4 ጾ̈ሲ ኮዪዛ̈ዲ ኣ ዎይዲ ፋጻምፔ̈ንኬ ኪንን ኤራምፔ̈ኒዬ።
ዪዚ ዪንቲ̇ ሳ̈ዝ ጋልዳ ዎ ዎርዣ ዎይ̈ኮ ሉ̈ኪ̇ብቴ። ሉካ̇ር ባ̈ባ፣ ናኣ፣ ጌ̈ሻ̇ ኣያ̇ና ሱምባራ ኢንታ ጻማቂሙታ̇፥ ቴ ዪንታ̇ ኪቲ̇ኖ ባዛን ዎይ ፎታ̇ምፔን ኢንታ̇ ታማ̈ርሲሙታ̇፥ ታ̈ብ ታማ̈ሪ ማሂብቴ̇። ታ̈ናሬ ኣላሚን ዉርሲን ዬሊ̇ዝ ዲራ̈ስ ዎይ ጋላስ ዪንታ̇ባር ዎ” ጌይዴ።
ኢናፖ̇ ኢንታ ኪ̈ቲ̇ርዶ̈ሪ “ሳ̈ዝ ኤ̈ሻ̇ ዎይ ጋልዳ ሉኪ̇ብቴ፤ ዎጛሊንዶ ኣሳ ዎይ̈ቦ ሶ̈ሊብቴ፥
ዎርዣ ፌ ናጋራ ቡ̈ጻር ማ̈ሪቲ ዲጛር ፋጺዝ ኤራ ኢንታ̇ብ ኢማ̇̈ሬ።
ላ̈̈ዲ ፌ ኣይላ̈ኮ ‘ኔ ኮካ̇ ጋልዳኬ ጌዳ ጋጻራ ኤ̈ጚዝ ጎይ ጋልዳ ሉካ̇ቤ፤ ቴ ኬ̈ን ኩማንፌ̈ኒ ኔ ኣ̈ፊታ̇ ቤንቲ̇ኖ ኣስ ዎይ ኤካ̇ ዬ̈ር ጌልሳ̇ቤ።
ማ̈ሪቲ ጌሌጌይንዶ̇ ዪንታ̇ ናጋራ ዪንታ̇ብ ኣቶ̇ ጌይንታ̇̈ሬ ጋ̈ዝ ሲብካ̇ቲንዳ̇ ዬሩሳ̈ላማፖ̇ ኤ̈̇ራ ዎርዣ ዎይ̈ቦ ኢ ሱምባራ ሳባ̇ኪንታ̇̈ሬ’ ጋ̈ዚንዳ ቲ̈ኒታር ጌ̈ሻ̇ ማጻ̈ፋ ጋልዳ ጻ̈ፊንቲ̇ኔ።
ዬሱ̈ሳሬ ኢ̈ኮ “ኣሳቦ ኪንን ቤይሲዛ̈ዲኬ ሼምፓ ኢሚ̇ዝ ጎይ ታ̈ና፤ ቴ ባጋ̇ባር ማ̈ቃካ̇ይ ኣቴጌይን ሜላ ኦ ጎይባርካር ማ̈ቂ̇ን ቴ ባ̈ባ̈ኮ ዬይዝ ኣሲ ኦ̈ናካር ባዬ̇።
ኔ̈ ኢንታ̇ ኔ ኪን ቃ̈ሊምባ̇ር ጌ̈ሻ̇ቤ፥ ኔ ቃ̈ላዲ ኪን።
ቴ ባ̈ባ ታ̈ብ ኢሚ̇ኖ ኣሲ ዎይ ታ̈ክ ዬይሬ፤ ታ̈ክ ዬይኖን ቴ ኢንታ̇ ዛ̈ና ኬሳ̇ ሚሻባሴ።
ዪና̇ ቴ ዎቲንዳ ቴ ዜርን ኣይሁዳን ቃና̇ኢሳንዳቦ። ዪዚ ዪኒ̇ባራ ኢንታ̇ ጋርታ̇ፖ ፔታ̇ን ፔታ̇ናን ፋንዳብ ዳንዳኣስታ ጋ̈ራ ዎቲኔ።
ዪዚ ዪኒ̇ቦ ጋ̈ሪ ኑ ዋ̈ዪ ዳ̈ቡሪሬ፤ ዪ̈ዳሬ ኣስ ዎይዳ ማ ዎይፖ ሺ ኣማ̇ኒዝ ኣሳን ፋዛ ሼምፓባር ዶኢዝ ጾ̈ሳ̇ ጋልዳ ታስፋ ጋዲ̇ኖኮታ̇ቦ።
ኢያ ኢጺ̇ዝ ኣሳንቦ ኢ ቡ̈ዳ ዳልግ ማ̈ቃ̇ር ታማ̈ርሲ ማሃንዳብ ኮሺ̈ሬ፤ ኦ ኤሬ ኢንቲ ኪንን ኤራምፔ̈ን ጾ̈ሳ̇ ኢንታ̇ብ ማ̈ሪቲ ጌላምፔ̈ን ዎታንዳብ ዳንዳኢ̈ሬ።
ዪንፌ̈ኖ ማጫ̇ን ዎይ ጋላስ ታማ̈ሪ̈ሬ፤ ዎቲናካር ኪንን ኣብዝኮ ኤራንዳብ ዳንዳኢባ̈ሴ።
ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖ ጾ̈ሳ̇ ኣይላ፥ ጾ̈ሳ̇̈̇ ማራ̇ጺ̇ኖ ኣሳን ሚ̈ንንዳብኬ ኪን ኣማ̈ና ጎይን ኤርሳምፔ̈ን ሹ̈ሚንቲ̇ኖ ታ ጳ̈ውሎ̈ሳ ጋልዳፖ ጻፊንቲ̇ኖ ኪ̈ታ፦
ኣባ ጌይን ኣስ ፋ̈ዝ ጾ̈ሳ̇ ካንንዳ ኣስ ዎይቦ ቤንቲ̇ኔ፤
ኑ̈ኒ ኪንን ኤሪኖፖ ዓኒ ኤራሪ ናጋራ ኦ̈ጌይን ዓኒ̇ፖ̇ ጌዳ ናጋራኮታ̇ቦ ሺ̈ቂዝ ዣርሻ ኣባካር ዶኢባ̈ሴ።
ዪንታ ጋርታ̇ ኢ̈ት ቂና̈ታኬ ዎይ ባዝ ታ̈ብ ማ̈ቆ̇̈ ጌይዝ ባዝ ዎኮ̈፥ ዪኒ̇ፌ̈ኖ ቆፊን ኤ̈̇ር ኦቲርቃፒ̇ቴ፤ ኪንን ኪን ባዬ̇̈ ጋ̈ፒ̇ቴ።
ፔቲ̇ ፔቲ̇ ኣሳን ቆፓ̇ዚንዲፌ̈ኒ ጎዳ ሶ̈ሊኖ ታስፋ ቃ̈ሊን ፎታንዳቦ ጋምኢባ̈ሴ፤ ዎቲናካር ኣሲ ዎይ ማ̈ሪቲባር ማ̈ቃ̇ምፔ̈ንኬ ኦ̈ናካር ያካ̇ይፌ̈ኒ ኮያሪ ዪንታ̇ኮታ̇ቦ ጋርዢኔ።
ታ ሙታ̇ ጊዳካ̇ይዶን ኪንን ኤሪዛን ዎይ ኢንታ ካዛን ማራ̇ጺንቲ̇ኖ ጎዳቲ̇ንዲኬ ኢዝ ናኣንቦ ታ ዶምዛ ጻ̈ፋ ሚሺኖ ኪ̈ታ፦
ዪኒ̇ፖ ዓኒ ሳ̈ዝ ጋልዳ ዶኢዝ ዎርዣቦ፣ ኣሳ ዜርቦ፤ ዱማ ዱማ ኖ̈ና ሶ̈ሊዛንኬ ዱማ ዱማ ኮቻንቦ ዎይ ሜናብ ዶኣዝ ዎጛሊን ኤ̈ኖ ሜላ ኪ̈ታንቻ ኣፋ ፋራምባር ቴ ቤቃ̇ዴ።
