇ዬ፤ ታ̈ቦ ኣማ̇ኒንቲ̇ኖ ማርካ ማ̈ቂ̇ኖ ኣንቲጳሳ ጌይዛ̈ዲ ዪንታ̇ ካታሚን ሴ̈ጣና ኢና ዶኣዚን ጋርታ ኣሳን ኢያ ዎኖ ኬሊ̇ንባራር ኔ ታ̈ና ኣማ̇ናዚን ኣሻ̇ካዬ።

ሳጻ 3:8

ቴ ኔ ኦ̈ሲን ኤራ̈ሬ፤ ቤቃቤ! ኦ̈ናካር ዪብጻ̇ንዳብ ዳንዳኢባ̈ሶ ፊርቂቲ̇ኖ ካራ ኔ ቲ̈ን ጋዲ̇ኔ፤ ኔ ዎልቂን ጊላ̇ ማ̈ቂ̇ኖን ቴ ኤራ̈ሬ፤ ማ̈ቂ̇ናካሬ ኔ̈ኒ ታ ቃ̈ሊን ና̈ጊኔ፤ ታ̈ና ካ̈ዳካ̇ዬ።