1 ታሳ 5:9 - ኦራ ጫ̈ቃ ማጻ̈ፋ

⁹ ጾ̈ሲ ኑ̈ና ጼይጊኖ̈ዲ ጎይላብ ጊዳካ̇ይዶን ኑ ጎዳ ዬሱ̈ስ ክርስቶ̈ሳ ጎይባራ ኑ̈ኒ ፋቲ ዲጛምፔ̈ኒዬ።

1 ታሳ 5:9 ပူးပေါင်းရင်းမြစ်များ

ማ̈ቶ̈ሳ 26:24

ታ ኣሳ ናኣ̈ዲ ታ̈ብ ዎዳ ጻ̈ፊንቲ̇ኖንዲፌ̈ኒ ዓይቃ̇̈ርዶኒ፥ ታ̈ና ኣሳ ናኣ ኣ̈ ኢሚ̇ዝ ና̈ሳ ኢባዚ ኣዬ̇! ና̈ሳ ዪ̈ዲ ዬሊንታ̇ካ̇ይ ኣቲ̇ኖኮ ኢ̈ብ ኮሽዶ̈ን” ጌይዴ።

ሃዋ̈ራታን ኦ̈ሳ 1:20

“ዪና̇ ማ̈ቂ̇ኖንዳ̇ ማዝሙራ ማጻ̈ፋ ጋልዳ፥ “ ‘ኢ ዶኢ ቤሲ̇ን ካይዝ ማ̈ቆ̇፤ ኦ̈ናካር ኢና ዶኣፖ̇ ጋ̈ቤ’ ማ ‘ኢ ሲልጣ̈ኒን ሜላ ኣሲ ኤኮ̇’ ጋ̈ሪ ጻ̈ፊንቲኖኮታ̇ቦ።

ሃዋ̈ራታን ኦ̈ሳ 1:25

ዪሁዶ ፌ̈ብ ማ̈ቂ̇ዝ ቤስ̇ ሉካ̇ሪ ኣሺ̇ኖ ኦ̈ሲ̇ምቦ̇ ኢ ቤሲ̇ን ሃ̈ዋ̈ራ ማ̈ቃ̇ር ኦ̈ምፔ̈ኖ ኦ̈ናኮ ኑ̈ና ቤይሳቤ” ጌዪ ዎ̈ሲ̇ዴ።

ሃዋ̈ራታን ኦ̈ሳ 13:48

ኣይሁድ ባዮ̇ ኣሳን ዪኖ̇ ሲስካ̇ሪ ኡፋይቲ̇ዴ፤ ጾ̈ሳ̇̇ ቃ̈ሊ̇ንባራሬ ቦንች ኢሚ̇ዴ። ሜና ሼምፓብ ማራ̇ጺንቲ̇ኖን ዎይ ኣማ̇ኒዴ።

ሮሜ 11:30

ዪንቲ̇ ዓኒ̇ፖ ቲ̈ን ጾ̈ሳ̇̈ቦ ኪ̈ቲንቲ̇ባ̈ሶንዶሪ ዓት ዎቲናካሬ ኣይሁዳን ኪ̈ቲንታ̇ካዮኮታ̈ቦ ጾ̈ሳ̇̈ ማ̈ሪቲ̇ ዪንቲ̇ ዲጚዴ።

ሮሜ 11:7

ዓት ዪ̈ዲኮ ኣባ? ኢስሬ̈ላን ፌ ኮዪኖ ባዚን ዲጛካ̇ዬ፤ ዎቲናካሬ ማራ̇ጺንቲኖን ፌ ኮዪኖን ዲጚዴ፤ ኣቲ̇ኖን ፌ ቡ̈ዳ ዛቢሲዴ።

1 ታሳ 1:10

ማ ጾ̈ሲ̇ ኢያ ዓይቃ ጋርታ̇ፖ ዲንኖ፥ ዬይዝ ጾ̈ሳ̇ ጎይሊን ጋልዳፖ ኑ̈ና ቡ̈ቲሲዛ፥ ጾ̈ሳ̇ ና̈ኣ ዬሱስ ክርስቶ̈ሳ ዬንቲ̇ን ዎዛርፌ̈ን ና̈ጊሙታ ዎኮ ዪን ኣሳን ዪንታ̇ባዝ ማርኪቲ̈ሬ።

1 ታሳ 3:3

ዪና̇ሬ ዪንታ̇ ዬሊ̇ኖ ሜ̈ቲን ጋርታ ኢ̈ጫ̇ር ጋስ ማ̈ቃካ̇ዮ̈ዲፌ̈ኒ ዪንታ̇ ማ̈ዲ̇̈ሬ፤ ዪኒ̇ፌ̈ኖ ሜቲ̇ን ኑ ጋልዳር ዎይ ጋላስ ዬላ̇ዚን ዪንቲ̇ ኤሪ̈ሬ።

1 ጢማ̈ 1:13

ዓኒ̇ፖ ቲ̈ን ታ̈ኒ ጎዳ ቆ̈ሳ̇ ኢያ ኣማ̇ኒኖ ዳካ̇ ዎቲኖ ውጫ ኣስ ማ̈ቂ̇ናካሬ ታ ዪኖ̇ ዎቲኖንዳ ኤራካ̇ይ ኣታ̇ርኬ ኢያ ኣማ̇ናካ̇ዮ ኬል̇ባራ ማ̈ቂ̇ኖጊሻ̇ቦ ኢ ታ̈ብ ኣቶ̇ ጌይኔ።

1 ጢማ̈ 1:16

ዎቲናካሬ ታ̈ብ ኣቶ̇ ጌይዴ፤ ኢ ታ̈ብ ኣቶ̇ ጌይኖንዳ፥ ዎሳሊ ባዮ̇ ፌ ዳንዳኢንዶ ዎይፖ ሺ ናጋራንቻ ቴ ጋልዳ ቤይሳሪ ኢያ ኣማ̇ኒዛንብኬ ሜናብ ሼምፓባር ዶኢ ዲጚዛንቦ ታ̈ና ሚሳ̇̈ሊፌ̈ን ማሃንዳቦ።

2 ጢማ̈ 2:10

ዪ̈ኮታ̇ቦ ኢንቲ ዬሱ̈ስ ክርስቶ̈ሳ ጎይባራ ቤንቲ̇ዝ ፋቲንዲኬ ሜናቦ ዶኣዝ ቦንቺ̇ን ዲጛ̈ምፔ̈ኒ ጾ̈ሳ̇ ማራ̇ጺኖ ኣሳንቦ ጋ̈ራ ታ̈ኒ ዎይ ባዝ ጋ̈ርዣ̈ሬ።

1 ጴጥ 2:10

ዪንቲ ሚን ጾ̈ሳ̇ ዎርዣ ጊዳካ̇ዬ፥ ዎቲናካር ዓት ዪንቲ̇ ጾ̈ሳ̇̇ ዎርዣ፤ ሚን ዪንቲ̇ ማ̈ሪቲ ዲጛካ̇ዮን፤ ዎቲናካር ዓት ማ̈ሪቲ ዲጚኔ።

1 ጴጥ 2:8

ማ፥ “ኣስ ብዝ ሹች፤ ማ ኣስ ብር ቶጚዝ ዛ̈ላ̇ ማ̈ቂ̇ዴ” ኢንቲ̇ ኣማ̇ናካ̇ይ ኣቲ̇ኖኮታ̇ቦ ብንቲ̈ሬ፤ ቲ̈ናር ጾ̈ሲ ኢንታ ዓኒ̇ቦ ጌዪ ጋዲ̇ኖ ኣሴ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

2 ጴጥ 2:3

ዪን ማቃ ኣስታማ̈ራን ሚ̈ሻ̇ቦ ጋንዲ̇ዛኮታ̇ቦ ፌ ጋልዳፖ ኬሲ̇ኖ ማቃ ሶ̈ላ ሶ̈ሊሙታ̇ ዪንታ̇ባዝ ቡሪ̈ሬ፤ ዎይሊን ላይፖ ቲ̈ን ኢንታ̇ብ ፊርዳ ጊ̈ጊኔ፤ ዪ ኢንታ ና̈ጊኔ።

ዪሁ 1:4

ኣባ ጌይን ፔቲ̇ ፔቲ̇ ኣሳን ኤሪንታካ̇ይ ዪንታ̇ ጊዳ̇ ጌሊኔ፤ ዪን ኣሳን ኑ ጾ̈ሳ̇ ኮሺቲንዶ ኢ̈ት ናጋራ ኢና̇ባር ላሚ̇ሙታ ጾ̈ሳ̇ቦ ጎሽቲ̇ባ̈ሶ ኣሴ፤ ኢንቲ̇ ኑ ካ̈ታ ኑ ጎዳ ዬሱ̈ስ ክርስቶ̈ሳ ካ̈ዲ̈ሬ፤ ዎቲናካሬ ኢንታ ጋልዳ ዬላ̇ዝ ፊርዲንዳ ዎይሊን ላ̈ይፖ ቲ̈ን ጻ̈ፊንታ̇ር ዎ።