5 ኣባቦ ጌዬጌይንዶ ጾ̈ሳ̇ ቃ̈ላባርኬ ዎ̈ሳባራ ኣንጂንቲ̇ኖ ማ̈ቂ̇̈ሬ።
ዪንቲ̇ ዋ̈ንጪ̇ን ጋርታ̇ኬ ፊልኢሲን ጋርታ̇ ዎን ዎርባያንቦ ኢሚ̇ብቴ̇፤ ዪኒ̇ፖ ዓኒ ዎይ ባዝ ዪንታ̇ብ ጌ̈ሽ ማ̈ቂ̇̈ሬ።
ዬሱ̈ሲ ኢ̈ኮ “ ‘ኣሲ ሼምፓባር ዶኢዛ̈ዲ ፊ̈ሻባር ሙታ̇ ጊዳካ̇ዬ’ ጋ̈ር ጻ̈ፊንቲ̇ኔ” ጋ̈ር ማሂዴ።
ኣማ̇ናካዮ ኣስና̈ዲ ፌ ማጪ̇ን ጎይባራ ጾ̈ሳ̇ ኣማ̇ናንዳ ዳንዳኢ̈ሬ፤ ኣማ̇ናካዮ ማጪ̇ንዳሬ ፌ ኣስና ጎይባራ ጾ̈ሳ̇̇ ኣማ̇ናንዳ ዳንዳኣ̈ሬ፤ ዪኒፌ̈ን ዎታካ̇ይ ኣቴጌዪን ኢንታ ናኣን ጾ̈ሳ̇ ኣማ̇ኒዝ ኣስ ማ̈ቂ̇ባሴ፤ ዪኒ̇ፌ̈ን ዎልኣ ፔታ̇ን ማ̈ቃ̇ር ዶኤጌይን ዪንታ̇ ናኣን ጾ̈ሳ̇ ኣማ̇ኒዝ ኣስ ማ̈ቂ̇ሬ።
ዪንፌ̈ኖ ኣሳን ኣቲናር ማጫ̇ ኤካካ̇ይፌ̈ኒ ማጫ̇ር ኢስታካ̇ይፌ̈ኒ ካዪ̈ሬ፤ ኣማ̇ኒዛንኬ ኪንን ኤሪዛ̈ን ጾ̈ሳ̇ ኮቺ̈ኖ ፊ̈ሺን ኢያ ጋላቲሙታ ሞ̈ዚንዶ ሞ̈ካ̇ይፌ̈ኒ ካዪ̈ሬ።
ጌ̈ሽ ኣሳንቦ ዎይ ባዚ ጌ̈ሼ̇፤ ናጋራንቻንብኬ ኣማ̇ኒባ̈ሶ ኣሳንቦ ኢንታ̇ ቆፊንዳር ኢንታ̇ ቡ̈ዲንዳ̇ሬ ጌ̈ሽ ጊዳካ̇ዮኮታ̇ቦ ኢንታ̇ቦ ዎይ ባዚ ጌ̈ሽ ጊዳካ̇ዬ።
ኣላሚንዳ ጾ̈ሳ̇ ቃ̈ላባራ ኮቺንቲ̇ኖን ኑ ኤራዚንዳ ኣማ̇ናባራ፤ ዪ̈ኮታ̇ቦ ኣ̈ፍባር ቤንቲ̇ዝ ባዚ ዎይ ኣ̈ፍባር ቤንቲ̇ባ̈ሶ ባዝ ጋልዳፖ ኮቺንቲ̇ኖን ኑ ኤሪ̈ሬ።
