1 ጢማ̈ 4:7 - ኦራ ጫ̈ቃ ማጻ̈ፋ

⁷ ጾ̈ሳ̇ቦ ቦንች ማ̈ቂ̇ባ̈ሶ ፋባ̈ሶ ላ̈ፋ ቶሳፌ̈ኖ ሶ̈ላ ጋልዳፖ ጎታ̇ቤ፤ ጾ̈ሳ̇̇̈ቦ ጎሽታ̇ዚን ኔ ኔ̈ና ኤርሳቤ።

1 ጢማ̈ 4:7 ပူးပေါင်းရင်းမြစ်များ

ሃዋ̈ራታን ኦ̈ሳ 24:16

ዪ̈ኮታ̇ቦ ጾ̈ሳ̇̈ ቲ̈ንኬ ኣሳ ቲ̈ን ኮሽ̇ ቆፊ ታ̈ብ ዶኣምፔ̈ን ዎይ ጋላስ ሚ̈ጛሬ።

1 ጢማ̈ 1:4

ቶሳብኬ ዉርሲ ባዮ̇ ዜ̈ር ፋይዳ ጋርታ̇ ማ̈ቃ̇ር ጌላካ̇ዮ̈ዲፌ̈ኒ ኢንታ ኪ̈ታ̇ቤ፤ ዪን ባዛን ዋች ኤሄይርዶኬ ኣማ̇ናባር ኦ̈ዝ ጾ̈ሳ̇ ኦ̈ሳቦ ማ̈ዲ̇ባ̈ሴ።

1 ጢማ̈ 1:9

ማ ሂጎ̇ ኬስኪ̇ኖ̈ዲ ኮሽ̇ ኦ̈ዛንቦ ጊዳካ̇ዮን ኤራንዳ̇ብ ኮሺ̇̈ሬ፤ ሂጎ̇ ኬስኪ̇ኖድ ሂጊ̇ን ና̈ጊባ̈ሶንቤኬ ዉጫንቦ፣ ጾ̈ሳ̇̇̈ቦ ኢ̈ጪባ̈ሶንቦ፣ ናጋራንቻንቦ፣ ጌ̈ሺቲ ባ̈ዮንቦ፣ ጾ̈ሳ̇ ሌቂ̇ዛንቦ፣ ፌ ባ̈ቢኬ ፌ ኢንዲ̇ክ ዎዛንቦኬ ኣስ ዎዛንቦ፣

1 ጢማ̈ 2:10

“ቴ ጾ̈ሳ̇̇̈ቦ ጎሽታ̇̈ሬ” ጌይዝ ማጫ̇ን ዎታንዳብ ኮሻ̇ዚንዲፌ̈ኒ ኮሻ̇ ኦ̈ሳባር ፌ̈ና ጌ̈ዚንጋ̈ቤ።

1 ጢማ̈ 3:16

ኑ ኣማ̇ኒን ኪንንዳ ጴች ማ̈ቂ̇ኖንዶ ኦ̈ናካር ካ̈ዳንዳብ ዳንዳኢባ̈ሴ ዪዳሬ ጾ̈ሲ፦ “ኣስ ማ̈ቃ̇ር ቤንቲ̇ዴ፥ ኪን ማ̈ቂ̇ኖ ኣያ̇ናባር ኤሪንቲ̇ዴ፥ ኪ̈ታንቻ̇ንቦ ቤንቲ̇ዴ፥ ዎርዣ ዎይቦ ሳባ̇ኪንቲ̇ዴ፥ ኣላሚን ጋልዳ ዎ ኣሳን ኢያ ኣማ̇ኒዴ፥ ቦንችባራ ኣፋ ሉኪ̇ዴ” ጋ̈ዚንዶ።

1 ጢማ̈ 4:8

ኣሲ ፌ̈ ጋሊ̇ን ሚ̈ንንዳቦ ኢስፖ̈ርታ ኦ̈ዚንዳ ጊላ̇ ጊዛብ ማ̈ዳ̇̈ሬ፤ ጾ̈ሳ̇ብ ጎሽታዚን ፌ̈ና ኤርሳዚንዳ ዎቲናካሬ ዓቶ̇ ላይን ጋርታ̇ር ማ̈ቂ̇ን ጊዳክ ዬ̈ዝ ላይን ጋርታ̇ሬ ታስፋ ዎኮታ̇ቦ ዎይ ባዛብ ማ̈ዳ̇̈ሬ።

1 ጢማ̈ 6:11

ዪዚ ኔ̈ኒ ጾ̈ሳ̇ ኣሳ̈ዶ! ኔ̈ኒ ዪንፌ̈ኖ ባዛን ጋልዳፖ ጎታ̇ቤ፤ ኔ̈ኒ ጺሊ̇ቲ ጎይን፣ ጾ̈ሳ̇ ማይጻር ዶኣዚን፣ ኣማ̇ና ጎይን፣ ካን ጎይን፣ ዳንዳኣባር ሚ̈ጛዚንዴኬ ኣሽኪቲባራ ዶኣ̈ዚን ኮያቤ።

1 ጢማ̈ 6:20

ጢማ̈ቶ̈ሶ! ዓዳራባራ ኔ̈ቦ ኢሚ̈ንቲኖን ጌዚንር ና̈ጋ̈ቤ፤ ኪን ኤራ ጊዳካ̇ይዶን ኤራ ማይጺዝ ጾ̈ሳ̇ ቦንቺሺባ̈ሶ ዋች̇ ጋልዳፖ ጎታ̇ቤ።

1 ጢማ̈ 6:3

ኪንባር ጾ̈ሳ̇ ጎሽታ̇ዝ ጎይን ኤርሳ̇ዝ ቲሚርቲ̇ንባር ዎል ዬላ̇ዝ ኑ ጎዳ ዬሱ̈ስ ክርስቶ̈ሳ ኮሻ̇ ቃ̈ሊን ኣሻ̇ሪ ማቃ ቲሚርታ ታማ̈ርሲዝ ኣሲ ዎኮ፤

1 ጢማ̈ 6:5

ማ ኢንታ ቆፊን ኢ̈ቲኖ ኣሳንኬ ኪንን ኢንታ ጋልዳፖ ዪኖ ኣሳን ጊዳ ዉሪባሶ ዋች ዲን̈ሬ፤ ዪንፌ̈ኖ ኣሳን ጾ̈ሳ̇ብ ጎ̈ሽታ̈ዚንዶ ሚ̈ሽ ዲጚዝ ጎ̈ይፌ̈ን ፋይዲ̈ሬ።

2 ጢማ̈ 2:16

ጾ̈ሳ̇ ቦንቺሺባ̈ሶ ፋባ̈ሶ ሶ̈ላ ጋልዳፖ ጎታ̇ቤ፤ ዪንፌ̈ኖ ፋባ̈ሶ ሶ̈ላን ጾ̈ሳ̇ ጋልዳፖ ኤሳ ኣስ ጎቲ̇ሲ̈ሬ።

2 ጢማ̈ 2:23

ጎይላ ኤሄዚን ኤራራ ቦ̈ዚቲ ጋልዳፔኬ ፋባ̈ሶ ዋች ጋልዳፖ ጎታ̇ቤ።

2 ጢማ̈ 3:12

ኪንባር፥ ዬሱ̈ስ ክርስቶ̈ሳ ማይጻር ዶኣንዳብ ኮዪዝ ኣሳን ዎይ ሜታ ኢንታ ዬሊ̇̈ሬ።

2 ጢማ̈ 3:5

ኢንቲ ኣሲ ኢንታ ቤቃ̇ምባራ ጾ̈ሳ̇ብ ጎሽቲ̇ዛ ማይጺ̈ሬ፤ ዎቲናካር ጾ̈ሳ̇ ዎልቂን ካ̈ዲኔ፤ ዪንፌ̈ኖ ኣሳን ጋልዳፖ ጎታ̇ቤ።

2 ጢማ̈ 4:4

ዪ̈ኮታ̇ቦ ኪን ባዝ ሲስካ̇ዚን ኣሻ̇ሪ ቶሳፌ̈ኖ ሶ̈ላ ሲስካ̇ንዳብ ኮዪ̈ሬ።

ቲ̈ታ̇ 2:12

ዪና̇ ጾ̈ሳ̇̇ ካንንዳ፥ ኣሲ ናጋ̈ራ ኦ̈ ሙታ̇ ዶኣዚን ጋልዳፖኬ ኣላሚን ዓኒ̇ ጋልዳ ዎ ኢ̈ታ ኢና̇ን ኣሻ̇ሪ ኢ̈ታ ባዝ ጋልዳፖ ፌ̈ና ና̈ጊሙታ̇ ጺሊ̇ቲባርኬ ጾ̈ሳ̇ ማይጻር ዶኣምፔ̈ን ኑ̈ና ታማ̈ርሳ̈ሬ።

ቲ̈ታ̇ 3:9

ማ̈ቂ̇ናካሬ ኔ̈ኒ ዳሻ ኣሳን ዋቺ̇ን ጋልዳፖ፥ ሜላ̇ ኮች ፋይዳዚን ጋልዳፖ፥ ሂጋ̇ ጎይ ዲንዲዝ ጎይላ ጋልዳፖ ጎታ̇ቤ፤ ኣባ ጌይን ዪን ኣባካር ፋባ̈ሶ ባዜ።

ኢብ 5:14

ሚን ፊ̈ሽ ሞ̈ንዳብ ዳንዳኢዛን ዶምዛ ኣሳን፤ ኣባ ጌይን ኢንቲ̇ ቲ̈ናፖ ኤ̈̇ሪ ኮሽ ባዚን ዎኒ̇ኮ ዎይ ኢ̈ት ባዚን ዎኒ̇ኮ ኮሺ̇ንቺ ኤሪዛኮታ̇ቦ።