1 ታሳ 5:6 - ኦራ ጫ̈ቃ ማጻ̈ፋ

⁶ ዪ̈ኮታ̇ቦ ኑ̈ኒ ባ̈ርኪስቶ፤ ኑ ኑ̈ና ኢ̈ታ ባዝ ጋልዳፖ̇ ና̈ጊሙታ̇ ኑ̈ብ ኮሻ̇ዚንዲፌ̈ኒ ዶኢስትዶኬ ሜላንፌ̈ኒ ጊስባ̈ዳ።

1 ታሳ 5:6 ပူးပေါင်းရင်းမြစ်များ

ማ̈ቶ̈ሳ 13:25

ዎቲናካሬ ኣሲ ዎይ ሱርቂ̇ኖፖ ዓኒ ኢ ጻላ̈ታ ዬ̈ሪ ኢ ዜርቂ̇ኖ ዜርቂን ጋርታ̇ ሌ̈ሻ ዜርቃ̇ር ሉኪ̇ዴ።

ማ̈ቶ̈ሳ 24:42

“ዪዚ ዪንታ̇ ጎዳ̈ዲ ኣ̈ንታ̇ ዬይርኮ ዪንቲ̇ ኤሪባ̈ሶኮታ̇ቦ ሚ̈ጛር ና̈ጊብቴ̇።

ማ̈ቶ̈ሳ 25:13

“ዪዚ ዪንቲ̇ ቃሚ̇ንዲክ ሳኣ̈ቲንዲክ ኤሪባ̈ሶኮታ̇ቦ ሚ̈ጛር ና̈ጊብቴ” ጌይዴ።

ማ̈ቶ̈ሳ 25:5

ኢሳ̇̈ ዬ̈ካይ ጋምኢን ዎይን ሱ̈ርሲ ኢንታ̇ክ ዬ̈ይን ሱርቂ̇ዴ።

ማ̈ቶ̈ሳ 26:38

ኢናፖ̇ ኢንታ̇ኮ “ቴ ሼምፒ̇ን ዓይቃብ ዬ̈ሊዝ ዲራ̈ስ ታ̈ና ዎይሊን ጫና̇ቂሺኔ፥ ዪንቲ̇ ዓንዳ̇ ዶኣሪ ታ̈ባር ባርካ̇ር ዶኢብቴ̇” ጌይዴ።

ማ̈ርቆ̈ሳ 13:37

ቴ ዪንታ̇ብ ሶ̈ሊኖንዲፌ̈ኒ ሜላንባር ዎይ ሚ̈ጚብቴ ጋ̈ሬ” ጌይዴ።

ሉቃ̈ሳ 12:37

ላ̈ ዬ̈ዚምባ̇ራ ሱርቃካ̇ይ ና̈ጋር ዎ ኣይላን ኢንቲ̇ ኣንጂንቲ̇ኖን። ቴ ዪንታ̇ክ ኪን ጋ̈ሬ፥ ላ̈̈ዳሬ ኢንታ̇ብ ዎ̈ሲንታ̇ንዳብ ዲንዲ̇̈ሬ፤ ኢናፖ̇ ኢንታ̇ ሙሲ ኡሺ̇̈ሬ።

ሉቃ̈ሳ 12:39

ዪንቲ̇ ዪኖ̇ ኤሪብቴ̇፥ ሶሎ ኣ ሳኣ̈ታ ጋርታ̇ ዬይርኮ ኣ̈ሊን ባ̈ባ ኤሪኖኮ ኢ ቦ̈ካ̇ዚምባ̇ር ዚምዶኢባ̈ስዶ̈ን።

ሉቃ̈ሳ 21:36

ዪዚ ኢ̈ታ ባዝ ዎይ̈ፖ̇ ቡ̈ታ̇ንዳብኬ ታ ኣሳ ናኣ ቲ̈ን ኤቃ̇ንዳቦ ዳንዳኣምፔ̇̈ኒ ዎይ ጋላስ ሚ̈ጛር ዎ̈ሲ̇ብቴ̇” ጌይዴ።

ሉቃ̈ሳ 22:46

ኢንታኮ “ዪንቲ̇ ኣባብ ሱርቂ̈ራ? ፋታና ጋርታ̇ ጌላካ̇ዮ̈ዲፌ̈ኒ ዲንዳ̇ር ዎ̈ሲ̇ብቴ̇” ጌይዴ።

ሃዋ̈ራታን ኦ̈ሳ 20:31

ዪ̈ኮታ̇ቦ ዪንቲ̇ ዪንታ ና̈ጊብቴ! ቴ ዓይዚ ላይ ዎይ ቃም̇ኬ ጋላስኬ ዬ̈ካ̇ ኣብጻ̇ሙታ̇ ዪንታ̇ ዞሪኖ ዞሪን ቆፒ̇ብቴ።

1 ቆሮ 15:34

ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ።

1 ቆሮ 16:13

ባርኪ̇ብቴ፤ ዪንታ̇ ኣማ̇ኒንባር ሚ̈ጛር ኤቂ̇ብቴ፤ ሚ̈ጚብቴ።

ኤፍ 2:3

ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።

ኤፍ 5:14

ኣባጌዪን ዎይ ባዚ ቤንታ̇ምፔን ዎቲዛዲ ፎኢን፤ ዪ̈ኮታ̇ቦ፥ “ኣን ኔ ሱርቂ̇ኖዶ! ባርካ̇ቤ፥ ዓይቃ ጋርታፖ̇ ዲንዳ̇̈ቤ ክርስቶ̈ሲ ኔ̈ብ ፎኢሲ̈ሬ” ጌይኔ።

ኤፍ 6:18

ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።

ፊል 4:5

ዪንቲ̇ ኮሽ ኣስ ማ̈ቂ̇ኖንዳ ኣስ ዎይ ቲ̈ን ኤሪንቲ̇ኖ ማ̈ቆ̇ጋቤ፤ ጎ̈ዳ ዬንቲ̇ን ኡኪ̇ኔ።

ቆላ̈ሳ̈ሳ 4:2

ጾ̈ሳ̇ ጋላቲሙታ̇ ባርካ̇ሪ ዎ̈ሳባር ሚ̈ጚብቴ።

1 ታሳ 4:13

ቴ ኢሺንታ̇ን! ታስፋ ኢንታ̇ብ ባዮ̇ ኣሳንፌ̈ኒ ዬ̈ኪ̇ ሙ̈ዲዳካ̇ይፌ̈ኒ ዓይቂ̇ኖ ኣሳን ባዚን ኪንን ዪንቲ ኤራምፔ̈ን ቴ ኮያ̈ሬ።

1 ታሳ 5:10

ክርስቶ̈ሲ ኑ̈ቦ ዓይቂ̇ኖ̈ዲ ኑ̈ኒ ሼምፓባር ዶኢናር ዓይቂ̇ናር ኑ̈ኒ ኢባር ዶኣምፔ̈ኒዬ።

1 ታሳ 5:8

ኑ̈ኒ ዎቲናካር ፎኢን ኣስ ማ̈ቂ̇ኖኮታ̈ቦ ኑ ኑ̈ና ኢ̈ታ ባዝ ጋልዳፖ ና̈ጊሙታ̇ ኑ̈ብ ኮሻ̇ዚንዲፌ̈ን ዶኢስቶ። ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ሬ ኑ̈ናሬ ኣማ̇ናኬ ካንኬ ዪና ኢዝፌ̈ን ማኢስቶ፤ ጾ̈ሲ ኑ̈ና ፋሬ ጌዪ ኢሚ̇ኖ ታስፊንዶ ሲላባር ኮቺ̇ኖ ባርኔ̈ጻፌ̈ኒ ኑ ቆሚ̇ን ጋልዳ ጋዲ̇ስቶ።

1 ጢማ̈ 2:15

ማ̈ቂ̇ናካሬ ማጮ̇ ኣማ̇ናባራ፣ ካንባርኬ፣ ጌ̈ሺ̇ቲባራር ሚ̈ጛርኬ ፌ̈ና ኢ̈ት ባዝ ጋልዳፖ ና̈ጋር ዶኤጌይን ናእ ዬላባር ፋጻ̈ሬ።

1 ጢማ̈ 2:9

ዪና̇ ኢዝፌ̈ኒ ማጫ̇ንሬ ፌ ቆም̇ ዳዲ̇፣ ዎርቃ ኣ̈፣ ኢንቁ ጋ̈ዝ ዎይሊን ሚ̈ሽ ኤኪ̇ዝ ጌ̈ጻባራ ዎይ ዎይሊን ሚ̈ሽ ኤኪ̇ዝ ኣፊላባራ ኣሲ ታ̈ና ቤቆ̇ ጌዪ ሙታ̇ ጊዳ̈ካይዶን ፌ̈ና ዪርክ ዪርክ ዎቲሙታ̇ ፌ̈ብ ማ̈ቂ̇ዝ ኣፊላ ማኦጋ̈ቤ።

1 ጢማ̈ 3:11

ማ ኢንታ ማጫ̇ንር ቦንቺ̇ንቲ̇ኖንኬ፥ ኣስ ዚጊሪባሶን፤ ፌ̈ብ ኮሻ̇ዚንዲፌ̈ን ዶኢዛንኬ ባዝ ዎይባራ ኣማ̇ኒንቲ̇ኖን ማ̈ቃ̇ንዳብ ኮሺ̇̈ሬ።

1 ጢማ̈ 3:2

ዪዚ ዎ̈ሳ ኬ̈ ቲ̈ኒዝ ኣሲ ኢ ጋልዳ ኢ̈ታ ባዝ ሶ̈ሊንቲ̇ባ̈ሶ̈ዳ፣ ማጫ̇ ላጊካ̇ዮ ኣስ፣ ፌ̈ና ኢ̈ታ ባዝ ጋልዳፖ ና̈ጊዝ ኣሲ፣ ቦንቺ̇ንታ̇ር ዶኢዝ ኣሲ፣ ዛቃ̇ ሞኪ̇ዝ ኣስ፣ ታ̈ማ̈ርሳ̇ንዳቦ ኤራ ዎ ኣሲ፣

2 ጢማ̈ 4:5

ዎቲናካር ኔ̈ኒ ዎይ ባዝባራ ኔ̈ና ና̈ጋቤ፤ ሜ̈ታ ጋርታ ጋርዣቤ፤ ዎጛላ ኦ̈ሲን ኦ̈ቤ፤ ኔ̈ብ ኢሚንቲ̇ኖ ኦ̈ሲን ኦ̈ ፎታቤ።

ቲ̈ታ̇ 2:12

ዪና̇ ጾ̈ሳ̇̇ ካንንዳ፥ ኣሲ ናጋ̈ራ ኦ̈ ሙታ̇ ዶኣዚን ጋልዳፖኬ ኣላሚን ዓኒ̇ ጋልዳ ዎ ኢ̈ታ ኢና̇ን ኣሻ̇ሪ ኢ̈ታ ባዝ ጋልዳፖ ፌ̈ና ና̈ጊሙታ̇ ጺሊ̇ቲባርኬ ጾ̈ሳ̇ ማይጻር ዶኣምፔ̈ን ኑ̈ና ታማ̈ርሳ̈ሬ።

ቲ̈ታ̇ 2:6

ዪና̇ ኢዝፌ̈ኒ ናኢቲ̇ ኣቲናኣን ፌ̈ና ኢ̈ታ ባዝ ጋልዳፖ ና̈ጋር ዶኣምፔ̈ን ኢንታ ዞራቤ።

1 ጴጥ 1:13

ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

1 ጴጥ 5:8

ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇፥ ማ ባርኪብቴ! ዪንታ̇ ጻላ̈ታ ሴ̈ጣኖ ቆ̈ዝባዝ ኮያሪ ዲ̇ዝ ዞብፌ̈ኒ ዪንታ̇ ቡጉዳባራ ቢሪንቲ̇̈ሬ።

ሳጻ 16:15

ዪዚ “ቤቂብቴ! ቴ ዪንታ̇ክ ሶላፌ̈ን ዪንቲ ቆፓካ̇ይዶን ዬ̈ሬ! ኢ ካሊ̇ን ኣሳን ቤቄ̇ጌይን ኢ ዬ̈ልቃካ̇ዮ̈ዲፌ̈ኒ ባርካ̇ር ፌ ኣፊሊን ና̈ጊዝ ኣሲ ኢ ኣንጂንቲ̇ኖ ኣሴ” ጌይዴ።

ሳጻ 3:2

ባርካ̇ቤ! ዓይቃ̇ንዳብ ዬ̈ሊ̇ኖን ኔ̈ብ ጊላ̇ ኣቲ̇ኖ ዎልቂን ያካ̇ይዶን ኢዞ ሚ̈ንቤ፤ ኔ ኦ̈ሲንዳ ቴ ጾ̈ሳ̇̈ ቲ̈ን ማ̈ዛ ኢዝ ጋልዳ ባዮ̇ ማ̈ቃ̇ር ታ̈ብ ቤንታ̇ካዬ።