1 ጢማ̈ 4:6 - ኦራ ጫ̈ቃ ማጻ̈ፋ

⁶ ኔ ዪና̇ ኪ̈ቲንዶ ኣማ̇ኒዝ ኣሳንቦ ኤርሴጌይንዶ ጾ̈ሳ̇ ቃ̈ላባርኬ ኔ ኤ̈ኖ ኮሽ ቲሚርቲ̇ንባራ ዲጪ̇ኖ ኣስ ማ̈ቃ̇ራ ዬሱ̈ስ ክርስቶ̈ሳብ ኮሽ ኦ̈ዝ ኣስ ማ̈ቃ̇̈ሬ።

1 ጢማ̈ 4:6 ပူးပေါင်းရင်းမြစ်များ

ማ̈ቶ̈ሳ 13:52

ኢያር ኢንታ̇ኮ “ዪ̈ኮታ̇ቦ ጾ̈ሳ̇̇ ካ̈ቲቲ̈ኮ ሚስጢራ ኮሺንቺ̇ ኤሪዝ ሂጋ̇ ኣስታማ̈ሪ፥ ፌ̈ብ ዎ ቆሊንን ሺሺ̇ ጋዲ̇ዝ ኬ̈ን ጋርታ̇ፖ ኦራ ማ̈ቂ̇ኖንዲኬ ሲላ ማ̈ቂ̇ኖን ኬሲ̇ ኤሄይዝ ቆሊን ባ̈ባ̈ ማይጺ̈ሬ” ጌይዴ።

ሉቃ̈ሳ 1:3

ታ̈ናሬ ዪና̇ ኢዝፌ̈ኒ ቲ̈ናፖ̇ ኤ̈̇ራ ዎይ ባዝ ኮሺንቻ̇ ቤቂ̇ኖፖ̇ ዓኒ ማ̈ቂ̇ኖ ባዛን ኔ̈ብ ጻ̈ፋንዳብ ኮያዴ።

ሃዋ̈ራታን ኦ̈ሳ 1:15

ዪኒ̇ ኬሊ̇ንባራ ጴ̈ጥሮ̈ሲ ፔቲ̇ ጼ̈ታኬ ላምታም ኣስ ማ̈ቃ̇ምፔ̈ኖ ኣማ̇ኒኖ ኣሳን ጊዳ̇ ኤቃ̇ሪ

ሃዋ̈ራታን ኦ̈ሳ 20:31

ዪ̈ኮታ̇ቦ ዪንቲ̇ ዪንታ ና̈ጊብቴ! ቴ ዓይዚ ላይ ዎይ ቃም̇ኬ ጋላስኬ ዬ̈ካ̇ ኣብጻ̇ሙታ̇ ዪንታ̇ ዞሪኖ ዞሪን ቆፒ̇ብቴ።

ሃዋ̈ራታን ኦ̈ሳ 20:35

‘ዓኒ ኤኪ̇ዛ̈ፖ ጌዳ ኢሚ̇ዛ̈ዲ ኣንጂንቲኖ ኣሴ’ ጋ̈ዚን ጎዳ ዬሱ̈ሳ ቃ̈ሊን ቆፒ̇ ሙታ̇ዶ̈ሪ ኑ ኩሽባር ኦ̈ ሙታ̇ ዳ̈ቡሪኖን ማ̈ዳ̇ንዳብ ኮሻ̇ዚን ዎይሊን ጎይባራ ቴ ዪንታ̇ ቤይሲኔ” ጌይዴ።

ሮሜ 15:15

ፔቲ̇ ፔቲ̇ ባዝ ቴ ዪንታ̇ ኤልቅ ዎታ̇ንዳብ ኮያራ ዓና̇ ኪ̈ቲንዶ ኢ̈ጫካ̇ይዶ̈ር ጾ̈ሲ̇ ታ̈ቦ ኢሚ̇ኖ ኢዲ̇ሊንባራ ቴ ዪንታ̇ቦ ጻ̈ፊኔ።

1 ቆሮ 4:17

ዪኒ̇ ጊሻ̇ቦ ቴ ካዛ̈ዲኬ ኣማ̇ኒንቲ̇ኖ፥ ጎዳባር ታ̈ብ ናኢ ማ̈ቂ̇ኖ ጢማ̈ቶ̈ሳ ቴ ዪንታ̇̇ብ ሚሺኔ፤ ታ̈ኒ ዎይ ቤስ̇ ዎ̈ሳ ኬ̈ ጋርታ̇ ታማ̈ርሳ̇ዚንዲፌ̈ኒ ኢያር ክርስቶ̈ሳ ዎሂን ቴ ዎዛርፌ̈ን ዬሙታ ዎኮ ኢ ዪንታ̇ ቆፊሲ̈ሬ።

2 ቆሮ 11:23

ኢንቲ̇ ክርስቶ̈ሳ ኣሽካራ? (ቴ ዣ̈ሾትፌ̈ን ማ̈ቃ̇ር ሶ̈ላ̈ሬ) ቴ ኢንታ̇ፖ ሺ ክርስቶ̈ሳ ኣሽካ̇ራ። ቴ ኢንታ̇ፖ̇ ሺ ኦ̈ሳባር ዳቡሪኔ፤ ዎይሊን ጎይ ቃቺ̇ንቲኔ፤ ዎይሊን ጎይ ቴ ቡኪ̇ንቲ̇ኔ፤ ዎይሊን ጎይ ዓይቃብ ዬላ̇ር ኣቲ̇ኔ።

2 ቆሮ 3:6

ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።

2 ቆሮ 6:4

ዪኒፖ̇ ኑ̈ኒ ሜታ̇ኬ ዋ̈ያኬ ጋርዣር ጾ̈ሳ̇ ኣሽካራፌን ኑ ኑና ዎይ ጎይባር ቤይሲ̈ሬ።

ኤፍ 6:21

ኣማ̇ኒንቲ̇ኖ ማ̈ቃ̇ሪ ጾ̈ሳ̇ ኦ̈ሳ ኦ̈ዛ ካንቲ̇ኖ ኑ ኢሻ ቲኪቆ̈ሲ ታ ዎዛርፌ̈ን ዎኮ ማ ታ ኣብዝ ኦ̈ ሙታ̇ ዎኮ ታ ባዝ ዎይ ዪንታ̇ብ ሶ̈ሊ̈ሬ።

ፊል 2:20

ዪንታ̇ ባዝ ቡ̈ዳፖ ቆፒ̇ዛ ጢማ̈ቶሳዶኬ ሜላ ኣሲ ኦ̈ናካር ታ̈ብ ባዬ።

ፊል 2:22

ጢማ̈ቶ̈ሲ ቴባራ ናእኬ ባ̈ባክፌ̈ኒ ማ̈ቃ̇ሪ ዎጛላ ኦ̈ሲን ኦ̈ኖንባራ ኢ ኣማ̇ኒንቲ̇ኖ ኣስ ማ̈ቃ̇ር ፌ̈ና ቤይሲኖን ዪንቲ̇ ዎይ ኤሪ̇̈ሬ።

ፊል 3:16

ዪ ማ̈ቂ̇ናካሬ፥ ጾ̈ሳ̇ ኑ̈ና ቤይሲኖ ባዛንቦ ሙታ ኪ̈ቲንቲ̇ሙታ ዶኤጌይንዶ ኑ̈ብ ጊዲ̈ሬ።

ቆላ̈ሳ̈ሳ 2:19

ዪ ና̈ሳ̈ዲ ቆም̇ ማ̈ቂ̇ኖ ክሪቶ̈ሳባር ኣባካር ፔቲቲ ኢ̈ብ ባዬ̇። ጋሊ̇ ዎይ ሻሽ̇ባራ ዎል ዬልሪ ጾ̈ሲ ኢሚ̇ኖ ዲቺ̇ንዲፌ̈ኒ ዲቺ̇ዛ̈ዲ ቆማ̈̇ዳ።

ቆላ̈ሳ̈ሳ 3:16

ክርስቶ̈ሳ ቃ̈ሊን ኩም ዪንታ̇ ጋርታ̇ ዶኣጋ̈ቤ፤ ኤራ ዎይባራ ዎልዎልኣ ታማ̈ርሲብቴ̇፤ ዎል ዎልኣ ዞ̈ሪንቲ̇ብቴ፤ ጋላታ ማዝሙራባራኬ ዎይ ኣይናታ ማዝሙራባራ ጾ̈ሳ̇̇̈ቦ ቡ̈ዳ ጋርታ̇ፖ ዬጺ̇ብቴ።

ቆላ̈ሳ̈ሳ 4:7

ጾ̈ሳ̇ ኦ̈ሳቦ ኣማ̇ኒንቲ̇ኖ፥ ጎዳ ኦ̈ሲን ታባር ዎልኣ ኦ̈ዛ፥ ካንቲ̇ኖ ኑ ኢሻ ቲኪቆ̈ሲ ታባዝ ዎይ ዪንታ̇ብ ሶ̈ሊ̈ሬ።

1 ታሳ 3:2

ዪንታ̇ ሚ̈ንምፔ̈ንኬ ዞራምፔ̈ን ዪንታ̇ኮ ዎጛላ ኦ̈ሲን ጋርታ ኑባር ዎልኣ ጾ̈ሳ̇̇̈ብ ኦ̈ዛ ኑ ኢሻ ጢማ̈ቶሳ ዪንታ̇ቦ ሚሺኔ።

1 ጢማ̈ 1:10

ኦሎላ ጋዲ̇ዛንቦ፣ ኣቲናባር ሱርቂ̇ዝ ኣቲናንቦ፣ ኣስ ኤ̈ ዎ̈ጚዛንቦ፣ ማቃ ማቂ̇ዛንቦ፣ ማቃባር ጫ̈ቂ̇ዛንቤኬ ኪን ቲሚርቲ̇ንባር ዎልፌ̈ን ሉኪ̇ባ̈ሶ ኦ̈ሳ ኦ̈ዛን ዎይንቦ።

1 ጢማ̈ 4:16

ኔ ኔ ቆሚንዴኬ ኔ ታማ̈ርሳዝ ቲሚርቲ̇ንዶ ሚ̈ጛር ና̈ጋቤ፤ ባዛን ዪንባራ ሚ̈ጛቤ፤ ኔ ዪኖ̇ ዎቴጌይንዶ ኔ ቆሚ̇ንዲኬ ኔ̈ኮን ሲስኪ̇ዝ ኣሳን ኔ ፋ̈ሬ።

1 ጢማ̈ 6:3

ኪንባር ጾ̈ሳ̇ ጎሽታ̇ዝ ጎይን ኤርሳ̇ዝ ቲሚርቲ̇ንባር ዎል ዬላ̇ዝ ኑ ጎዳ ዬሱ̈ስ ክርስቶ̈ሳ ኮሻ̇ ቃ̈ሊን ኣሻ̇ሪ ማቃ ቲሚርታ ታማ̈ርሲዝ ኣሲ ዎኮ፤

2 ጢማ̈ 1:6

ዪኒኮታ̇ቦ ታ̈ኒ ቴ ኩ̈ሺን ኔ ጋልዳ ጋዲ̇ን ኔ̈ቦ ኢሚ̇ንቲኖንዲኬ ታማፌ̈ን ኤይታ̇ሙታ̇ ኔ ጋ̈ርታ ዎ ጾ̈ሳ̇ ኪልሲ̇ንዶ ማሃራ ዲንምፔ̈ን ቴ ኔ̈ና ቆፊሳ̈ሬ።

2 ጢማ̈ 3:10

ኔ̈ኒ ዎቲናካሬ ቴ ቲሚርቲ̇ንዶ፣ ቴ ዶኢንዶ፣ ቴ ቆፊንዶ፣ ቴ ኣማ̇ኒንዶ፣ ቴ ዳንዳኢንዶ፣ ቴ ካንንዶ፣ ታ ጋርዢኖ ጋርዢንዶ ኔ ኤሪኔ።

2 ጢማ̈ 4:3

ኣሲ ሼ̈ምፓ ኢማ̇ዝ ቲምርቲ̇ን ኢጺ̇ዚ ኬሊ̇ ዬይሬ፤ ዪኒ̇ፖ ፌ̈ብ ኮሽኪ̇ዝ ባዝሙታ ሶ̈ሊዝ ኣስታማ̈ሪ ፌ̈ብ ሺ̈ሺ̈ሬ።

ቲ̈ታ̇ 2:1

ዎቲናካር ኔ̈ኒ ኪን ማ̈ቂ̇ኖ ቲሚርቲንባር ዎልፌ̈ን ሉኪ̇ዝ ቲሚርታ̇ ታማ̈ርሳቤ።

1 ጴጥ 2:2

ቢርት ዬሊንቲ̇ኖ ናኢ ማ̈ ኡሽካ̇ንዳብ ኢኒ̇ታዚንዲፌ̈ኒ ዪንታ̇ ፋቲንባር ዲጪ̇ሙታ̇ ሉካ̇ንዳቦ ኣያ̇ናባር ዲቻዝ ኮሻ̇ ቲሚርቲ̇ንቦ ኢኒ̇ቲብቴ።

2 ዋ̈ኒ̇ 1:9

ክርስቶ̈ሳ ቲሚርቲ̇ንባራ ሚ̈ጛር ዶኢባ̈ሶ ፌ ኮዪኖ ጎይ ዬዝ ኣሲ ጾ̈ሲ ኢባር ባዬ̇፤ ክርስቶ̈ሳ ቲሚርቲንባር ዶኢዛ̈ዲ ጾ̈ሳ̇ ባ̈ባ̈ዴኬ ና̈ኣዳሬ ኢባር ዶኢ̈ሬ።

ዪሁ 1:5

ባ̈ዛን ዪን ዎይ ዪንቲ ዓኒ̇ፖ ቲ̇ን ታማ̈ራሪ ኤሪኖ ማ̈ቂ̇ናካሬ ጾ̈ሳ̇ ፌ ዎርዣ ጊብጻ ጋዳ ዎን ጋርታፖ̇ ኬሳ̇ሪ ማ ኢንታ̇ ጋርታ̇ፖ ኢባር ኣማ̇ኒንታካ̇ይ ኣቲኖን ይሲ̇ኖንዶ ዪንታ ቆፊሳንዳብ ኮያ̈ሬ።