1 ጢማ̈ 5:5 - ኦራ ጫ̈ቃ ማጻ̈ፋ

⁵ ኣስኒ ዓይቂ̇ን ኪንባር ሜቲንቲ̇ኖ ኣሲንዳ ፌ ታስፊን ጾ̈ሳ̇ ጋ̈ልዳ ጋዳ̇ራ ጋላሳ̇ሬ ቃማ̇ሬ ጾ̈ሲ ኦዞ ማ̈ዳ̇ምፔ̈ን ዎ̈ሳባር ሚ̈ጛር ዶኣ̈ሬ።

1 ጢማ̈ 5:5 ပူးပေါင်းရင်းမြစ်များ

ሉቃ̈ሳ 18:1

ዬሱ̈ሲ ፌ ታማ̈ራንቦ፥ ኢንቲ̇ ዎይ ጋላስ ሚ̈ጛር ዎ̈ሳንዳብ ኮሻ̇ዚን ኤራምፔ̈ን ሚሳ̇̈ሊ ኢንታ̇ብ ሶ̈ሊ̈ርዶሪ፥

ሉቃ̈ሳ 18:7

ጾ̈ሲ̇ ፌ̈ክ ጋላሲ̇ ቃሚ̇ ዉይሲዝ ፌ ማራ̇ጺኖ ኣሳንቦ ፊርዲ̇ባ̈ሳ? ዓሪ ኢንታ̇ኮን ሲስካ̇ካ̇ይ ኣታ̇ንዳዶ̈ኔ?

ሉቃ̈ሳ 2:37

ኢናፖ̇ ኢዝቦ ላማካይ ታጶ̇ ኦይዲ̇ ላይ ማ̈ቂ̇ዝ ዲራ̈ስ ኣስኒ ባዮ̇ ኣስ ማ̈ቃ̇ ዶኣዴ። ኢዛሬ ጋላሳ̇ር ቃማ̇ር ዎይ ጾ̈ሳ̇̇ ኬ̈ ጋርታ̇ፖ̇ ሺርት ጋ̈ካ̇ይዶ̈ር ጾ̈ማ ዎ̈ሳ̇ ጾ̈ሳ̇̇̈ቦ ጎሽታሙታ̇ዶ̈ር ዶኢኖ ኣሴ።

ሃዋ̈ራታን ኦ̈ሳ 26:7

ጾ̈ሲ̈ ኢሚ̇̈ሬ ጌይኖ ቤሲ̇ን ዬላ̇ንዳቦ ታጶ ናምኢ ኮቻ̈ን ጋላስኬ ቃምኬ ጾ̈ሳ̇̈ቦ ጎሽቲሙታ̇ ና̈ጊ ዎ፤ ካታዶ! ኣይሁዳን ታ̈ና ሞ̈ቲኖንዳ ዪና̇ ኢዝኮታ̇ቦ።

ሃዋ̈ራታን ኦ̈ሳ 6:1

ዪና̇ ኬሊ̇ን ጋርታ ኣማ̇ኒኖ ኣሲ ዎይሊሙታ̇ ዬይን ግሪክ ኖ̈ና ሶ̈ሊዝ ኣይሁዳን ኢብራዪስጣ ኖ̈ና ሶ̈ሊዝ ኣይሁዳን ጋልዳ ጉንዲሚዴ ኣባ ጌዪን ዎይ ጋላስ ፊሽ ቃ̈ጊዝ ጎይ ጋልዳ ኣስኒ ዓይቂ̇ኖ ግሪክ ኖ̈ና ሶ̈ሊዝ ማጫ̇ንስቦ ሜላንባር ዎልፌ̈ን ቃጋ̇ካ̇ይ ኣቲ̇ኖኮታ̇ቦ።

ሃዋ̈ራታን ኦ̈ሳ 9:39

ጴ̈ጥሮ̈ሳሬ ዲንዳ̇ሪ ኢንታ̇ባር ዬይዴ። ኢና ዬላ̇ሪ ኣፋ ፎ̈ቂን ጋልዳ ኢያ ኬሲ̇ዴ፤ ኣስኒ ዓይቂ̇ኖ ማጫ̇ን ዎይ ዶርቃ ኢንታ̇ባር ዎዶራ ኢዛ ኦ̈ኖ ቃሚሳንኬ ሜል ኣፊላን ኢያ ቤይሲሙታ̇ ኢ ቡጊዲንባር ኤቂ̇ዴ።

ሃዋ̈ራታን ኦ̈ሳ 9:41

ኢያር ኢዝ ኩሺን ኤ̈̇ር ዲንዴ ኣማ̇ኒኖ ኣሳንኬ ኣስኒ ዓይቂ̇ኖ ማጫ̇ን ጼይጋር ፋ ኣስ ኢንታብ ኢሚ̇ዴ።

ሮሜ 1:12

ዪና̇ ታ̈ኒ ጋ̈ዚንዳ ታ̈ኒ ዪንታ̇ ኣማ̇ኒንባራ ዪንታ̇ር ታ ኣማ̇ኒንባራ ዎልዎልኣ ሚ̈ንምፔ̈ኔ።

ሮሜ 1:5

ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ።

1 ቆሮ 7:32

ዪዚ ዪንቲ̇ ኣባካባር ቲ̈ራካ̇ይዶ̈ር ዶኣምፔ̇̈ን ቴ ዶሳ̈̇ሬ፤ ማጫ̇ ኤካካ̇ዮ ኣሲ ጎዳ ኡፋይሲ̇ዝ ባዝ ኮዪዛኮታ̇ቦ ፌ ቆፋ ዎይ ጎዳ ኦ̈ሳ ጋልዳ ጋዲ̇̈ሬ።

1 ቆሮ 7:34

ዪዚ ዪኒ̇ጎይባራ ኢ ቆፊንዳ ናምኢ ፋጊንቲ̇ኔ ጌንቴ̇። ዪና̇ ኢዝፌ̈ኒ ኢስታካ̇ዮ ኣሲንዳ̇ሬ ፌ ኣሲቲን ዎይ ጎዳ̈ቦ ኣ̈ ኢማ̇ንዳብ ኮዪዛኮታ̇ቦ ኢዝ ቆፊን ዎይ ጎዳ ኦ̈ሳ ጋልዳ ማ̈ቂ̇̈ሬ። ኢስቲ̇ኖ ማጪ̇ንዳ ፌ ኣስና ኡፋይሳንዳ̇ብ ኮዪዛኮታ̇ቦ ዓኒ̇ ኣላሚን ጋልዶ ባዝ ቆፓ̈̇ሬ።

ኤፍ 6:18

ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።

ፊል 4:6

ጾ̈ሳ̇ ጌሺሙታኬ ኢያ ጋላቲሙታ ዎይባዝ ዎ̈ሳባር ጾ̈ሳ̇̇̈ኮ ሺ̈ሺ̇ብቴዶ̈ኬ ኣባክ ፔቲ ባዛባር ጫና̇ቂንታፒ̇ቴ።

1 ጢማ̈ 2:1

ዪዚ ዎይ ባዛፖ ቲ̈ን ቲ̈ኒታር ቴ ኔ̈ብ ሶ̈ላዚንዳ፥ ኣሲ ዎይቦ ዎ̈ሳኬ ጋላታኬ ጾ̈ሳ̇ ቲ̈ን ሺ̈ቃምፔ̈ኒዬ።

1 ጢማ̈ 5:16

ኣማ̇ኒኖ ፔቲ̇ ኣሲንዳ ኢዝ ኣ̈ላ ጋርታ ኣስኒ ዓይቂ̇ኖ ማጫ̇ን ዎኮ ኢንቲ̇ ዎሳኬን ዋ̈ዪካ̇ዮ̈ዲፌ̈ኒ ኢዛ ኢንታ̇ ማ̈ዶ̇ጋ̈ቤ። ዪዚ ዪኒ̇ባራ ዎ̈ሳ ኬ̈ንዳ ውርሲ ማ̈ዲ̇ዝ ኣሲ ባዮ ኣስኒ ዓይቂ̇ኖ ማጫን ማ̈ዳ̇ንዳብ ዳንዳኣ̈ሬ።

1 ጢማ̈ 5:3

ኣስኒ ዓይቂ̇ን ኪንባር ሜቲንቲ̇ዝ ማ̈ጫን ኢንታ ማ̈ዳ̇ቤ።

2 ጢማ̈ 1:3

ታ̈ኒ ዎይ ጋላስ ጾ̈ሳ̇ ዎሳ̈ርዶራ ኔ̈ና ቆፓ̇ራ ሚን ታ ባ̈ቢንታን ዎቲኖንዲፌ̈ኒ ታ̈ናር ጌ̈ሻ ቡ̈ዳባራ ጎሽቲ̇ዝ ቴ ጾ̈ሳ̇ ጋላታ̈ሬ።

1 ጴጥ 3:5

ፌ ታስፊን ጾ̈ሳ̇ ጋልዳ̇ ጋዲ̇ኖ ሚኖ ጌ̈ሻ̇ ማጫ̇ን ፌ̈ና ጌዚን ቆይሲሲኖ̈ዲ ዪንፌ̈ኖ ባዛንባራ፤ ኢንታ̇ሬ ኣስኒንታ̇ንቦ ኪ̈ቲንቲ̇ኔ።