1 ጢማ̈ 3:2 - ኦራ ጫ̈ቃ ማጻ̈ፋ

² ዪዚ ዎ̈ሳ ኬ̈ ቲ̈ኒዝ ኣሲ ኢ ጋልዳ ኢ̈ታ ባዝ ሶ̈ሊንቲ̇ባ̈ሶ̈ዳ፣ ማጫ̇ ላጊካ̇ዮ ኣስ፣ ፌ̈ና ኢ̈ታ ባዝ ጋልዳፖ ና̈ጊዝ ኣሲ፣ ቦንቺ̇ንታ̇ር ዶኢዝ ኣሲ፣ ዛቃ̇ ሞኪ̇ዝ ኣስ፣ ታ̈ማ̈ርሳ̇ንዳቦ ኤራ ዎ ኣሲ፣

1 ጢማ̈ 3:2 ပူးပေါင်းရင်းမြစ်များ

ሉቃ̈ሳ 1:6

ኢንቲ̇ ዎልኣ ጾ̈ሳ̇̇̈ቦ ኪ̈ቲንቲ፣ ጾ̈ሳ̇̇ ሂጊ̇ን ዎይ ና̈ጊ፣ ጌ̈ሺቲባር ጾ̈ሳ̇̇ ቲ̈ን ዎ ኣሴ።

ሉቃ̈ሳ 2:36

ማ ኣሴ̈ር ዜር ማ̈ቂ̇ኖ ፋ̈ኖ̈ላ ናኢን ሃ̈ና̇ ጋ̈ዝ ናቢንዳ̇ር ኢና ዎ። ኢዛር ዎይሊን ጪጚኖ ኣስዶ̈ራ ዉዲርባር ኢስቲኖ ፌ ኣስናባር ታብዛ ላይ ሙታ̇ ዶኢኖ ኣሴ።

ሮሜ 12:13

ኣማ̇ኒኖ ኣሳን ኢንታ̇ ሜቲን ጋ̈ርታ ኢንታ̇ ማ̈ዲ̇ብቴ፤ ዛቃ̇ ማ̈ቂ̇ ዬይዛን ሞኪ̇ ኤኪ̇ብቴ̇።

ፊል 2:15

ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

1 ጢማ̈ 3:12

ዳ̈ቆናን ማጫ̇ ላጊ̇ካ̇ዮ ኣስ ማ̈ቃንዳቦ ኮሺ̈̇ሬ፤ ማ ፌ ናኣንኬ ፌ ኣ̈ሊን ኮሺንቺ ኣቂሳንዳብ ኮሺ̇̈ሬ።

1 ጢማ̈ 3:8

ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።

1 ጢማ̈ 4:3

ዪንፌ̈ኖ ኣሳን ኣቲናር ማጫ̇ ኤካካ̇ይፌ̈ኒ ማጫ̇ር ኢስታካ̇ይፌ̈ኒ ካዪ̈ሬ፤ ኣማ̇ኒዛንኬ ኪንን ኤሪዛ̈ን ጾ̈ሳ̇ ኮቺ̈ኖ ፊ̈ሺን ኢያ ጋላቲሙታ ሞ̈ዚንዶ ሞ̈ካ̇ይፌ̈ኒ ካዪ̈ሬ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

1 ጢማ̈ 5:22

ኦ ጋልዳካር ማ̈ቂ̇ን ኔ ኩ̈ሽ ጋ̈ዳራ ሹ̈ማንዳ̈ቦ ባርቢታ̇ፔ፤ ኔ ኔ̈ና ጌ̈ሺ̇ቲባር ና̈ጋብዶኬ ሜ̈ላን ናጋሪን ጋርታ̇ ጌላፔ።

1 ጢማ̈ 5:9

ኢዝቦ ሌሂ ታጳ ላይ ኩማካ̇ዮ ኣስኒ ዓይቂ̇ኖ ማ̈ጪንዶ ኣስኒ ዓይቂ̇ኖ ማጫ̇ን ጻ̈ፊንቲ̇ዝ ማጻ̈ፋ ጋልዳ ኢዝ ሱምን ጻ̈ፋፔ̇፤ ማ ኢዝ ሱምን ጻ̈ፊንታ̇ዝ ኣሲንዳ ዓኒፖ̇ ቲ̈ን ፔቲ̇ ኣስ ኣ̈ል ሙታ̇ ኢስቲ̇ኖ ኣስ ማ̈ቃ̇ንዳብ ኮሻ̇̈ሬ።

2 ጢማ̈ 2:24

ጎዳ ዬሱ̈ሳቦ ኣይላ ማ̈ቂ̇ኖ ኣሲ ዎይ ኣሳ ቲ̈ን ኣሽካ፥ ታማ̈ርሳንዳ̇ቦ ዳንዳኢዛዲኬ ዳንዳኣ ኢ̈ብ ዎ ኣስ ማ̈ቃ̇ንዳቦ ኮሺ̈ርዶኬ ኣሳባር ጎይል ጎይሊዝ ኣስ ማ̈ቃ̇ንዳብ ኮሺ̇ባ̈ሴ።

ቲ̈ታ̇ 2:2

ዶምዚኖ ኣቲናን፥ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዛን፣ ኣማ̇ናባራ፣ ዳንዳኣባርኬ ካ̈ንባራ ዶኢዝ ኣስ ማ̈ቃ̇ምፔ̈ኒ ኢንታ ዞራቤ።

ኢብ 13:2

ዛቃ̇ ሞኪ ኤካ̇ዚን ቦቲጛፒ̇ቴ፤ ዪኒፌ̈ን ዛቃ̇ን ሞኪ̇ሙታ ፔቲ̇ ፔቲ̇ ኣሳን ኤራካ̇ይዶሪ ጾ̈ሳ̇̈ ኪታንቻ ሞኪ̇ ኤኪ̇ኔ።

ኢብ 3:14

ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

1 ጴጥ 4:9

ጉንዱማካ̇ይዶሪ ዎልዎልኣ ዛቃ̇ፌ̈ኒ ሞኪ̇ብቴ።

1 ጴጥ 5:8

ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇፥ ማ ባርኪብቴ! ዪንታ̇ ጻላ̈ታ ሴ̈ጣኖ ቆ̈ዝባዝ ኮያሪ ዲ̇ዝ ዞብፌ̈ኒ ዪንታ̇ ቡጉዳባራ ቢሪንቲ̇̈ሬ።