2 ጎዳ ዬንቲ̇ንዳ ሶላ ቃም ዬ̈ዚንዲፌ̈ኒ ማ̈ቂ̇ኖን ዪንቲ̇ ዎይ ኤሪ̈ሬ።
“ዪዚ ዪንቲ̇ ቃሚ̇ንዲክ ሳኣ̈ቲንዲክ ኤሪባ̈ሶኮታ̇ቦ ሚ̈ጛር ና̈ጊብቴ” ጌይዴ።
“ዪዚ ዪንቲ̇ ሙንትኬ ኡሽኬ ዎይሊሳር ማባር ሳ̈ዝ ጋልዶ̇ ቲ̈ሪስባር ዪንቲ̇ ዳ̈ቡሪ ዎን ጋርታ̇ ዪና̇ ቃሚ̇ን ጺሂፌ̈ን ኤሪንታ̇ካይዶ̈ር ዪንታ̇ ዬላ̇ካይፌ̈ኒ ና̈ጊንቲ̇ብቴ̇።
ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።
ዪዚ ቴ ኢሺንታ̇ን! ዪንቲ̇ ም ጋርታ ጊዳካ̇ዮኮታ̇ቦ ዪና̇ ቃሚ̇ን ዪንታ̇ቦ ሶላ ዬይዛ̈ፌ̈ን ማ̈ቃ̇ባሴ።
ካ̈ያባራ ዎይ ቃ̈ላባራ ሶሊንቲ̇ኖዲፌ̈ን ቆፓ̇ሪ ዎይ ኑ ጻ̈ፋር ዪንታ̇ብ ሚሺኖ ኪ̈ታፌን ማሃሪ “ጎዳ ዬ̈ዝ ቃሚ̇ን ዬሊ̇ኔ” ጋ̈ሪ ኤሊ̇ር ዪንታ̇ ቆፊባር ጌዳክ ዓኒክ ጋ̈ፒ̇ቴ፤ ማ ሼምፓር ዶኢብቴ።
ጎዳ ዬንቲ̇ንዳ ሶ̈ላፌ̈ኒ ኣሲ ቆፓካይዶ̈ን ዬ̈ሬ፤ ዪና̇ ጋላሲ̇ን ኣፎ ሳ̈ዚንዳ ጴች ጊርስባር ያ̈ሬ፤ ኢዝ ጋርታ̇ ዎ ባዚ ዎይ ታማባር ሚጫ̇ር ዪ̈ሬ። ሳ̈ዶ ሳ̈ዚንዲኬ ኢዝ ጋልዳ ዎ ባዝ ዎይ ሚጪ̇̈ሬ።
ዪዚ “ቤቂብቴ! ቴ ዪንታ̇ክ ሶላፌ̈ን ዪንቲ ቆፓካ̇ይዶን ዬ̈ሬ! ኢ ካሊ̇ን ኣሳን ቤቄ̇ጌይን ኢ ዬ̈ልቃካ̇ዮ̈ዲፌ̈ኒ ባርካ̇ር ፌ ኣፊሊን ና̈ጊዝ ኣሲ ኢ ኣንጂንቲ̇ኖ ኣሴ” ጌይዴ።
ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።
