1 ጢማ̈ 1:14 - ኦራ ጫ̈ቃ ማጻ̈ፋ

¹⁴ ኑ ጾ̈ሳ̇̇̈ዲ ዬሱ̈ስ ክርስቶ̈ሳባራ ኑዪ ማ̈ቂ̇ኖ ኣማ̇ኒንዲኬ ካንንዶ ፌ ኮሺቲምባር ዎልኣ ታ̈ቦ ሺሻር ኢሚ̇ዴ።

1 ጢማ̈ 1:14 ပူးပေါင်းရင်းမြစ်များ

ማ̈ቶ̈ሳ 20:9

“ታጶ̇ ፔቲ̇ ሳኣ̈ታባር ኦ̈ሳ̇ ኤ̈̇ኖ ኣሳን ዬ̈ሪ ፌ ቆሚ̇ን ቆሚ̇ን ፔቲ̇ ፔቲ̇ ዲና̈ራ ኤኪ̇ዴ።

ሃዋ̈ራታን ኦ̈ሳ 15:11

ኑ̈ናር ማ̈ቂ̇ን ፋቲ ዲጛንዚንዳ ኢንታ̇ኮንዲፌ̈ኒ ጎዳ ዬሱ̈ሳ ኮሺ̇ቲባራ ማ̈ቂ̇ኖን ኑ ኣማ̇ኒ̈ሬ” ጌይዴ።

ሮሜ 16:20

ዪንቲ ዪኖ ዎቴጌይንዶ ሳሪቲ ኢሚ̇ዝ ጾ̈ሳ̇̇̈ዲ ኤሊ̇ሪ ሴ̈ጣ̈ና ዪንታ̇ ቶ̈ሂን ጻ̈ና ቶጛሪ ቡኪ̇ ዲልኢ̈ሬ። ጎዳ ዬሱ̈ስ ክርስቶ̈ሳ ኮሺቲ ዪንታ̇ባር ማ̈ቆ̇።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

1 ቆሮ 3:10

ጾ̈ሲ ታ̈ብ ኢሚ̇ኖ ኤሪንዲፌ̈ኒ ሹቻ ኬ̈ ኮሺንቺ ኬ̈ጺዝ ኣስፌ̈ኒ ጻኖ ማሳራቲንዶ̇ ሹችባራ ኮሺንቻ ኦ̈̈ዴ። ሜላን ቴ ኦ̈ኖ ማሳራቲን ጋልዳ ኬ̈ን ኬ̈ጺ̇̈ሬ፤ ዎቲናካሬ ኬ̈ጺዝ ኣሳን ዎይ ማሳራቲን ኢዝ ጋልዳ ዎዛርፌ̈ን ኮሺንቻ̇ር ኬ̈ጻ̇ንዳብ ኮሺ̇̈ርኮ ኤራንዳብ ኮሺ̈ሬ።

2 ቆሮ 13:14

ጎዳ ዬሱ̈ስ ክርስቶ̈ሳ ኮሺ̇ቲ፣ ጾ̈ሳ̇ ካን፣ ጌ̈ሻ̇ ኣያ̇ና ጋልዳፖ̇ ቤንቲ̇ዝ ፔቲ̇ቲ ዪንቲ̇ ዎይንባር ማ̈ቆ̇ጋ̈ቤ።

2 ቆሮ 4:15

ጾ̈ሳ̇̇ ኮሺ̇ቲ̈ዲ ዎይላሪ ዎይሊን ኣሳቦ ዬላ̇ምባራ ጾ̈ሳ̇̇̈ብ የሊ̇ዝ ቦንቻ̇̈ዳሬ ዪና̇ ኢዝፌ̈ኒ ዎይላምፔ̈ኒ ዪ̈ ዎይ ዪንታ̇̇ቦ ጋ̈ሪ ማ̈ቂ̇ኔ።

2 ቆሮ 8:9

ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

ጋላ̈ታ 1:13

ታ̈ኒ ቲ̈ን ኣይሁድ ኣማ̇ናባራ ዎዛርፌ̈ን ዶኢኖኮ፥ ኣማ̇ኒዝ ኣሳን ላ̈ላ̇ ይሳንዳብ ዎዛርፌን ቡ̈ቲቲኖኮ ዪንቲ̇ ሲስኪ̇ኔ።

1 ታሳ 1:3

ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ።

1 ታሳ 5:8

ኑ̈ኒ ዎቲናካር ፎኢን ኣስ ማ̈ቂ̇ኖኮታ̈ቦ ኑ ኑ̈ና ኢ̈ታ ባዝ ጋልዳፖ ና̈ጊሙታ̇ ኑ̈ብ ኮሻ̇ዚንዲፌ̈ን ዶኢስቶ። ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ሬ ኑ̈ናሬ ኣማ̇ናኬ ካንኬ ዪና ኢዝፌ̈ን ማኢስቶ፤ ጾ̈ሲ ኑ̈ና ፋሬ ጌዪ ኢሚ̇ኖ ታስፊንዶ ሲላባር ኮቺ̇ኖ ባርኔ̈ጻፌ̈ኒ ኑ ቆሚ̇ን ጋልዳ ጋዲ̇ስቶ።

1 ጢማ̈ 2:15

ማ̈ቂ̇ናካሬ ማጮ̇ ኣማ̇ናባራ፣ ካንባርኬ፣ ጌ̈ሺ̇ቲባራር ሚ̈ጛርኬ ፌ̈ና ኢ̈ት ባዝ ጋልዳፖ ና̈ጋር ዶኤጌይን ናእ ዬላባር ፋጻ̈ሬ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

1 ጢማ̈ 6:11

ዪዚ ኔ̈ኒ ጾ̈ሳ̇ ኣሳ̈ዶ! ኔ̈ኒ ዪንፌ̈ኖ ባዛን ጋልዳፖ ጎታ̇ቤ፤ ኔ̈ኒ ጺሊ̇ቲ ጎይን፣ ጾ̈ሳ̇ ማይጻር ዶኣዚን፣ ኣማ̇ና ጎይን፣ ካን ጎይን፣ ዳንዳኣባር ሚ̈ጛዚንዴኬ ኣሽኪቲባራ ዶኣ̈ዚን ኮያቤ።

2 ጢማ̈ 1:13

ኔ̈ኒ ታ ጋልዳፖ ታማ̈ሪኖ ኮሽ ቃ̈ሊንዶ ሚሳ̇̈ሊፌ̈ን ዎታራ ዬሱ̈ስ ክርስቶ̈ሳባራ ኑ̈ብ ዎ ኣማ̇ኒንዴኬ ካንን ያካ̇ይፌ̈ን ና̈ጋቤ።

2 ጢማ̈ 2:22

ናኢቲ ኢ̈ታ ኢኒ̇ን ጋልዳፖ̇ ጎታ̇ቤ፤ ጌ̈ሻ ቡ̈ዳባራ ጎዳ ጼይጊዝ ኣሳንባራ ማቃራ ጺሊቲ፣ ኣማ̇ና፣ ካንኬ ሳሪቲ ጎይን ዬቤ።

ቲ̈ታ̇ 2:2

ዶምዚኖ ኣቲናን፥ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዛን፣ ኣማ̇ናባራ፣ ዳንዳኣባርኬ ካ̈ንባራ ዶኢዝ ኣስ ማ̈ቃ̇ምፔ̈ኒ ኢንታ ዞራቤ።

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።

1 ዋ̈ኒ̇ 4:10

ካን ጋ̈ዚን ዓኖ፤ ኑ̈ኒ ጾ̈ሳ̇ ካኖኮታ̇ቦ ጊዳካ̇ይዶን ጾ̈ሳ̇ ኑ̈ና ካኖ̈ብኬ ኑ ናጋሪን ኑ ጋልዳፖ ፋይምፔ̈ኒ ፌ ናኣ ሚሺኖኮታ̇ቦ።

ሳጻ 22:21

ጎዳ ዬሱ̈ሳ ካንንዳ ዪንቲ ዎይንባር ማ̈ቆ̇፤ ኣሚንኤ።