1 ጢማ̈ 4:3 - ኦራ ጫ̈ቃ ማጻ̈ፋ

³ ዪንፌ̈ኖ ኣሳን ኣቲናር ማጫ̇ ኤካካ̇ይፌ̈ኒ ማጫ̇ር ኢስታካ̇ይፌ̈ኒ ካዪ̈ሬ፤ ኣማ̇ኒዛንኬ ኪንን ኤሪዛ̈ን ጾ̈ሳ̇ ኮቺ̈ኖ ፊ̈ሺን ኢያ ጋላቲሙታ ሞ̈ዚንዶ ሞ̈ካ̇ይፌ̈ኒ ካዪ̈ሬ።

1 ጢማ̈ 4:3 ပူးပေါင်းရင်းမြစ်များ

ማ̈ቶ̈ሳ 14:19

ዪኒ̇ፖ ዎሃ ዎርዣ̈ዳ ቡጫ ጋልዳ ዶኣምፔ̈ን ኪ̈ቲ̇ዴ። ኢናፖ̇ ኢሺ̇ን ሶ̈ሊ̇ንዲኬ ናምኢ ሞላን ዲን ኤካ̇ሪ ፉዳ ሾክ ጋር ኣፋ ቤቃ̇ሪ ጋላታ ዎ̈ሳ ዎ̈ሲ̇ዴ፤ ሶ̈ሊ̇ን ዳርሳ̇ሪ ፌ ታማ̈ራንቦ ኢሚ̇ዴ፤ ኢንታ̇ሬ ዎርዣ ቃጊ̇ዴ።

ማ̈ቶ̈ሳ 15:11

ኣስ ቄዛ̈ዲ ኣሳ ኖ̈ና ጋርታ̇ፖ̇ ኬስኪ̇ዝ ኢ̈ታ̇ ባዝዶኬ ኣሳ ኖ̈ኒታ̇ ጌሊዝ ባዚ ኣስ ቄባ̈ሴ” ጌይዴ።

ማ̈ቶ̈ሳ 15:36

ታብዛ ሶ̈ላ̇ንኬ ሞላን ዲን ኤካ̇ሪ ጾ̈ሳ̇̇ ጋላቲኖፖ̇ ዓኒ ዳርሲ̇ ዳርሳ̇ሪ ፌ ታማ̈ራንቦ ኢሚ̇ዴ። ኢ ታማ̈ራንሬ ዎርዣ ቃጊ̇ዴ።

ሉቃ̈ሳ 24:30

ኢ ኢንታ̇ባር ዎልኣ ኢራ̈ታ ሞ̈ንዳብ ዶኢኖን ጋርታ̇ ኢ ሶ̈ሊ̇ን ኤካ̇ር ጾ̈ሳ̇̇ ጋላታር ዳርሳር ኢንታ̇ብ ኢሚ̇ዴ።

ዋ̈ኒ̇ሳ 6:23

ኢናፖ̇ ዓኒ ሜላ ጎጛን ጢብራ̈ዶ̈ሳፖ̇ ዲንዳ̇ሪ ዬሱ̈ሲ ጋላታ ዎ̈ሳ ዎ̈ሳሪ ዎርዣ ሶ̈ላ̇ ሙሲኖ ቤሲ̇ን ላፍ ዬይዴ።

ሃዋ̈ራታን ኦ̈ሳ 27:35

ዪኖ̇ ጌይኖፖ ዓኒ ሶ̈ላ̇ ኤካ̇ሪ ዎይን ቲ̈ን ጾ̈ሳ̇ ጋላቲዴ፤ ኢናፖ ዳርሳር ሙንት ኤ̈̇ዴ።

ሮሜ 14:17

ጾ̈ሳ̇ ካ̈ቲቲንዳ ጌ̈ሻ ኣያ̈ናባራ ቤንቲ̇ዝ ጺሊ̇ቲባዝ፥ ሳሪቲ ባዝኬ ኡፋይስባዝዶ̈ኬ ሙ̈ንትባዝኬ ኡሽ̇ ባዝ ጊዳካ̇ዬ።

ሮሜ 14:3

ዎይ ባ̈ዝ ሙ̈ይዝ ና̈ሳ̈ዲ ዎይ ባዝ ሞ̈ባሶ̈ዳ ሌቃ̇ፖጋቤ፤ ዎይ ባዝ ሞ̈ባሶ̈ዲ ዎይ ባዝ ሙይዛ ና̈ሳ ጋልዳ ፊርዳፖ̇ጋ̈ቤ፤ ኣባ ጌይን “ዎይ ባዝ ሙይን ኣባክ ባዬ̇” ጌይዝ ና̈ሳ̈ዳር ማ̈ቂ̇ን ጾ̈ሲ̇ ኢያ ኢጺ̇ባ̈ሴ።

ሮሜ 14:6

ፔቲ ቃ̈ሚን ሜላ ቃማ̇ንፖ ሺ ማሃሪ ቦንቺ̈̇ርኮ ኢ ኢዞ ፌ ጎዳ ቦንቻ̈̇ንዳቦ ጋ̈ሪ ዎቲ̈ሬ፤ ፊ̈ሽ ጌዪዛ ዎይ ሙይዛድ ኢ ኢዞ ሞ̈ሪ ጾ̈ሳ̇ ጋላቲዛኮታ̇ቦ ፌ ጎዳ ቦንቻ̇ብ ሙይሬ፤ ዎይ ፊሽ ሞ̈ባሶ̈ዳሬ ፌ ጎዳ ቦንቻ̇ቦ ጋ̈ሪ ሞ̈ባሴ፤ ዪኒ̇ቦ ኢ ጾ̈ሳ̇ ጋ̈ላቲ̈ሬ።

1 ቆሮ 6:13

ዪንቲ̇ “ፊሺ̈ ሚላ̇ቦ፥ ሚላ̈ር ፊሻብ ዎ” ጌይሬ ዪዚ ጾ̈ሲ ፊ̈ሻር ሚላ̇ር ዎይ ይሲ̇̈ሬ፤ ዎቲናካሬ ኑ ኣሲቲንዳ ኦሎላብ ጊዳካ̇ይዶን ጎዳ̈ብ ኦ̈ንዳብ ዎ፤ ጎዳ̈ዳሬ ኑ ኣሲቲምቦ ኮሺ̇ዝ ባዝ ኦ̈ሬ።

1 ቆሮ 7:28

ቴ ዪና̇ ጋ̈ዚንዳ ኔ̈ኒ ማጫ̇ ኤኬ̇ጌይንዶ ኔ̈ብ ናጋራ ማ̈ቂ̇̈ሬ ጌንት ጊዳካ̇ዬ፤ ማ ዉዲሪንዳ ኢስቴጌይን ኢዝቦ ናጋራ ማ̈ቂ̇̈ሬ ጌንት ጊዳካ̇ዬ፤ ማ̈ቂ̇ናካሬ ማጫ̇ ኤኪ̇ዛን ዎይ ኢስቲ̇ዛን ዓኒ̇ ዓላሚን ጋልዳ ዎይሊን ሜታ ኢንታ̇ ዬሊ̇̈ሬ፤ ቴ ኢኒ̇ንዳ ዪንቲ̇ ዪኒፌ̈ኖ ሜቲን ጋልዳፖ̇ ቡ̈ታ̇ምፔ̈ኔ።

1 ቆሮ 8:8

ዎቲናካሬ ፊሺ ኑ̈ና ጾ̈ሳ̇̇̈ባር ዳቢባ̈ሴ፤ ኑ ሞ̈ካ̇ይ ኣቴጌይናር ኑ ጋልዳፖ ዲሪጚዝ ባዚ ባዬ̇፤ ኑ ሞ̈ራር ጉ̈ጂዝ ባዚ ባዬ̇።

ቆላ̈ሳ̈ሳ 2:16

ዪዚ ዪንታ̇ጋልዳ ኣሲ ኦ̈ናካሬ ሙንት ጎይባርኬ ኡሽ ጎይባራ፣ ዎይ ባ̈ል ቦንቺ̇ዝ ጎይ ዎይ ኣጋኒ ጼ̈ሪኖ ቃሚ̇ን ቦንቺ̇ዝ ጎይኬ ሳምባታ ቦንቺ̇ዝ ጎይ ዪንታ̇ ጋልዳ ፊርዳፖጋ̈ቤ።

ቆላ̈ሳ̈ሳ 3:17

ዬሱ̈ስ ክርስቶ̈ስ ጎይባራ ጾ̈ሳ̇ ባ̈ባ ጋ̈ላቲሙታ̇ዶ̈ሪ፥ ቃ̈ላባራር ማ̈ቆ̇ ኦ̈ሳባራ፥ ዪንቲ ኦ̈ዝ ባዛን ዎይ ጎዳ ዬሱ̈ስ ክርስቶ̈ስ ሱ̈ምባራ ኦ̈ብቴ፤ ማ ኢ ጎይባራ ጾ̈ሳ̇ ባ̈ባ̈ ጋ̈ላቲብቴ።

1 ጢማ̈ 2:4

ጾ̈ሲ ኮዪዛ̈ዲ ኣ ዎይዲ ፋጻምፔ̈ንኬ ኪንን ኤራምፔ̈ኒዬ።

1 ጢማ̈ 4:4

ዎቲናካሬ ጾ̈ሲ ኮቺ̇ኖ ባዚ ዎይ ኮሽ̇ ማ̈ቂ̇ኖኮታ̇ቦ ጾ̈ሳ̇ ጋላታር ኤኬ̇ጌይንዶ ኢዝ ጋርታ̇ ቶጚንቲዝ ባዚ ባዬ።

1 ጢማ̈ 5:14

ዪዚ ዪ̈ኮታ̇ቦ ኣስኒ ዓይቂ̇ኖ ናኢቲ ማ̈ቂ̇ኖ ማጫ̇ን፥ ኑ̈ና ኢጺ̇ዝ ኣሳን ኢንታ ሱምን ኢ̈ታ ባዝባር ይሳካ̇ይፌ̈ኒ ኢስታ̇ሪ ናኢ ዬላሪ ፌ ኣ̈ሊን ኮሺንቺ ኣቂሳምፔ̈ኒ ቴ ኢንታ ዞራ̈ሬ።

ኢብ 13:4

ኣስኒኬ ማቺ̇ኬ ዎልዎልኣ ፔታ̇ና ፔታ̇ና̈ቦ ኣማ̇ኒንቲኖ ማ̈ቃ̇ሪ ዎይ ፌ ኣ̈ሊን ቦንቾጋ̈ቤ። ኦሎላ ጋዲ̇ዛንኬ ፌ ኣ̈ላብ ኣማ̇ኒንቲ̇ባሶን ጋልዳ ጾ̈ሲ ፊርዲ̇̈ሬ።

ኢብ 13:9

ኤሪንታ̇ካዮ ዱማ ዱማ ኦራ ቲሚርታ̇ባር ካ̈ቲንታ̇ር ሉካፒ̇ቴ፤ ኑ ቡ̈ዲንዳ ፊ̈ሻ ዎጋ ና̈ጋባር ጊዳካይዶን ጾ̈ሳ̇̈̇ ኪልስባር ሚ̈ጚኖኮ ኮሼ̇፤ ዪኖ̇ ፊ̈ሻ ዎጊን ና̈ጊዝ ኣሳን ኣባካር ጻቃ̇ሚንታካ̇ዬ።