20 ሜላን ኢ̈ጫ̇ምፔ̈ኒ ና̈ጋራ ኦ̈ኖ ኣሳን ኣስ ዎይ ቲ̈ን ጎይላቤ።
ባዝ ዪና̇ሬ ኤፍሶ̈ና ካታማ ጋርታ ዎ ኣይሁዳንኬ ኣይሁድ ባዮ̇ ኣሳን ሲስካ̇ሪ ዎይ ኢ̈ጪ̇ዴ፤ ዪኒ̇ባራ ጎዳ ዬ̈ሱ̈ሳ ሱምን ዎይሊን ጴች ቦንቺንታ̇ዴ።
ዪኖ̇ ሲስኪ̇ኖ ኣሳን ዎይኬ ዎ̈ሳ ኬ̈ን ዎይ ዎይሊን ኢ̈ጪ̇ዴ።
ሃና̈ኖ ዪና̇ ቃ̈ሊን ሲስኪ̇ኖፖ̇ ዓኒ ኬዳ̇ር ዓይቂ̇ዴ። ዪና̇ ሲስኪ̇ኖ ኣሳን ዎይ ዎይሊን ኢ̈ጪ̇ዴ።
ዪና ጾ̈ሲ ቆፊፌ̈ን ዪንታ̇ ዬሊ̇ኖ ኣዛኒንዳ ዎዛርፌ̈ኖ ሚ̈ንቲ፣ ዎዛርፌ̈ኖ ሶ̈ላር ኣማ̇ንንዳብ ማ̈ቂ̇ዝ ኤራ፣ ዎዛርፌ̈ኖ ጎይል፣ ዎዛርፌ̈ኖ ኢች፣ ዎዛርፌ̈ኖ ሹ̈ና፣ ዎዛርፌ̈ኖ ኮሻ ቂናታ̇፣ ናጋራ ጋልዳ ጾ̈ሲ ፊርዲን ቤቃ̇ንዳቦ ዎዛርፌ̈ኖ ኢና̇ ዪንታ̇̇ብ ኤሄይኖኮ ዪንቲ̇ ቤቂ̇ብቴ፤ ዪንቲ̇ ዪኒ̇ ጎይባራ ጌ̈ሻ̇ን ማ̈ቂ̇ኖን ዎይ ጎይባራ ዪንቲ̇ ማርኪሲኔ።
ኣ̈ፊ ባ̈ዮ ም ኦ̈ሳ ጋርታ ጌሊ ኢና ቡሺንታ̇ፒ̇ቴ፤ ኢዝ ጋርታ ጌሊ ቡሺንታናፖ̇ ኢዞ ፋላ̇ ጋልዳ ኬሳ̇ር ቤይሳንዳብ ኮሺ̇̈ሬ።
ኣሳን ዪን ጊዳ ሄማ̈ኖ̈ሲኬ ኢስኪንዲሮ̈ሳክ ዎ፤ ኢንቲ ጾ̈ሳ̇ ቆ̈ዚን ኣሻ̇ምፔ̈ኒ ቴ ኢንታ ሴ̈ጣናቦ ኣ̈ ኢሚ̇ኔ።
ቃ̈ሊን ሳ̈ባ̇ካቤ፤ ኬሊ̇ን ኮሽኪ̇ናር ኢቲ̇ናር ጊ̈ጊንታ̇ር ዶኣቤ፤ ጴች ዳንዳኣባራኬ ቲሚርታባራ ዎቢ̇ኖ ጺት ዎታቤ፥ ማ ጎይላቤ ሚ̈ንቤ።
ዪ̈ ና̈ሳ̈ዲ ኢንታ ባዝ ማርኪቲኖንዳ ኪን፤ ዪ̈ኮታ̇ቦ ኢንታ ኣማ̇ኒንዳ ኪን ጎይም ጋልዳ ኤቃ̇ምፔ̈ንኬ፤ ኣይሁዳን ሶ̈ላ ፋባ̈ሶ ጋልዳፖ̇ ኢንቲ̇ ጎታ̇ምፔ̈ኒ ማ ኪንን ኢጺ̇ዝ ኣሳን ኪ̈ታ̇ዝ ኪ̈ቲን ሲስካካ̇ዮ̈ድፌ̈ኒ ኢንታ̇ ሚ̈ንር ጎይላቤ።
ዪዚ ኔ̈ኒ ታማ̈ርሳንዳብ ኮሺ̇ዝ ባዛን ዪን፤ ኔ̈ቦ ኢሚንቲ̇ኖ ሲልጣኒንባራ ኮሺንቻ ዞራቤ፤ ጎይላቤ፤ ኦናካ̈ር ኔ̈ና ሌቃፖጋ̈ቤ።
