1 ጢማ̈ 1:15 - ኦራ ጫ̈ቃ ማጻ̈ፋ

¹⁵ “ዬሱ̈ስ ክርስቶ̈ሲ ናጋራንቻ̇ን ፋንዳቦ ኣላሚን ዓኒ ጋ̈ላዳ ዬይዴ” ጋ̈ዝ ቃ̈ሊን ኪንኬ ኣሲ ዎይ ኣማ̇ናንዳብ ኮሺ̇ዝ ቃ̈ላ፤ ናጋራንች ዎይንፖ ሺ ናጋራንቻ ታ̈ና።

1 ጢማ̈ 1:15 ပူးပေါင်းရင်းမြစ်များ

ማ̈ቶ̈ሳ 1:21

ኢዛ ኣቲና ናኢ ዬላ̈ሬ፤ ኢያሬ ዎርዣ ናጋራ ጋርታፖ̇ ፋዛኮታ̇ቦ ኢ ሱ̈ም ዬሱ̈ሳ ጌያ ጋዳ̇ቤ” ጌይዴ።

ማ̈ቶ̈ሳ 18:10

ኢንታ̇ ና̈ጋምፔ̈ን ኪ̈ቲንቲ̇ኖ ኪ̈ታንቻ̇ን ኣፋ ዎ ቴ ባ̈ባ̈ ቲ̈ን ዎይ ጋላስ ዎኮታ̇ቦ ዓን ጊላ̇ን ጋርታ̇ፖ ሜላ ኣቲ̇ን ፔታ̇ናዳር ሌቃካዮዲፌ̈ኒ ና̈ጊንቲ̇ብቴ̇።

ማ̈ቶ̈ሳ 18:11

[ታ ኣሳ ናኣ̈ዳሬ ዬይኖንዳ̇ ዪኖን ፋንዳቦ” ጌይዴ።]

ማ̈ቶ̈ሳ 20:28

ታ ኣሳ ናኣ̈ዳሬ ኣስ ማ̈ዳ̇ንዳብኬ ዎይሊንን ፋንዳቦ ኢንታኮታ̇ብ ቴ ሼምፒ̇ን ኣ̈ ኢማ̇ንዳብ ዬ̈ዶ̇ኬ ኣሲ ታ̈ና ማ̈ዳ̇ምፔ̈ን ቴ ዬ̈ካ̇ዬ” ጌይዴ።

ማ̈ቶ̈ሳ 9:13

‘ቴ ኮያዚንዳ̇ ማ̈ሪቲዶኬ ዣ̈ርሻ ጊዳካ̇ዬ’ ጋ̈ር ጻ̈ፊኖንዳ̇ ኢዛ ኣብዝ ጌንትኮ ኮሺንቺ̇ ቤቂ̇ ኤሪብቴ̇። ቴ ዬይኖንዳ̇ ጺላ̇ን ጼይጋንዳብ ጊዳካ̇ይዶ̈ን ናጋራንቻ̇ን ማ̈ሪቲ ጌላምፔ̈ኔ” ጌይዴ።

ማ̈ርቆ̈ሳ 2:17

ዬሱ̈ሳር ኢንቲ ሶ̈ላዚን ሲስካሪ “ማኖንቦዶኬ ማካ̇ዮንቦ ኣኪማ ኮሽባ̈ሴ፤ ታ̈ናሬ ናጋራንቻ̇ን ታ̈ክ ጼይጋንዳብ ዬ̈ዶ̇ኬ ጺላ̇ን ጼይጋንዳብ ዬ̈ካ̇ዬ” ጌይዴ።

ሉቃ̈ሳ 15:2

ፋራሳ̈ዋንኬ ሙ̈ሳ ሂጋ̇ ታማ̈ርሲዛን “ዓ ና̈ሳ ናጋራንቻን ኢ̈ክ ዬይን ኢጺ̇ባ̈ሲ ማ ኢንታባር ዎልኣ ሙይሬ” ዪዝ ጋ̈ሪ ዬሱ̈ሳ ጋልዳ ጉንዲሚዴ።

ሉቃ̈ሳ 19:10

ኣባ ጌይን ታ̈ኒ ኣሳ ናኣ̈ዲ ዪኖ ኮያንዳ̇ብኬ ፋንዳቦ ዬይኔ” ጋ̈ር ሶ̈ሊዴ።

ሉቃ̈ሳ 5:32

ታ̈ናር ናጋራቻ̇ን ማ̈ሪቲ ጌላምፔ̈ንዶኬ ጺላ̇ን ጼይጋንዳ̇ብ ዬ̈ካ̇ዬ” ጋ̈ር ማሂዴ።

ዋ̈ኒ̇ሳ 1:12

ዎቲናካሬ ኢያ ፌዬ̇ ጌዪ ኤኪ̇ኖንብኬ ኢ ሱምንባር ኣማ̇ኒኖቦ ኢንቲ̇ ጾ̈ሳ̇̇ ናኢ ማ̈ቃ̇ምፔ̈ኒ ኢንታ̇ብ ሲልጣ̈ና ኢሚ̇ዴ።

ዋ̈ኒ̇ሳ 1:29

ኢዝ ዎንን ዋ̈ኒ̇ሲ፥ ዬሱ̈ሲ ኢ̈ክ ዬ̈ዚምባ̇ር ቤቃ̇ሪ “ዓዲሼ ቤቂብቴ! ኣሳ ናጋራ ጌ̈ሺ̇ዛ ጾ̈ሳ̇̇ ዶራ ዓ̈ዳ!

ዋ̈ኒ̇ሳ 12:47

“ታ ቃ̈ሊን ሲስካ̇ሪ ኦ̈ሳ ጋልዳ ፌ̈ሺ̇ባ̈ሶ ኣሳ ጋልዳ̇ ፊርዲዛ̈ዲ ታ̈ና ጊዳካ̇ዬ፤ ቴ ዬይኖንዳ ኣላሚን ጋልዳ ዎ ኣሳን ፋንዳብዶኬ ኢንታ̇ ጋልዳ̇ ፊርዳንዳ̇ብ ጊዳካ̇ዬ።

ዋ̈ኒ̇ሳ 3:36

ጾ̈ሳ̇̇ ናኣ ኣማ̇ኒዝ ኣሲ ሜናብ ሼምፓባር ዶኢ ኢ̈ብ ዎ፤ ጾ̈ሳ̇̇ ናኣ ኣማ̇ኒባ̈ሶ ኣሳ ጋልዳ̇ ጾ̈ሳ̇̇ ጎይላ ዬይርዶኬ ኢ ሼምፓ ዴጚባ̈ሴ” ጌይዴ።

ሃዋ̈ራታን ኦ̈ሳ 11:1

ማ ኣይሁድ ባዮ̇ ኣሳን ጾ̈ሳ̇ ቃ̈ሊን ሲስኪ ኣማ̇ኒኖን ሃዋ̈ራታንኬ ይሁዳ ጋዳ̇ ዎ ኣማ̇ኒኖ ኣሳን ሲስኪ̇ዴ።

ሃዋ̈ራታን ኦ̈ሳ 11:18

ዪኖ̇ ሲስኪ̇ኖፖ̇ ዓኒ ኢንታ ጌይዝ ባዚ ዪን ዚም ጌይዴ “ዪዚ ጾ̈ሲ ኣይሁድ ባዮ̇ንባሬ ኦራ ሼምፓብ ዬልዝ ማ̈ሪቲ ኢሚ̇ኔ” ጋ̈ሪ ጾ̈ሳ̇ ጋላቲዴ።

ሃዋ̈ራታን ኦ̈ሳ 3:26

ዪ̈ኮታ̇ቦ̈ ጾ̈ሲ̇ ቲ̈ኒታር ፌ ናኣ̈ ዪንታ̇ክ ሚሺ̈ዴ̈። ኢ ዪ̈ ዎቲኖ̈ዲ ዪንቲ̇ ዎይ ዪንታ̇ ኢ̈ታ ኦ̈ሲን ጋርታ̇ፖ̇ ማ̈ሃሪ ዪንታ̇̇ ኣንጃንዳቦ” ጌይዴ።

ሮሜ 11:14

ዪና̇ ቴ ዎቲንዳ ቴ ዜርን ኣይሁዳን ቃና̇ኢሳንዳቦ። ዪዚ ዪኒ̇ባራ ኢንታ̇ ጋርታ̇ፖ ፔታ̇ን ፔታ̇ናን ፋንዳብ ዳንዳኣስታ ጋ̈ራ ዎቲኔ።

ሮሜ 5:6

ኑ ኑ̈ና ፋንዳብ ዳንዳኣካ̇ዮ ኣስ ማ̈ቃ̇ር ዎዶን ጾ̈ሲ ጌይኖ ኬ̈ሊ̇ንባራ ክርስቶ̈ሲ ናጋራንቻ̇ንኮታ̇ቦ ዓይቂ̇ዴ።

1 ቆሮ 15:9

ታ̈ኒ ኣማ̇ኒኖ ኣሳን ዳካ̇ ላ̈ሊ̇ኖ ኣስ ማ̈ቂ̇ኖኮታ̇ቦ ሃዋ̈ራታን ዎይ̈ንፖ ጉ̈ጺ̇ዝ ኣሴ፤ ማ ሃዋ̈ራ ጌዪንታ̇ራር ጼይጊንታ̇ንዳብ ኮሺ̇ባ̈ሶ ኣሴ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

1 ጢማ̈ 1:13

ዓኒ̇ፖ ቲ̈ን ታ̈ኒ ጎዳ ቆ̈ሳ̇ ኢያ ኣማ̇ኒኖ ዳካ̇ ዎቲኖ ውጫ ኣስ ማ̈ቂ̇ናካሬ ታ ዪኖ̇ ዎቲኖንዳ ኤራካ̇ይ ኣታ̇ርኬ ኢያ ኣማ̇ናካ̇ዮ ኬል̇ባራ ማ̈ቂ̇ኖጊሻ̇ቦ ኢ ታ̈ብ ኣቶ̇ ጌይኔ።

1 ጢማ̈ 1:19

ኣማ̇ናኬ ኮሽ̇ ቆ̈ፊ ኔ̈ብ ዶኣጋቤ። ፔቲ̇ ፔቲ̇ ኣሳን ፌ ቆፊን ኣሻ̇̈ሪ፥ ባሃ̈ራ ጋልዳ ዉርጊ ዲንዲን ጎጚን ዉርጊንባር ያዚንዲፌ̈ኒ ኢንታ̇ር ፌ ኣማ̇ኒን ይሲ̇ኔ።

1 ጢማ̈ 3:1

“ኦ̈ናካር ማ̈ቂ̇ን ኣሲ ዎ̈ሳ ኬ̈ ቲ̈ኒዝ ኣስ ማ̈ቃ̇ንዳብ ኮዬጌይንዶ ኮሽ ኦ̈ሳ ኦ̈ንዳብ ኢኒ̇ቲ̈ሬ” ጌይንቲ̇ኖ ሶ̈ሊንዳ ኪን ሶ̈ላ።

1 ጢማ̈ 4:9

ዪና̇ ሶ̈ሊንዳ ኣሲ ዎይዲ ኪን ጌዪ ኤካ̇ንዳቦ ኮሺ̇ዝ ሶ̈ላ።

1 ጢማ̈ 6:13

ዎይቦ ሼምፓ ኢሚ̇ዝ ጾ̈ሳ̇̇ ቲ̈ንኬ ጴንጣናዋ ጲላጦ̈ሳ ቲ̈ን ኪንን ማርኪቲኖ ዬሱ̈ስ ክርስቶ̈ሳ ቲ̈ን ቴ ኔ̈ና ኪ̈ታ̇̈ሬ።

2 ጢማ̈ 2:11

ዓንዲዝ ጋ̈ዝ ሶ̈ሊንዳ ኣማ̇ኒንቲ̇ኖ ሶ̈ላ፦ “ኑኒ ኢባ̈ራ ዓይቄ̇ጌይንዶ፥ ኢባራ ማ ሼምፓባር ዶኢ̈ሬ።

ቲ̈ታ̇ 3:8

ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።

ኢብ 7:25

ዪ̈ኮታቦ ኢ ኢንታ ጊሽ ̇ጪጛሽ ማ̈ቃ̇ር ጌሻንዳቦ ሜናብ ሼምፓባር ማ̈ቃ̇ር ዶኢዛኮታቦ ኢ ጎይባራ ጾ̈ሳ̇ኮ ዬይዛን ዎይ ዉርሲ ፋንዳብ ዳንዳኢ̈ሬ።

1 ዋ̈ኒ̇ 3:5

ክርስቶ̈ሲ ኣሳ ናጋራ ይሳ̇ንዳቦ ዓኒ̇ ኣላሚን ጋልዳ ዬይኖንዲኬ ማ ኢ ጋልዳ ናጋራ ባዮ̇ን ዪንቲ̇ ኤሪ̈ሬ።

1 ዋ̈ኒ̇ 3:8

ሴጣኖ ቲ̈ናፖ ኤሪ ናጋራ ኦ̈ዛኮታ̇ቦ ናጋራ ኦ̈ዝ ኣሲ ዎይ ሴ̈ጣና ዳባ̇፤ ጾ̈ሳ̇ ናኣ ዓኒ̇ ኣላሚን ጋልዳ ዬይኖ̈ዳሬ ሴ̈ጣና ኦ̈ሲን ላ̈ላ̇ንዳቦ።

1 ዋ̈ኒ̇ 5:11

ማርኪቲንዳሬ ጾ̈ሳ̇ ኑ̈ቦ ሜና̈ብ ዶኣዚ ሼ̈ምፓ ኢሚ̇̈ኖንዲኬ ዪና̇ ሼምፒን ቤንቲ̇ኖንዳ ናኣ ጎይባራ ማ̈ቂ̇ኖን ማርኪታ̈ሬ።

ሳጻ 21:5

ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ።

ሳጻ 22:6

ዪኒ̇ፖ ዎሃ ኪ̈ታንቻዲ ታ̈ኮ “ዓን ቃ̈ላን ኣማ̇ኒንቲኖንኬ ኪንን፤ ናባን ካ̈ያ ካ̈ያምፔ̈ን ኢንታ̇ብ ኢሚ̇ዝ ጎዳ ጾ̈ሳ̇̇̈ዲ ኡክባር ማ̈ቂ̇ዝ ባዛን ፌ ኣሽካራንቦ ሶ̈ላንዳቦ ፌ ኪ̈ታንቻ ሚሺኔ” ጌይዴ።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።