1 ጢማ̈ 5:10 - ኦራ ጫ̈ቃ ማጻ̈ፋ

¹⁰ ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

1 ጢማ̈ 5:10 ပူးပေါင်းရင်းမြစ်များ

ማ̈ቶ̈ሳ 25:17

ናምኢ ሙኩላ ቢራ ኤኪ̇ኖ̈ዲ ዪና̇ ኢዝፌ̈ኒ ዛልኣሪ ሜላ ናምኢ ሙኩላ ቢራ ቲርፊሲዴ።

ማ̈ቶ̈ሳ 5:16

ዪና̇ ኢዝፌ̈ን ዪንታ̇ ኮሽ ኦ̈ሲን ኣሳን ቤቃ̇ሪ ኣፋ ዎ ዪንታ̇ ባ̈ባ̈ ቦንቻ̇ምፔ̈ኒ ዪንታ̇ ፎኢንንዳ̇ ኣሳ ቲ̈ን ፎ̈ኦጋ̈ቤ።

ሉቃ̈ሳ 7:38

ኢዛ ዬሱ̈ሳክ ጋስ ጎይ ዬ̈ራ ኢ ቶሂን ላፍ ኤቃ̇ር ዬ̈ካ̇ ኣብጻ̇ዚምባራ ኢዝ ኣብን ኢ ቶሂን ጋልዳ ጾኪ̇ን ፌ ቆሚ̇ን ኢሲንንባር ቁቻ̇ር ካሊ̇ሳዴ። ኢናፖ̇ ኢ ቶሂን ዬርቃ̇ ሙታ̇ ሺታ̇ ቆቲሳዴ።

ሉቃ̈ሳ 7:44

ኢናፖ̇ ዓኒ ዬሱ̈ሲ ኣሲንኮ̇ ቢሪንታ̇ሪ ሲሞ̈ናኮ “ዓና̇ ኣሲን ኔ ቤቃ̇̈ራ? ቴ ኔ ኣ̈ል ጌሊን ኔ ታ̈ብ ቶህ ዋ̈ ኢማ̇ካ̇ዬ። ኢዛ ፌ ኣብንባራ ቴ ቶሂን ሻኢንቻ̇ራ ፌ ቆሚ̇ንባር ቁቻ̇ዴ።

ሃዋ̈ራታን ኦ̈ሳ 10:22

ኣሳን ጴ̈ጥሮ̈ሳኮ “ኑ ዬይኖንዳ ቃርናሎ̈ስ ጌይዝ ማታላቃ̈ ኣላፖ̇̈። ኢያሬ̈ ጾ̈ሳ̇̇̈ቦ ኢ̈ጪ̇ዝ ጌ̈ሽ ኣሴ̈። ኣይሁድ ዎርዣ̈ ጋርታ̇ሬ ዎይሊን ቦንቺ̇ንቲኖ̈ ኣሴ። ኔ̈ና ፌ ኣ̈ል ኤሄ̈ሪ ኔ ጋ̈ዚን ሲስካ̇ምፔ̇̈ኒ ጌ̈ሻ̇ ኪታንቻ̇ ኢ̈ብ ሶ̈ሊኔ” ጌይዴ።

ሃዋ̈ራታን ኦ̈ሳ 22:12

“ኢና ሃና̈ና ጌይዛ ፔቲ̇ ኣሲ ዎ፤ ዪ ና̈ሳ̈ዲ ዳማ̈ስቃ ዶኢዝ ኣይሁዳን ዎይንፖ ኣንጂንቲ̇ኖ ኣሴ፤ ሙ̈ሳ ሂጊ̇ን ቦንቺ ጾ̈ሳ̇̈ባር ኢ̈ጪ̇ዝ ኣሴ።

ሃዋ̈ራታን ኦ̈ሳ 6:3

ዪዚ ቴ ዳባ̇ን! ዪንታ̇ ጊዳፖ ጌ̈ሻ̇ ኣያ̇ናባርኬ ኤራባር ኩሚኖ ታብዛ ኣስ ማራ̇ጺብቴ̈። ኑ ዓና̇ ኦ̈ሲን ኢንታ̇ብ ኢማ̇ሪ

ሃዋ̈ራታን ኦ̈ሳ 9:36

ኢዮ̈ጳ̇ ካታሚን ጋርታ̇ ጣ̈ቢታ ጋ̈ዚን ኣማ̇ኒዝ ኣስ ፔታ̇ንዶር ዎ። (ኢዝ ሱምን ግሪ̈ክ ኖ̈ናባር ዶርቃ ጌዪንታ̇̈ሬ) ኢዛሬ ዎይ ጋላስ ሚጛር ኮሽ ባዝ ኦሙታ̇ ዎርባያን ማ̈ዳሙታ̇ ዎ ኣሴ።

ሃዋ̈ራታን ኦ̈ሳ 9:39

ጴ̈ጥሮ̈ሳሬ ዲንዳ̇ሪ ኢንታ̇ባር ዬይዴ። ኢና ዬላ̇ሪ ኣፋ ፎ̈ቂን ጋልዳ ኢያ ኬሲ̇ዴ፤ ኣስኒ ዓይቂ̇ኖ ማጫ̇ን ዎይ ዶርቃ ኢንታ̇ባር ዎዶራ ኢዛ ኦ̈ኖ ቃሚሳንኬ ሜል ኣፊላን ኢያ ቤይሲሙታ̇ ኢ ቡጊዲንባር ኤቂ̇ዴ።

ሮሜ 12:13

ኣማ̇ኒኖ ኣሳን ኢንታ̇ ሜቲን ጋ̈ርታ ኢንታ̇ ማ̈ዲ̇ብቴ፤ ዛቃ̇ ማ̈ቂ̇ ዬይዛን ሞኪ̇ ኤኪ̇ብቴ̇።

ኤፍ 2:10

ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

1 ጢማ̈ 2:10

“ቴ ጾ̈ሳ̇̇̈ቦ ጎሽታ̇̈ሬ” ጌይዝ ማጫ̇ን ዎታንዳብ ኮሻ̇ዚንዲፌ̈ኒ ኮሻ̇ ኦ̈ሳባር ፌ̈ና ጌ̈ዚንጋ̈ቤ።

1 ጢማ̈ 3:2

ዪዚ ዎ̈ሳ ኬ̈ ቲ̈ኒዝ ኣሲ ኢ ጋልዳ ኢ̈ታ ባዝ ሶ̈ሊንቲ̇ባ̈ሶ̈ዳ፣ ማጫ̇ ላጊካ̇ዮ ኣስ፣ ፌ̈ና ኢ̈ታ ባዝ ጋልዳፖ ና̈ጊዝ ኣሲ፣ ቦንቺ̇ንታ̇ር ዶኢዝ ኣሲ፣ ዛቃ̇ ሞኪ̇ዝ ኣስ፣ ታ̈ማ̈ርሳ̇ንዳቦ ኤራ ዎ ኣሲ፣

1 ጢማ̈ 3:7

ኣሲ ኢ ጋልዳ ኢ̈ታ ባዝ ሶ̈ላካ̇ይፌ̈ንኬ ኢ ሴ̈ጣና ጺሂ ጋርታ ጌላካ̇ዮ̈ዲፌ̈ኒ ኣማ̇ናካ̇ዮ ኣሳ̈ን ቲ̈ን ኢ̈ቦ ኮ̈ሽ ሱ̈ም ዶኣንዳብ ኮሺ̇̈ሬ።

1 ጢማ̈ 5:16

ኣማ̇ኒኖ ፔቲ̇ ኣሲንዳ ኢዝ ኣ̈ላ ጋርታ ኣስኒ ዓይቂ̇ኖ ማጫ̇ን ዎኮ ኢንቲ̇ ዎሳኬን ዋ̈ዪካ̇ዮ̈ዲፌ̈ኒ ኢዛ ኢንታ̇ ማ̈ዶ̇ጋ̈ቤ። ዪዚ ዪኒ̇ባራ ዎ̈ሳ ኬ̈ንዳ ውርሲ ማ̈ዲ̇ዝ ኣሲ ባዮ ኣስኒ ዓይቂ̇ኖ ማጫን ማ̈ዳ̇ንዳብ ዳንዳኣ̈ሬ።

1 ጢማ̈ 5:25

ዪና̇ ኢዝፌ̈ኒ ኮሽ ኦ̈ሳር ማ̈ቂ̇ን ፋላ̇ ጋልዳ ቤንቲ̇̈ሬ፤ ኣቺ̈ንታር ዎ ባዚ ዎካሬ ጌ̈ሚቲኖንዲፌ̈ን ኣታ̇ባሴ።

1 ጢማ̈ 6:18

ማ ኢንቲ ኮሽ ኦ̈ሳ ኦ̈ምፔ̈ን፥ ኮሽ ኦ̈ሳባር ዱር ማ̈ቃ̇ምፔ̈ኒ፥ ኢንታብ ዎ ባዝ ሜላንቦ ፋጋ̇ር ኢማ̇ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

2 ጢማ̈ 1:5

ኔ ጋርታ ዎን ኪን ኣማ̇ኒን ታ̈ክ ኤልቅ ጋ̈ሬ፤ ዪኒ̇ፌ̈ኖ ኣማ̇ኒንዳ ቲ̈ን ኔ ኣ̈ኪ̇ን ሎ̈ይዲኬ ኔ ኢንዲን ኣዉ̈ንቃኮ ዎ፤ ማ ዪና̇ ኔ ጋርታር ዎን ቴ ኤራ̈ሬ።

2 ጢማ̈ 2:21

ዪዚ ኣሲ ኦ̈ናካሬ ቴ ዪን ጌይኖ ኢ̈ታ ባዛን ጋልዳፖ ፌ̈ና ጌ̈ሼጌይንዶ ቦንቺንቲ̇ኖ ኦ̈ሳቦ ፌ̈ሽኪዝ፥ ጌ̈ሽ ማ̈ቂ̇ኖ ፌ ጎዳ̈ብ ማ̈ዲ̇ዝ ኮሻ ኦ̈ሳብ ዎይ ጊ̈ጊንቲ̇ኖ ኢቃ ማ̈ቂ̇̈ሬ።

2 ጢማ̈ 3:15

ማ ኔ̈ኒ ናኢቲፖ ኤ̈ራ ዬሱ̈ስ ክርስቶ̈ሳ ኣማ̇ናር ፋጺዝ ጎይ ኤርሲዝ ቲሚርታ ኢሚ̇ዝ ጌ̈ሻ̇ ማጻ̈ፋን ኤሪኔ።

2 ጢማ̈ 3:17

ዪና̇ሬ ጾ̈ሳ̇ ኣማ̇ኒኖ ኣሲ ኮሻ ኦ̈ሳ ዎይቦ ታማ̈ራር ጊ̈ጊንቲ̇ኖ ማ̈ቃ̇ምፔ̈ኒዬ።

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ቲ̈ታ̇ 2:7

ዎይ ባዝባራ ኔ ኔ ቆሚ̇ን ኮሽ ኦ̈ሳ ኦ̈ሙታ ኢንታ̇ብ ሚሳ̇̈ሊ ማ̈ቃ̇ራ ቤይሳቤ፤ ኔ ታማ̈ርሳዝ ቲምርቲንባራር ማ̈ቂ̇ን ኪንኬ ኣማ̇ኒንቲ̇ኖ ኣስ ማ̈ቃ̇ቤ።

ቲ̈ታ̇ 3:1

ኣሲ ዎይ ጋዣንቤኬ ሲልጣ̈ና ዎ ኣሳንቦ ዪርክ ጋ̈ር ኪ̈ቲንታ̇ምፔ̈ንኬ ኮሽ̇ ኦ̈ሳ ዎይ ኦ̈ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ቲ̈ታ̇ 3:8

ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።

ኢብ 10:24

ካንባርኬ ኮሽ̇ ኦ̈ሳባራ ባርካር ዶኣምፔ̈ን ፔታ̇ና̈ዲ ፔታ̇ና ቆፊሳጋ̈ቤ።

ኢብ 13:2

ዛቃ̇ ሞኪ ኤካ̇ዚን ቦቲጛፒ̇ቴ፤ ዪኒፌ̈ን ዛቃ̇ን ሞኪ̇ሙታ ፔቲ̇ ፔቲ̇ ኣሳን ኤራካ̇ይዶሪ ጾ̈ሳ̇̈ ኪታንቻ ሞኪ̇ ኤኪ̇ኔ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

1 ጴጥ 2:12

ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

1 ጴጥ 4:9

ጉንዱማካ̇ይዶሪ ዎልዎልኣ ዛቃ̇ፌ̈ኒ ሞኪ̇ብቴ።

3 ዋ̈ኒ̇ 1:12

ዲማ̈ጥሮ̈ሳቦ ኣስ ዎይ ኮሽ ማርኪቲ̈ሬ፤ ኪንንዳ ኢዛ ፌ̈ቦ ኢ̈ብ ማርኪታ̈ሬ፤ ኑና̈ር ኢብ ማ̈ርኪቲ̈ሬ፤ ኑ ማርኪታዝ ማርኪቲንዳ ኪን ማ̈ቂ̇ኖን ዪንቲ ኤሪ̈ሬ።